اعمال رَسولان 17:12 - کتاب مقدس به زبان مازندرانی - گویش شرقی

¹² این طی، یَهودیونِ جِم یَته خَله و سرشناسِ یونانی زَن ها و مردائه جِم هم یَته خَله ایمون بیاردِنه.

گیله ماز

¹² اینجوری، خِیلی اَز یهودیِان، وَ خِیلی از سَرشِناسِ یونانی زِناکان و مَرداکان هَم ایمان بیاردِن.

کتاب مقدس به زبان مازندرانی - گویش غربی

¹² هَینجوری، یهودیِنی جا یَتِخیلی، و سَرشِناسِ یونانی زَناکِنِن و مَرداکِنِنی جا هَم یَتِخیلی ایمون بیاردِنِه.

اعمال رَسولان 17:12 Iomraidhean Croise

مَرقُس 15:43

یه نَفِر به اسمِ یوسِف که اَهل رامه بییه جِرأت هاکارده و پیلاتُسِ پَلی بُورده و عیسیِ جنازه ره بَخواسه. یوسِف جِزوِ یَهودِ شورا بییه و وه ره اِحترام اییِشتِنه، و خِدائه پادشاهیِ اِنتِظارِ کَشیه

اِنجیلِ یوحنا 7:17

اگه کِسی بِخوائه خِدائه خواسه ره اِنجام هاده، فَهمِنه که این تعالیم خِدائه جِم هَسه یا مِن شه جِم گامبه.

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 14:1

پولُس و بَرنابا قونیهِ شَهرِ دِله هم، یَهودِ عِبادَتگاهِ دِله بُوردِنه و جوری گَب بَزونه که یَته خَله یَهودیون و یونانیون، ایمون بیاردِنه.

اعمال رَسولان 2:47

وِشون خِدا ره حَمد و ثناء کاردِنه. همه مَردِم وِشونِ اِحترام اییِشتِنه؛ و خِداوند هر روز اونایی که نجات‌ گِتِنه ره، وِشونِ جَمعِ دِله اضافه کارده.

اوّلین نامِه قُرنتیانی سِه 1:26

ای بِرارون، شه وَضعِ شه یاد بیارین: اون مووقه که خِدا شِما ره دَعوِت هاکارده. ویشتِر شِما دِنیائه ارزش هائه هِمراه، حَکیم بِشمارِسه نَوونِسِنی؛ و ویشتِر شِما قِددارون یا نجیب‌زاده هائه جِم نَبینی.

اِفِسُسیان 5:14

چوون هر چی دیار بونه نورِ. اینِ وِسه ئه بااوته بَییه که: «ای تِ ای که خو دِله دَری، بیدار بَواش، مِرده هائه جِم زِنده بَواش، و مَسیح شه نورِ تِ سَر تابِنه.»

یعقوبِ نامه 1:10

و پولدار شه فروتنی ره اِفتخار هاکانه، چوون واشِ گُلِ واری از بین شونه.

یعقوبِ نامه 1:21

پَس هر جور فاسدی و هر شرارتِ شه جِم دور هاکانین و فروتنیِ هِمراه، کِلامی ره که خِدا شِمه دِلِ دِله دَکاشته و تونده شِمه جانها ره نِجات هاده ره قبول هاکانین.