اعمال رَسولان 16:9 - کتاب مقدس به زبان مازندرانی - گویش شرقی

⁹ شوِ مووقه، پولُس رویائه دِله بَدیئه که یِتا مَقدونی مَردی وه پیش اِیست هاکارده و وه ره اِلتماس کانده «مقدونیه بِرو و اِما ره کُمِک هاکان.»

گیله ماز

⁹ شُویه موقِه، پولُس رویای دِلِه بَدییَه که ایتا مَقدونیه ایی مَردای اونِه پیش اِیساَ و اونِه التماس کانِه «به مَقدونیه بییِه و اَمَرِه کمک هَکُن.»

کتاب مقدس به زبان مازندرانی - گویش غربی

⁹ شُویی موقِه، پولُس رویایی دِلِه بَئیِه گه یَتِه مَقدونیه ای مَردی وی پِش اِسّا و وِرِه التماس کِنِّه «مَقدونیه ای سِه بِرو و اَمارِه کِمک هاکِن.»

اعمال رَسولان 16:9 Iomraidhean Croise

اعمال رَسولان 10:3

یِتا روز حدود ساعت سه بعد از ظِهر، رویا دِله واضح بَدیئه که خِدائه یِتا فرشته وه پَلی بییَمو و بااوته: «کُرنِلیوس!»

اعمال رَسولان 10:30

کُرنِلیوس جِواب هِدا: «چهار روز قبل هَمین مووقه، ساعت سه بَعد از ظِهر شه سِره دِله دَیمه دِعا کاردِمه که یِدَفه یِتا مَردی که یِتا نورانی جِمه داشته مِ پَلی ظاهر بَییه

اعمال رَسولان 16:10

پولُس وَختی این رویا ره بَدیئه، دَرجا مَقدونیه بوردیمی چوون مِطمئن بَیمی خِدا اِما ره صدا هاکارده تا انجیلِ خَورِ خِشِ وِشونِ هادیم.

اعمال رَسولان 16:12

از اونجه فیلیپیِ شَهر بوردیمی که یِتا از شهرایی بییه که رومیون اونجه زندگی کاردِنه و مقدونیهِ خاکِ دِله دَییه، و چَن روز اون شَهرِ دِله بَمونِسیمی.

اعمال رَسولان 18:5

وَختی سیلاس و تیموتائوس مَقدونیهِ جِم بییَمونه، پولُس تِمومِ شه وَختِ، خِدائه کِلامِ وِسه بییشته بییه، یَهودیونِ شِهادت دائه که مَسیحِ موعود هَمون عیسیِ.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 19:22

بعد شه همکارونِ جِم دِ نَفِر، تیموتائوس و اِراستوسِ، مقدونیه بَفرِسیه و شه چَن وَخت آسیائه مَنطقهِ دِله بَمونِسه.

اعمال رَسولان 19:29

تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

اعمال رَسولان 20:1

وَختی بلوا تِموم بَییه، پولُس، شاگردونِ شه پَلی صدا هاکارده و بعد از این که وِشونِ تَشویق هاکارده، وِشونِ هِمراه خِداحافظی هاکارده و مقدونیهِ مَنطقه سمت راه دَکِته.

اعمال رَسولان 20:3

پولُس سه ماه، اونجه بَمونِسه. مووقه ای که قَصد داشته کَشتیِ هِمراه سوریه بُوره، یَهودیون وه علیه نَخشه بَکِشینه. پَس تَصمیم بَییته مقدونیهِ راهِ جِم بَردَگِرده.

اعمال رَسولان 27:2

پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.

اعمال رَسولان 9:38

چوون لُدَّه، یافائه نَزیکی بییه، وَختی شاگِردون بِفَهمِسِنه پِطرُس لُدَّه دِله دَره، دِ نَفِرِ وه پَلی بَفرِسینه و بااوتِنه: خواهش کامبی «دَرجا اَمه پَلی بِرو.»

رومی ایشون 15:26

چوون مقدونیه و اَخائیهِ کِلیساها خوانِنه، اورشَلیمِ مِقَدِّسینِ فقیرونِ وِسه کُمِکِ مالی جَمع هاکانِن.

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

دوّمین نامه قرنتیانِ وَسین 12:7

پَس اینِ وِسه که این گَتِ مکاشفات که بی حدّ و اندازه هم هَسه مِ ره مَغرور نَکِنه، مِ تَنِ دِله یِتا طَلی مِ ره هِدا بَییه، یعنی شیطانِ طَرِفِ جِم، تا مِ ره عِذاب هاده و نییِلّه مَغرور بَووِم.

دوّمین نامه قرنتیانِ وَسین 7:5

چوون که حَتّی مووقه ای که اِما مَقدونیهِ مَنطقه بَرِسیمی، اَمه این تَن اِستراحت نَکارده، بلکه هر طَرِف مصیبتِ دِله دَیمی - بیرون، خَله دَعوا داشتیمی، و شه دلِ دِله تَرس داشتیمی.

دوّمین نامه قرنتیانِ وَسین 8:1

ای بِرارون، خوامبی شِما ره اون فیضی جِم که خِدا مقدونیهِ مَنطقهِ کلیساها ره هِدا، باخَوِر هاکانیم.

دوّمین نامه قرنتیانِ وَسین 9:2

چوون دومبه چه ذوق و شوقی این کارِ وِسه دارنِنی و اینِ وِسه هم مقدونیهِ ایموندارونِ پَلی شِما ره اِفتخار هاکاردِمه. وِشونِ بااوتِمه که شِما پارسال تا اَلان، اَخائیهِ مَنطقهِ دِله هَدیه هِدائِنِ وِسه حاضر بینی. شِمه این غیرت، خَله از وِشونِ هم، این کارِ وِسه تحریک هاکارده.

اوّل تِسالونیکیان 4:10

چوون شِما راس راسی همهِ بِرارونِ مقدونیهِ مَنطقهِ سراسرِ دِله دوس دارنِنی. ولی اِی بِرارون، شِمه جِم اِلتماس کامبی که این کارِ ویشتر و ویشتر هاکانین.