اعمال رَسولان 17:23 - کتاب مقدس به زبان مازندرانی - گویش شرقی

²³ چوون وَختی که شَهرِ دِله گِردِسِمه و اونچی ره که شِما پَرِسش کاردینی ره بَدیمه، یِتا قِروونگاه پی دا هاکاردِمه که اونِ سَر بَنوِشته بَییه بییه: ”تَقدیم به خِدایی که هَمتی بِشناسی نَییه “. اِسا مِن اونچیِ که شِما اونِ نِشناسِنِنی و پَرَسِش کاندینی ره شِما ره اِعلام کامبه.

گیله ماز

²³ چون وَختِی که شَهرِ دِلِه گَردِنِه بام و اونچه که شما پَرَسِش کانین رِه بَدییَم، ایتا قربانگاه پیدا هَکوردَم که اونه سَر بَنوِشت هَبا با: ”تَقدیم بِه خُدایی که هَلَه بِشناخته نَبا“. اَسه مَن اونچه که شما اونِه نِشناسِنِین و پرَسِش کانین رِه شِمِرِه اِعلام کانَم.

کتاب مقدس به زبان مازندرانی - گویش غربی

²³ چون وختی گه شَهری دِلِه گِرِسِمِه و اونچی گه شِما پَرَسِش کِردِنی رِه بَئیمِه، یَتِه قِروونگاه بَنگیتِمِه گه اونی سَر بَنوِشت بَوِه وِه: ”تَقدیم به خِدایی گه حَلا بِشناسی نَوِه“. اِسا مِن اونچی گه شِما اونِه نِشناسِنِنی و پَرَسِش کِنِنی رِه شِمارِ اِعلام کِمِّه.

اعمال رَسولان 17:23 Iomraidhean Croise

اِنجیلِ مَتّی 15:9

وِشون بی خودی مِ ره پَرَسِش کاندِنه وِشونِ تَعلیم فِقَط آدِمیِ حِکمِ.

اِنجیلِ یوحنا 17:25

«ای صالحِ پییِر، هر چَن دِنیا تِ ره نِشناسِنه، ولی مِن تِ ره اِشناسِمبه، و اینا دوندِنه که تِ مِ ره بَفرِسی ای.

اِنجیلِ یوحنا 17:3

و اَبدی زندگی اینِ که تِ ره، تینا حَییقی خِدا، و عیسی مَسیح که تِ بَفرِسیِ ره بِشناسِن.

اِنجیلِ یوحنا 4:22

شِما اونچیِ نِشناسِنی ره پَرَسِش کاندینی، ولی اِما اونچی ره اِشناسِمبی ره پَرِسش کامبی، چوون نِجات یَهودِ قومِ طَریقِ جِم اِنه.

اِنجیلِ یوحنا 8:54

عیسی جِواب هِدا: «اگه مِن شه ره جِلال هادِم، مِ جِلال اَرزشی نِدارنه. اونی که مِ ره جِلال دِنه، مِ پییِرِ، هَمونتائه که شِما گانِنی، اَمه خِدائه.

اعمال رَسولان 17:30

قَدیم، خِدا این طی نادونیِ جِم چِش پوشی کارده. ولی اَلان تِمومِ مَردِمِ، اِسا هر جا که دَرِنه ره دستور دِنه که توبه هاکانِن.

رومی ایشون 1:28

از اونجه که خِدائه بِشناسییَن، وِشونِ وِسه ارزشی نِداشته، خِدا هم وِشونِ، بَد بَدِ فکرهائه دِله وِل هاکارده تا اون کاری که نَووِسه هاکانِنِ انجام هادِن.

اوّلین نامِه قُرنتیانی سِه 1:21

چوون از اونجه که طبقِ خِدائه حِکمت، دِنیا نَتونِسه حِکمتِ راه جِم خِدا ره بِشناسه، خِدا این طی صِلاح بَدیئه که این نادونیِ راهِ جِم که اِما موعظه کامبی، اونایی که ایمون یارنِنه ره، نِجات هاده.

اوّلین نامِه قُرنتیانی سِه 8:5

چوون هر چَن دَرِنه اونایی که خِدایون بااوته بونِنه، چه زِمینِ دِله و چه آسمونِ دِله، هَمون طی که واقعاً هم یَته خَله «خِدایون» و یَته خَله «خِداوندون» دَره -

اِفِسُسیان 2:12

و شه یاد بیارین که اون مووقه مَسیحِ جِم سیوا بینی و اِسرائیلِ قومِ جِم حِساب نییَمونی و نسبت به وعدهِ عهدها، غریب بینی، و نا‌امید و بی‌خِدا این دِنیائه دِله زندگی کاردینی.

دوّم تِسالونیکیان 2:4

وه هر چیِ هِمراه که خِدا بااوته بونه یا پرسِش بونه، مخالفت کانده و شه ره وِشونِ جِم سَرتر دونده، جوری که خِدائه مَعبِدِ دِله نیشِنه و اِعلام کانده که شه خِدائه.

اول تیموتائوس 1:17

اِسا، اون پادشاه دوران، اون که تا اَبد دَره و نَوونه اونِ بَدیئِن، اون یِتا خِدا ره تا اَبد و تا اَبد حِرمت و جِلال بوئه؛ آمین!

اوّل یوحنا 5:20

همین طی هم دومبی که خِدائه ریکا بَییَمو و اِما ره فَهم هِدا تا وه که حَییقَتِ ره بِشناسیم، و اِما وه دِله که حَییقَتِ دَرِمبی، یعنی وه ریکا، عیسی مَسیحِ دِله. وه خِدائه حَییقی و اَبدی زندگیِ.