اعمال رَسولان 17:18 - کتاب مقدس به زبان مازندرانی - گویش شرقی

¹⁸ رَواقی و اپیکوریِ فیلسوفونِ جِم بعضیا هم وه هِمراه بحث کاردِنه. وِشونِ جِم بعضیا گاتِنه: «این مِفتِ گَب زَن چی خوانه باره؟» بَقیه گاتِنه: «انگاری غَریبِ خِدایونِ تبلیغ کانده.» چوون پولُس، عیسی و مِرده هائه زِنده بَیِّنِ خَوِری وِشونِ وِسه گَب زوئه.

گیله ماز

¹⁸ رَواقی و اِپیکوری یه فیلسوفان جی بعضیان هَم اونِه هَمرهَ بَحث کِانِه بان. بعضی اَز اوشان گونه بان: «این مُفت گَب زَن چی خَنِه باگو؟» بَقیِه گونه بان: «اِنگار غریبِ خِدایانِ تبلیغ کانِه.» چون پولُس، عیسی و مردگانِ زندِه هَبوسَّنِ بارِه اوشانِ هَمرَه گَب زَنِه با.

کتاب مقدس به زبان مازندرانی - گویش غربی

¹⁸ رَواقی و اِپیکوری ای فیلسوفِنی جا بعضیا هَم وی هَمرا بَحث کِردِنِه. بعضی از وِشون گِتِنِه: «هَین مِفت گَب زَن چی خواینِه بُئِه؟» بَقیِه گِتِنِه: «اِنگار غریبِ خِدایِنی تبلیغِ کِنِّه.» چون پولُس، عیسی و مِردگونی زینِّه بَووئَنی خَوَری وِشونی سِه گَب زووِه.

اعمال رَسولان 17:18 Iomraidhean Croise

مَرقُس 9:14

وَختی وِشون بَقیه شاگِردونِ پَلی بَرِسینه، بَدینه یَته خَله جَمیِّتِ وِشونِ دور اِیست هاکاردِنه و توراتِ مَلِّمون هم وِشونِ هِمراه بَحث کاندنه.

لوقا 11:53

وَختی عیسی بیرون بُورده، توراتِ مَلِّمون و عُلِمائه فِرقه فریسی بَدجور وه ره فِشار یاردِنه و تَقِلّا کاردِنه وه ره تحریک هاکانِن خَله چیائه خَوِری گَب بَزِنه.

اعمال رَسولان 26:23

اینکه مَسیح وِنه رَنج بَوینه و اَوِّلین نَفِری بوئه که مِرده هائه جِم زِنده بونه، تا روشِنایی ره هم اَمه قوم و هم دییه قومها ره اِعلام هاکانه.»

اعمال رَسولان 4:2

وِشون از اینکه رَسولون مَردِمِ تَعلیم دانه و عیسیِ زنده بَیِّنِ خَوِری گَب زونه، خَله وِشونِ حال بَییته بَییه.

اعمال رَسولان 5:42

و هیچ روزی، چه مَعبِدِ دِله و چه سِره هائه دِله، تَعلیم و خَوِر خِش جِم دَس نَکِشینه که عیسی هَمون مَسیحِ موعودِ.

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

رومی ایشون 1:22

هر چَن ادِعا کاردِنه حکیمِنه، نادون بَینه

اوّلین نامِه قُرنتیانی سِه 3:18

شه ره گول نَزِنین. اگه شِمه جِم کِسی فکر هاکانه، این زِمونه دِله حَکیمِ آدِمِ، اینِ وِسه که حکیم بَووه، وِنه نادون بَووه.

اوّلین نامِه قُرنتیانی سِه 4:10

اِما مَسیحِ خاطِری نادونیمی، ولی شِما مَسیحِ دِله حَکیمِنی! اِما ضَعیفیمی، ولی شِما قَوینی! شِما مِحتَرمِنی، ولی اِما حِرمتی نِدارمی!

کولُسیان 2:8

هوشیار بوئین تا هیچ کس شِما ره فلسفه و بیخودی گول بَزوئِنِ هِمراه گرفتار نَکِنه، که نا مَسیحِ سَر، بلکه آدِمائه رَسم و رسومات و این دِنیائه اصولِ سَر پابرجائه.