اعمال رَسولان 17:1 - کتاب مقدس به زبان مازندرانی - گویش شرقی

¹ پولُس و سیلاس آمْفیپولیس و آپولونیائه شهرائه جِم بُگذِشتِنه و تِسالونیکیِ شَهر بییَمونه، که اونجه یَهودیونِ عبادتگاه بییه.

گیله ماز

¹ پولُس و سیلاس آمْفیپولیس و آپولونیایه شهرانِ جی بُگذشتَن و به شهرِ تِسالونیکی بومَن، که اوجِه یَهودیِان عبادتگاه با.

کتاب مقدس به زبان مازندرانی - گویش غربی

¹ پولُس و سیلاس آمْفیپولیس و آپولونیایی شهرایی جا بِگذِشتِنِه و تِسالونیکی ای شهری سِه بیمونِه، گه اوجِه یَهودیِنی عبادتگاه وِه.

اعمال رَسولان 17:1 Iomraidhean Croise

اعمال رَسولان 14:1

پولُس و بَرنابا قونیهِ شَهرِ دِله هم، یَهودِ عِبادَتگاهِ دِله بُوردِنه و جوری گَب بَزونه که یَته خَله یَهودیون و یونانیون، ایمون بیاردِنه.

اعمال رَسولان 15:21

چوون از قدیم موسی هَر شَهرِ دِله کِسایی ره داشته که وه ره موعظه هاکانِن، هَمون طی که هر مِقدَّسِ شنبه وه نوشته ها ره عبادتگاه هائه دِله خوندِنِنه.»

اعمال رَسولان 16:13

مِقدَّسِ شنبه روز شَهرِ جِم بیرون بییَمومی و یِتا رودخانهِ وَر بُوردیمی، این اِنتِظارِ هِمراه که اونجه یِتا جا دِعائه وِسه دَره. پَس هِنیشتیمی و زَن هایی که اونجه جَمع بَییه بینهِ هِمراه گَب بَزومی.

اعمال رَسولان 17:10

بِرارون شبونه، دَرجا پولُس و سیلاسِ بیریهِ شَهر راهی هاکاردِنه. وَختی وِشون اونجه بَرِسینه، یَهودیونِ عِبادَتگاهِ دِله بُوردِنه.

اعمال رَسولان 17:11

این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

اعمال رَسولان 17:13

وَختی تِسالونیکیِ یَهودیون بِفَهمِسِنه که پولُس بیریهِ دِله هم خِدائه کِلامِ اِعلام کانده، اونجه بُوردِنه و مَردِمِ تحریک هاکاردِنه و شَهرِ آشوب بَکِشینه.

اعمال رَسولان 20:4

پولُسِ هَمراهون اینا بینه: بیریهِ جِم سوپاتِر، پیروسِ ریکا - تِسالونیکیِ جِم، آریستارخوس و سِکوندوس - دِربِه جِم، گایوس و تیموتائوس - آسیائه جِم، تیخیکوس و تْروفیموس.

اعمال رَسولان 27:2

پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.

فیلیپیان 4:16

حَتَّی اون مووقه که تِسالونیکیِ شَهرِ دِله دَیمه، شِما مِ احتیاجاتِ وِسه، کُمِک بَفرِسینی، اَی هم بَفرِسینی.

اوّل تِسالونیکیان 1:1

پولُس و سیلاس و تیموتائوسِ طَرِفِ جِم، تِسالونیکیِ کلیسائه شَهرِ وِسه که خِدائه پییِر و خداوند عیسی مَسیحِ دِله دَرِنی: فِیض و صِلح و سِلامتی شِمه وِسه بِیّه.

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.

دوّم تِسالونیکیان 1:1

پولُس و سیلاس و تیموتائوسِ طَرِف جِم، تِسالونیکی شَهرِ کلیسائه وِسه که اَمه پییِر، خِدا، و خِداوند عیسی مسیح‌ِ دِله دَرِنه:

دوم تیموتائوس 4:10

چوون دیماس این دِنیائه دوس داشتنِ خاطِری مِ ره وِل هاکارده و تِسالونیکیِ شَهر بورده. کْریسکیس غَلاطیهِ مَنطقه بورده و تیتوس هم دَره دَلماتیهِ مَنطقه شونه.