اعمال رَسولان 17:5 - کتاب مقدس به زبان مازندرانی - گویش شرقی

⁵ ولی یَهودیون حَسودی هاکاردِنه و چَن تا شَریرِ آدِمونِ، بازارِ جِم، جَمع هاکاردِنه، اَت دسه لاتِ لوت راه دینگونه و شَهرِ دِله بَلوا هاکاردِنه. وِشون پولُس و سیلاسِ پی دا هاکاردِنِ وِسه یاسونِ سِره هجوم بَوِردِنه تا وِشونِ جَمیِّتِ دلهِ جِم بیرون بیارِن.

گیله ماز

⁵ وَلی یَهودیِان حَسودی هَکُردَن و چَن تا شریرِ آدَمانِ بازارِ جی جَم هَکُردَن، یه دَسِّه لات و لوت راه تُووادَن و شَهرِ دِلِه بَلوا هَکُردَن. اوشان پولُس و سیلاسِ پیدا هَکوردَنِ وَسین یاسونِ سِرِه یه سَمت هُجوم بَبِردَن تا اوشانِه جَماعتِ دِلِه دِرگا بیارِن.

کتاب مقدس به زبان مازندرانی - گویش غربی

⁵ ولی یَهودیِن حَسودی هاکِردِنِه و چَن تا شریرِ آدَمِنِ بازاری جا جَم هاکِردِنِه، یَه دَسِّه لات و لوت راه اِنگتنِه و شَهری دِلِه بَلوا هاکِردِنِه. وِشون پولُس و سیلاسی بَنگیتَنی سِه یاسونی خِنِه ای سِه هِجوم بَوِردِنِه تا وِشونِه جَماعتی دِلِه ای جا دیرگا بیارِن.

اعمال رَسولان 17:5 Iomraidhean Croise

اِنجیلِ مَتّی 27:18

چوون وه دونِسه که یَهودیون حَسودیِ سَر عیسی ره وه تَسلیم هاکاردِنه.

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 14:2

ولی یهودیونی که ایمون نیارده بینه، غیرِ یَهودیونِ تَحریک هاکاردِنه و وِشونِ فِکرِ، بِرارونِ علیه، مَسموم هاکاردِنه.

اعمال رَسولان 17:13

وَختی تِسالونیکیِ یَهودیون بِفَهمِسِنه که پولُس بیریهِ دِله هم خِدائه کِلامِ اِعلام کانده، اونجه بُوردِنه و مَردِمِ تحریک هاکاردِنه و شَهرِ آشوب بَکِشینه.

اعمال رَسولان 17:6

ولی وَختی وِشونِ پی دا نکاردِنه، یاسون و بِرارونِ جِم بَعضی دییه ره شَهرِ حاکمونِ پَلی بَکِشِندینه و داد بَزونه که «این مَردا که تِمومِ دِنیا ره زیرِ رو هاکاردِنه، اِسا اینجه بییَمونه

اعمال رَسولان 17:7

و یاسون، وِشونِ شه سِره بَوِرده. اینا همه، رومِ پادشاه قیصرِ دَستوراتِ جِم سَرپیچی کاندنه و مِدَّعینه که یِتا دییه پادشاه به اسم عیسی دَره.»

اعمال رَسولان 17:9

بعد یاسون و بقیهِ جِم ضمانت بَییته، وِشونِ آزاد هاکاردِنه.

اعمال رَسولان 18:12

ولی اون مووقه که گالیو، اَخائیهِ مَنطقه حاکم بییه، یَهودیون هَمدَس بَینه، پولُسِ سَر دَکِتِنه و وه ره مَحکمه بیاردِنه،

اعمال رَسولان 19:40

چوون این خطرِ دِله دَرمبی که اَمروزِ اتّفاقاتِ خاطِری، شورشِ متّهم بَوویم. اگه این طی بَووه، نَتومبی این بلوائه وِسه دلیلی بیاریم.»

اعمال رَسولان 7:9

«ولی پاتریارخا حَسودیِ سَر، یوسِفِ مِصریونِ بَروتِنه. ولی خِدا یوسِفِ هِمراه دَییه

رومی ایشون 16:21

مِ همکار تیموتائوس شِمه وِسه سِلام رِسِندِنه. مِ فامیلون لوکیوس، یاسون و سوسیپاتِر هم شِمه وِسه سِلام رِسِندِنِنه.

اوّلین نامِه قُرنتیانی سِه 3:3

چوون که هَمتی هِوا و هَوِسِ دِمبال دَرِنی. وَختی شِمه میون حَسودی و دَعوا دَره، مگه اینِ نِشون نَدِنه که هِوا و هوِسِ دِمبال دَرِنی و بَقیه آدِمونِ واری رِفتار کاندینی؟

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

غَلاطیان 5:21

حَسودی؛ مَستی، عیاشی و یه چیایی اینائه واری. شِما ره هِشدار دِمبه هَمون طی که قبلتر شِما ره هِشدار هِدامه، کِسایی که این طی کارا ره کاندِنه خِدائه پادشاهی ره اِرث نَوِرنِنه.

غَلاطیان 5:26

بیخودی مَغرور نَبوئیم تا هَمدییه غیظِ بالا بیاریم و هَمدییه ره حَسودی نَکِنیم.

اوّل تِسالونیکیان 1:6

شِما اَمه جِم و خِداوندِ جِم سَرمخش بَییتِنی، چوون خَله مِصیبتِ دِله، خِدائه کلامِ اون خِشالیِ هِمراه که روح‌القدس دِنه، قَبول هاکاردینی.

یعقوبِ نامه 4:5

یا اینکه گَمون کاندینی مِقدَّسِ نوِشته بیخودی بَنوِشته که: «خِدا نسبت به روحی که اَمه دِله بییِشته خَله غیرت دارنه؟»