اعمال رَسولان 17:24 - کتاب مقدس به زبان مازندرانی - گویش شرقی

²⁴ «خِدایی که دِنیا و هر اونچی، اونِ دِله دَره ره خَلق هاکارده، آسِمون و زِمینِ صاحابِ، و مَعبِدایی که آدِمیِ دَسِ جِم بِساته بَییهِ دِله زندگی نَکانده.

گیله ماز

²⁴ «خُدایی که دُنیا و هر اونچه اونه دِلِه دَرِه رِه خَلق هَکردِه، آسِمان و زمینِ صاحاب هیسِه و معبدایی که آدَمی یه دَس هَمرَه بِساته هَبا یه دِلِه زندگی نُکانِه.

کتاب مقدس به زبان مازندرانی - گویش غربی

²⁴ «خِدایی گه دِنیا و هر اونچی وی دِلِه دَرِه رِه خَلق هاکِردِه، آسِمون و زَمینی صاحابِ و معبدایی گه آدَمی ای دَسی جا بَسات بَوِه ای دِلِه زندگی نَکِنِّه.

اعمال رَسولان 17:24 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 5:34

ولی مِن شِما ره گامبه اَصلِاً قَسِم نَخُرین، نا آسِمونِ چوون خِدائه تَختِ،

لوقا 10:21

هَمون لَحظه، عیسی روح‌القدسِ دِله شاد بَییه و بااوته: «ای پییِر، آسِمون و زِمینِ صاحاب، تِ ره شکر کامبه که این چیا ره عاقلون و حَکیمونِ جِم قایم هاکاردی و کِچیکِ وَچونِ وِسه دیار هاکاردی. اره، ای پییِر، چوون این اون چی بییه که تِ ره خِشال کارده.

اِنجیلِ یوحنا 1:1

از اَوِّل کِلام دَییه و کِلام خِدائه هِمرا دَییه و کِلام، خِدا بییه؛

اعمال رَسولان 14:15

«ای مَردِم، چه این طی کاندینی؟ اِما هم شِمه واری، آدِمِمی. اِما خَوِرِ خِشِ شِما ره دِمبی تا این بیخودی کارائه جِم دَس بَکِشین و زنده خِدا ره ایمون بیارین که آسِمون و زِمین و دریا و اونچی که اونائه دِله دَره ره خَلق هاکارده.

اعمال رَسولان 4:24

وَختی اینِ بِشنُسِنه، یَک صِدا خِدائه حِضور دِعا هاکاردِنه و بااوتِنه: «ای خداوندی که همه چیِ حاکمی، اِی خِدایی که آسِمون و زِمین و دریا و اونچی اونائه دِله دَره ره خَلق هاکاردی،

اعمال رَسولان 7:48

«با این وجود خِدائه مِتَعال، اون سِره هایی که آدِمی دَسِ جِم بِساته بَییه بوئه، منزل نَکانده، هَمون طی که اِشعیائه پِیغَمبِر بااوته:

رومی ایشون 1:19

چوون اونچی خِدائه جِم بونه بِشناسییَن وِشونِ وِسه دیارِ، چوون خِدا اونِ وِشونِ وِسه دیار هاکارده.

نامِه مَسیحینی عبرانی نِژادی سِه 1:2

ولی این آخِرین روزائه دِله، وه شه ریکائه طریق اَمه هِمراه گَب بَزو، اون ریکا که وه ره یِتا وارثِ واری، همه چیِ دِله تَعیین هاکارده و وه طریق جهانِ خَلق هاکارده.

نامِه مَسیحینی عبرانی نِژادی سِه 3:4

چوون هر سِره یه نَفِرِ دَسِ جِم بِساته بونه، ولی اونی که همه چیِ سازِنه، خِدائه.

یوحنایِ مکاشفه 20:11

بعد یِتا گَتِ اسبهِ تخت بَدیمه، و یه نَفِر که وه سَر نیشته بییه. آسِمون و زِمین وه حِضورِ جِم فِرار کاردِنه و هیچ جایی وِشونِ وِسه پی دا نَییه.