اعمال رَسولان 18:15 - کتاب مقدس به زبان مازندرانی - گویش شرقی

¹⁵ ولی از اونجه که شِمه دَعوا مرافه کَلِمات و اسمها و شِمه شَریعتِ مسئله هَسِّه، پَس شه شِما اونِ بررسی هاکانین. مِن نِخوامبه این طی چیائه خَوِری داوِری هاکانِم.»

گیله ماز

¹⁵ وَلی اوجِه جی که شِیمی مُرافِه کلمات و اِسمها و شِیمی شریعَتِ مَسئَلِه هیسه، پَس شما خودِتان اونِه بَررسی هَکُنین. مَن نَخنَم اینجور چیزانِ بارِه داوَری هَکُنَم.»

کتاب مقدس به زبان مازندرانی - گویش غربی

¹⁵ ولی از اوجِه گه شِمِه مِرافِه کلمات و اِسمها و شِمِه شریعَتی مَسئَلِه هَسِّه، پَس شِما شِه هونِه بَررِسی هاکِنین. مِن نَخوایمِه هَینجور چیایی خَوَری داوَری هاکِنِم.»

اعمال رَسولان 18:15 Iomraidhean Croise

اِنجیلِ مَتّی 27:24

وَختی پیلاتُس بَدیئه که دییه فاییده ای نِدارنه و ممکنه شورِش بَووه، اوه بَخواسه و مَردِمِ چِشِ پلی شه دَسِ اوه بَکِشیه و بااوته: «این مَردیِ خون دییه مِ گَردِن دَنیه؛ شه دوندِنی!»

اِنجیلِ مَتّی 27:4

«مِن گِناه هاکاردِمه و باعث بَیمه یِتا بی گِناهِ خون دَشِندی بَووه. ولی وِشون جِواب هِدانه: اِما ره چه ربط دارنه؟ شه دوندی!

اِنجیلِ یوحنا 18:31

پیلاتُس وِشونِ بااوته: «شِما شه وه ره بَوِرین و طِبق شه شَریعَت وه ره محاکمه هاکانین.» یَهودیون بااوتِنه: «اِما اِجازه نِدارمی هیچ کَسِ بَمِردَنِ وِسه مَحکوم هاکانیم.»

اعمال رَسولان 18:13

وِشون بااوتِنه: «این آدِم مَردِمِ قانع کانده خِدا ره یِتا رَوِشی هِمراه که خلافِ شَریعتِ پَرَسِش هاکانِن.»

اعمال رَسولان 23:29

بِفَهمِسِمه که وه اِتهام شه وِشونِ شَریعتِ مربوطِ، و وه جُرم اَنده نییه که وه سِزا مَرگ یا حبس بوئه.

اعمال رَسولان 25:11

اِسا اگه خَطایی هاکاردِمه یا کاری مِ جِم سَر بَزو که مَرگِ مِستحق بوئه، بَمِردِنِ جِم تَرسی نِدارمه. ولی اگه اتهامایی که اینا مِ ره زَندِنه، بی خودیه، هیچ کَس نَتونده مِ ره وِشونِ دَس تَسلیم هاکانه. مِ خوامبه قضیه، اِمپراطورِ محکمه دِله رسیدگی بَووه.»

اعمال رَسولان 25:19

بلکه شه دین خَوِری و عیسی، نومی که بَمِرده و پولُس ادعا کارده زنده ئه، جَرِّ بَحث هاکاردِنه.

اعمال رَسولان 26:3

خصوصاً اینکه دومبه شِما یَهودِ رَسم و رِسوم و وِشونِ میونِ اختلافائه جِم کاملِاً آشنانی. اِسا، خواهش کامبه صبرِ هِمراه مِ گَبِ گوش هادین.

اول تیموتائوس 1:4

و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

اول تیموتائوس 6:4

وه، غرور وه ره بَییته و هیچی نِفَهمِنه. این طی آدِمی، جَنگ و جِدال و دَعوا مرافه کَلِماتِ سَر دارنه، که اونِ جِم حسودی و دَعوا و توهین وبد گَمونی به وجود اِنه،

دوم تیموتائوس 2:23

اون بحث هایی که نادونی و نِفَهمیِ جِم هَسه دوری هاکان، چوون دوندی که دَعوا مرافهِ باعث بونه.

تیتوس 3:9

ولی جَنگ و جِدال که نادونیِ جِم هَسه، شجره‌نامه‌ها و اِختلافات و دَعوا مرافه هایی که شَریعتِ خَوِریِ، دوری هاکان، چوون اینا بی‌فایده و بی‌ارزشِنه.