اعمال رَسولان 17:11 - کتاب مقدس به زبان مازندرانی - گویش شرقی

¹¹ این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

گیله ماز

¹¹ این یَهودیان اون یَهودیان جی که تِسالونیکی یه دِلِه دَبان نَجیب تَر بان، اوشان ذوقِ هَمرهَ پِیغامِ قبول هَکُردَن و هر روز مُقَدَّسِ بَنویشتِه شان رِه خواندِنِه بان تا بِینَن پولُس و سیلاسِ گَب خُدایِ کلامِ مِثان هیسه یا نه.

کتاب مقدس به زبان مازندرانی - گویش غربی

¹¹ هَین یَهودیِن هون یَهودیِنی جا گه تِسالونیکی ای دِلِه دَوِنِه نَجیب‌تر وِنِه، وِشون اِشتیاقی هَمرا پِیغِمِ قَبول هاکِردِنِه و هر روز مِقَدّسِ نِوِشتِه هارِه خونِسِنِه تا بَوینِن پولُس و سیلاسی گَب خِدایی کلامی تَرا هَسِّه یا نا.

اعمال رَسولان 17:11 Iomraidhean Croise

اِنجیلِ مَتّی 13:23

ولی تیمی که خوارِ زِمینِ دِله دَکاشته بَییه کِسیِ که کِلامِ اِشنُنِه و اونِ فَهمِنه. وه حَییقَتاً باروَر بونه، صَد شَصت یا سی بِرابر بار یارنه.

لوقا 1:2

دِرِس هَمون‌ طی اونایی که از اَوِّل، شه چِشِ هِمراه بَدینه و کِلامِ خادِم بَینه، اِما ره بِسپارِسِنه،

لوقا 11:3

اَمه هر روزِ نونِ هر روز اِما ره هاده.

لوقا 16:29

ولی اِبراهیم جِواب هِدا: ”وِشون موسی و پِیغَمبِرونِ دارنِنه، پَس بییِل وِشونِ گَبِ گوش هادِن.“

لوقا 24:44

بعد وِشونِ بااوته: «این هَمونِ که وَختی شِمه هِمراه دَیمه، گاتِمه؛ اِسا تِموم اونچی موسیِ تورات و پِیغَمبِرونِ کِتاب و مزامیرِ دِله مِ خَوِری بَنوشت بَییه هَسه، وِنه اِنجام بَرِسه.»

اِنجیلِ یوحنا 3:21

ولی اونی که حَییقَتِ به‌ جا یارنه نورِ پَلی اِنه تا مَعلوم بَووه که وه کارا، خِدائه کُمِکِ هِمراه اِنجام بَییه.»

اِنجیلِ یوحنا 5:39

شِما مِقدَّسِ بَنوِشته ها ره دِقّتِ هِمراه خوندِنِنی، چوون خیال کاندینی اونِ طَریقِ جِم اَبدی زندگی دارنِنی و اِسا اون که اینا هم مِ خَوِری شِهادت دِنِنه.

اعمال رَسولان 10:33

پَس دَرجا تِ دِمبال بَفرِسیمه و تِ هم لِطف هاکاردی و بییَموئی. اِسا اِما همه خِدائه پَلی حاضِریمی تا هر چی خِداوند تِ ره دستور هِدا، بِشنُئیم.»

اعمال رَسولان 11:1

رَسولون و بِرارون تِمومِ یَهودیهِ مَنطقهِ دِله بِشنُسِنه که غیریهودیون هم خِدائه کِلامِ قبول هاکاردِنه.

اعمال رَسولان 17:1

پولُس و سیلاس آمْفیپولیس و آپولونیائه شهرائه جِم بُگذِشتِنه و تِسالونیکیِ شَهر بییَمونه، که اونجه یَهودیونِ عبادتگاه بییه.

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.

اوّل تِسالونیکیان 1:6

شِما اَمه جِم و خِداوندِ جِم سَرمخش بَییتِنی، چوون خَله مِصیبتِ دِله، خِدائه کلامِ اون خِشالیِ هِمراه که روح‌القدس دِنه، قَبول هاکاردینی.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

دوّم تِسالونیکیان 2:10

و تِمومِ شَرورِ حیله هائه هِمراه، اونایی که هلاکتِ راهِ دِله دَرِنه، چوون وِشون نِخواسِنه حَییقَتِ دوس دارِن تا نِجات بَیرِن.

یعقوبِ نامه 1:21

پَس هر جور فاسدی و هر شرارتِ شه جِم دور هاکانین و فروتنیِ هِمراه، کِلامی ره که خِدا شِمه دِلِ دِله دَکاشته و تونده شِمه جانها ره نِجات هاده ره قبول هاکانین.

اول پِطرُس 2:2

و چِلیکِ وَچونِ واری، روحانیِ پاکِ شیرِ ذوقِ دارین تا ‌ اونِ طریق نِجاتِ دِله رشد هاکانین،