اعمال رَسولان 16:3 - کتاب مقدس به زبان مازندرانی - گویش شرقی

³ پولُس چوون خواسه وه سَفِرِ دِله وه ره هِمراهی هاکانه، یَهودیونِ خاطِری که اون مَنطقهِ دِله زندگی کاردِنه، وه ره خَتِنه هاکارده، چوون همه دونِسِنه وه پییِر یونانیه.

گیله ماز

³ پولُس چون خَسِّه اون سَفرِ دِلِه اونِه هَمراهی هَکونِه، یَهودیانِ خاطِری که اون مَنطقه یه دِلِه زندِگی کانِه بان، اونِه خَتنِه هَکردِه، چون هَمِه دانِسَّن اونِه پیَر یونانیِه.

کتاب مقدس به زبان مازندرانی - گویش غربی

³ پولُس چون خوایسِه وی سَفری دِلِه وِرِه هَمراهی هاکِنِه، یَهودینی خاطری گه هون مَنطقه ای دِلِه زندِگی کِردِنِه، وِرِه خَتنِه هاکِردِه، چون هَمه دِنِسِنِه وی پیر یونانیِه.

اعمال رَسولان 16:3 Iomraidhean Croise

اعمال رَسولان 15:20

ولی وِنه یِتا نامهِ دِله وِشونِ جِم بِخوائم که بِت‌هائه قِروونی خِراک، زِنا، خفه بَییهِ حیوونونِ گوشت و خونِ جِم دوری هاکانِن.

اعمال رَسولان 15:37

بَرنابا خواسه یوحنائه معروف به مَرقُس هَم وِشونِ هِمراه بوره،

اعمال رَسولان 15:40

ولی پولُس، سیلاسِ بَییته و بِرارونِ دَس هِدا و خِداوندِ فیضِ هِمراه، سَفِر بورده.

اوّلین نامِه قُرنتیانی سِه 7:19

چوون خَتنه بَیِّن یا نَیِّن مهم نییه، بلکه خِدائه اَحکامِ داشتِن مهمِّ.

اوّلین نامِه قُرنتیانی سِه 9:20

یَهودیونِ پَلی یَهودیونِ واری رِفتار هاکاردِمه، تا یَهودیونِ مَسیحِ وِسه به دَس بیارِم. کِسایی هِمراه که شَریعتِ بِن دَرِنه، کِسایی واری که شَریعتِ بِن دَرِنه، رِفتار هاکاردِمه تا کِسایی که شَریعتِ بِن دَرِنه ره مَسیحِ وِسه به دَس بیارِم، (هرچن شه شَریعتِ بِن دَنیمه).

غَلاطیان 2:3

ولی حَتّی تیتوس که مِ هِمراه دَییه، با اینکه یونانی بییه، وه ره مَجبور نَکاردِنه که خَتنه بَووه.

غَلاطیان 2:8

چوون وه که پِطرُسِ طَریق کار هاکارده که غیر یَهودیونِ رَسول بوئه، مِ دِله هم کار هاکارده که غیرِ یَهودیونِ رسول بوئِم.

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

فیلیپیان 2:22

ولی شِما دوندِنی که تیموتائوس شه آزمودِ پَس هِدا که چی طی مِ هِمراه، یِتا ریکائه واری، شه پییِرِ هِمراه، اِنجیلِ کارِ دِله خِدمِت هاکارده.