اعمال رَسولان 16:31 - کتاب مقدس به زبان مازندرانی - گویش شرقی

³¹ وِشون جِواب هِدانه: «عیسی مَسیحِ خِداوندِ ایمون بیار که تِ و تِ خانِواده نِجات گِرنِنی.»

گیله ماز

³¹ اوشان جَواب هَدَن: «عیسی یه مَسیحِ خُداوندِ ایمان بیار که تو و تی خانِوادِه نِجات گیرِنین.»

کتاب مقدس به زبان مازندرانی - گویش غربی

³¹ وِشون جِواب هادانِه: «عیسی مَسیحِ خِداوندِ ایمون بیار گه تو و تی خِنِوادِه نِجات گیرِنی.»

اعمال رَسولان 16:31 Iomraidhean Croise

مَرقُس 16:16

هر کی ایمون بیاره و غسلِ تَعمید بَیره، نِجات گِرنه. ولی هر کی ایمون نیاره، مَحکوم بونه.

اِنجیلِ یوحنا 1:12

ولی همهِ اوناییِ که وه ره قبول هاکاردِنه ره، این حَقِّ هِدا که خِدائه وَچون بَووِن، یعنی هر کی که وه اسمِ ایمون بیارده؛

اِنجیلِ یوحنا 20:31

ولی اینا بَنوِشته بَییه تا باوِر هاکانین که عیسی، هَمون مَسیحِ موعود، خدائه ریکائه، تا این ایمونِ هِمراه، وه اسمِ دِله زندگی دارین.

اِنجیلِ یوحنا 3:36

اونی که ریکا ره ایمون دارنه، اَبدی زِندِگی دارنه؛ ولی اونی که ریکائه جِم اِطاعت نَکانده، زِندِگی ره نَوینده، بلکه خِدائه خَشم وه سَر موندگارِ.»

اِنجیلِ یوحنا 6:40

چوون مِ پییِرِ خواسه اینِ که هر کی که ریکا ره امید دَوِنده و وه ره ایمون بیاره، اَبدی زندگی ره داره، و مِن قیامِتِ روز وه ره زِنده کامبه.»

اِنجیلِ یوحنا 6:47

حَییقَتاً، شِما ره گامبه، هر کی ایمون داره، اَبدی زندگی ره دارنه.

اعمال رَسولان 15:11

چوون اِما ایمون دارمی که عیسیِ خِداوندِ فیضِ هِمراه نِجات بَییتیمی، هَمون طی که وِشون هم بَییتِنه.»

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

اعمال رَسولان 16:32

بعد خِداوندِ کِلامِ وه وِسه و تِمومِ اونایی که وه سِره دِله دَینهِ وِسه بااوته.

اعمال رَسولان 18:8

ولی عبادتگاه رئیس کْریسپوس، تِمومِ شه خانوادهِ هِمراه خِداوندِ ایمون بیاردِنه. همین طی هم قُرِنتُسِ اَهالیِ جِم خَیلیا وَختی پیغومِ بِشنُسِنه، ایمون بیاردِنه و غسل تَعمید بَییتِنه.

اعمال رَسولان 4:12

به جِز وه هیچ کَسِ دِله نِجات دَنیه، چوون آسمونِ بِن دییه اسمی آدِمونِ هِدا نَییه تا اونِ جِم نِجات بَیریم.»

اعمال رَسولان 8:36

هَمون طی که راهِ دِله شینه، یه جا که اوه دَییه بَرِسینه. خواجه‌ بااوته: «هارِش، اینجه اوه دَره! اَلان چی مِ تَعمید بَییتِنِ دَمِ گِرنه؟»

رومی ایشون 11:16

اگه خمیرِ جِم یِتا تیکه‌ که نوبریِ وِسه، خِدائه پیشکَش بونه، مِقَدَّس بوئه، پَس این طی، تِمومِ اون خمیر مِقدَّسِ؛ و اگه بِنه مِقَدَّس بوئه، پَس چله ها هم مِقَدَّسِنه.

غَلاطیان 3:14

وه این طی هاکارده تا ابراهیمِ بَرکَت، مَسیحْ عیسی دِله، غیر یَهودیونِ نَصیب بَووه، و تا اِما اون روح که وَعده هِدا بَییه بییه ره، ایمونِ راهِ جِم بَیریم.

غَلاطیان 3:22

ولی مِقدَّسِ نوشته ها اِعلام هاکارده که همه گِناهِ دِله اسیرِنه، تا اون وَعده که عیسی مَسیحِ ایمونِ راهِ جِم هَسه، کِسایی که ایمون بیاردِنه ره هِدا بَووه.

غَلاطیان 3:26

چوون مَسیحْ عیسیِ دِله، شِما همه، ایمونِ خاطِری، خِدائه ریکائونِنی.