اعمال رَسولان 16:36 - کتاب مقدس به زبان مازندرانی - گویش شرقی

³⁶ زندونبون پولُسِ این پیغومِ جِم خَوِردار هاکارده و بااوته: «قاضیون دَستور هِدانه که شِما ره آزاد هاکانِم. پَس الان بیرون بِئین و بورین به‌سِلامِت.»

گیله ماز

³⁶ زندانبان پولُسِ این پیغامِ جی خَبَردار هَکردِه و باگوتِه: «قاضیِان دَستور هَدَئن که شِمِرِه آزاد هَکُنَم. پس اَسِه دِرگا بیئَین و بیشین بِسلامت.»

کتاب مقدس به زبان مازندرانی - گویش غربی

³⁶ زیندونبون پولُسِ هَین پیغِمی جا خَوَردار هاکِردِه و بُتِه: «قاضیِن دَستور هادانِه گه شِمارِ آزاد هاکِنِم. پس اَلَن دیرگا بیئین و بورین بِسلامت.»

اعمال رَسولان 16:36 Iomraidhean Croise

مَرقُس 5:34

عیسی وه ره بااوته: «کیجا، تِ ایمون تِ ره شِفا هِدا. بور به سِلامت و این مریضیِ جِم شِفا بَیر!»

اِنجیلِ یوحنا 14:27

شِمه وِسه آرامش و سِلامتی به‌جا اییِلمه؛ شه آرامش و سِلامتی ره شِما ره دِمبه. اونچی مِن شِما ره دِمبه، نا اون طیِ که دِنیا شِما ره دِنه. شِمه دِل پَریشون نَبوئه و نییِلین شِمه دِل تَرس دَکِفه.

اعمال رَسولان 15:33

یَهودا و سیلاس چَن وَخت اونجه بَمونِسِنه، و بَعد بِرارون وِشونِ به ‌سِلامت راهی هاکاردِنه تا شه بفرسیه هائه پَلی بَردَگِردِن.

اعمال رَسولان 16:23

وَختی وِشونِ یَته خَله چُو بَزونه، وِشونِ زِندونِ دِله دِم هِدانه و زندونبونِ دَستور هِدانه خَله وِشونِ مواظب بوئه.

اعمال رَسولان 16:27

زندونبون بیدار بَییه، وَختی زِندونِ واز بَییه دَرِ بَدیئه، شَمشیر بَکِشیه تا شه ره بَکوشه، چوون خیال کارده زندونی ها فِرار هاکاردِنه.

اعمال رَسولان 16:35

ولی وَختی روز بَییه، قاضیون مأمورونی، زندونبونِ پَلی بَفرِسینه، بااوتِنه: «اون مَردا ره آزاد هاکان!»