اعمال رَسولان 17:17 - کتاب مقدس به زبان مازندرانی - گویش شرقی

¹⁷ اینِ وِسه، عِبادَتگاهِ دِله یَهودیون و خِداپَرَسِ یونانیون و هم هر روز شَهرِ میدونِ دِله اون مَردِمِ هِمراه هم که اونجه دَینه بَحث کارده.

گیله ماز

¹⁷ اینه وَسین، عبادتگاهِ دِلِه یهودیِان و خُداپَرَس یونانیِان، وَ هم هر روز شَهرِ میدانِ دِلِه اون مَردُمِ هَمرهَ هَم که اوجِه دَبان بَحث کانِه با.

کتاب مقدس به زبان مازندرانی - گویش غربی

¹⁷ هَینِسه، عبادتگاهی دِلِه یهودیِن و خِداپَرَس یونانیِن، و هَم هر روز شَهری میدونی دِلِه هون مَردِنی هَمرا هَم گه اوجِه دَوِنِه بَحث کِردِه.

اعمال رَسولان 17:17 Iomraidhean Croise

مَرقُس 16:15

بعد وِشونِ بااوته: «تِمومِ دِنیائه دِله بُورین و انجیلِ تِمومِ مَردِمِ وِسه اِعلام هاکانین.

لوقا 12:3

اونچی تاریکیِ دِله بااوتینی، رووشِناییِ دِله بِشنُسه بونه و اونچی دَوِسه دَرِ پِشت یِواشکی بااوتینی، سِره بومِ سَر اِعلام بونه.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 13:16

پولُس اِیست هاکارده و دَسِ هِمراه اشاره هاکارده، بااوته: «ای یهودی مَردِم و شِما اِی خِداترسون، گوش هادین!

اعمال رَسولان 13:43

بَعدِ از اینکه جَمیِّت، عِبادَتگاهِ جِم بوردِنه، یَته خَله یَهودیون و اون خداپَرِسِ مَردِم که یَهودی بَییه بینه، پولُس و بَرنابائه دِمبال راه دَکِتِنه. پولُس و بَرنابا این دَسهِ هِمراه گَب بَزونه و وِشونِ تَشویق کاردنه که خِدائه فِیضِ دِله اِدامه هادِن.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 8:2

ولی چَن تا خِداشِناسِ مَردی استیفانِ جنازه ره دَفن هاکاردِنه و وه وسه گَتِ عزاداری بَییتِنه.

اعمال رَسولان 9:20

وه دَرجا یَهودیونِ عبادتگاه هائه دِله بُورده و این پیغومِ که عیسی، خدائه ریکا هَسه ره شروع هاکارده.

دوم تیموتائوس 3:2

چوون مَردِم خود شیفته، پولدوس، مَغرور، متکبّر، ناسزاگو، شه پییِر مارِ جِم اِطاعت نَکاندِنه، ناشِکر، ناپاک،

دوم تیموتائوس 3:5

ظاهراً دیندارِنه، ولی اونِ قِوَّتِ انکار کاندِنه. این طی آدِمائه جِم دوری هاکانین.