اعمال رَسولان 16:23 - کتاب مقدس به زبان مازندرانی - گویش شرقی

²³ وَختی وِشونِ یَته خَله چُو بَزونه، وِشونِ زِندونِ دِله دِم هِدانه و زندونبونِ دَستور هِدانه خَله وِشونِ مواظب بوئه.

گیله ماز

²³ وَختِی اوشانِه خِیلی چُو بَزَن، اوشانِه زندان دِلِه تُووادَن و زندانبانِ دستور هَدَئن خِیلی اوشانِ مواظِب هَبو.

کتاب مقدس به زبان مازندرانی - گویش غربی

²³ وختی وِشونِه یَتِخِیلی چُو بَزونِه، وِشونِه زیندونی دِلِه دیم بَدانِه و زیندونبونِه دستور هادانِه خِیلی وِشونی مِواظِب ووئِه.

اعمال رَسولان 16:23 Iomraidhean Croise

اِنجیلِ مَتّی 26:48

اونی که خواسه وه ره تَسلیم هاکانه شه هَمراهونِ علامِتی هِدا و بااوته بییه: «کِسی ره که خاش دِمبه هَمونه؛ وه ره بَیرین»

لوقا 21:12

«ولی قبل از این اِتّفاق، شِما ره گِرنِنه، اذیّت کاندِنه، و محاکمهِ وِسه عبادتگاه هائه دِله وَرنِنه و زِندون هائه دِله دِم دِنِنه، و مِ اسمِ خاطِری، شِما ره پادشاهون و فرموندارون پَلی وَرنِنه

اعمال رَسولان 12:18

وَختی صِواحی بَییه، سربازونِ میون بَلبَشو بَییه، چوون نَدونسِنه پِطرُسِ سَر چی بییَمو.

اعمال رَسولان 12:4

هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.

اعمال رَسولان 16:27

زندونبون بیدار بَییه، وَختی زِندونِ واز بَییه دَرِ بَدیئه، شَمشیر بَکِشیه تا شه ره بَکوشه، چوون خیال کارده زندونی ها فِرار هاکاردِنه.

اعمال رَسولان 16:36

زندونبون پولُسِ این پیغومِ جِم خَوِردار هاکارده و بااوته: «قاضیون دَستور هِدانه که شِما ره آزاد هاکانِم. پَس الان بیرون بِئین و بورین به‌سِلامِت.»

اعمال رَسولان 5:18

و رَسولونِ بَییتِنه و زِندونِ دِله که همه جورِ آدِم وه دِله دَییه، دِم هِدانه.

اعمال رَسولان 5:23

«اِما بَدیمی زِندونِ درها قایم دَوِسه بییه و نگهوونون هم دَرائه پِشت اِیست هاکارده بینه. ولی وَختی درها ره واز هاکاردیمی، هیچ کی ره زِندونِ دِله پی دا نَکاردیمی.»

اعمال رَسولان 8:3

ولی سولُس تِمومِ شه غیظِ هِمراه کلیسا ره حمله کارده و سِره سِره گِردِسه، زَن ها و مَردا ره بیرون کَشییه و زِندونِ دِله دِم دائه.

اعمال رَسولان 9:2

و وه جِم دَمشقِ عبادتگاه هائه وِسه نامه بَخواسه تا اونایی ره که عیسیِ دِمبالِرو هَسِنه و وِشونِ اَهل طریقت گاتِنه ره چه زِنا و چه مَردی، دَسگیر هاکانه و اورشَلیم بیاره.

دوّمین نامه قرنتیانِ وَسین 11:23

اونا مَسیحِ نوکرونِنه؟ مِن ویشتر هَسِمه! خِل هائه واری گَب زَمبه - همهِ جِم سخت‌تِر کار هاکاردِمه، خَله ویشتر زندون دِله دَکِتِمه، همهِ جِم ویشتر کُتِک بَخُردِمه، ویشترِ وختا نزدیک بییه بَمیرِم.

دوّمین نامه قرنتیانِ وَسین 6:5

کتک بَخُردَن هائه مووقه، زندونهائه دِله، بَلواهائه دِله، سختِ کارهائه دِله، شوِ نَخواتِن ها دِله، و وِشنایی هائه دِله؛ سِراغ دامی که خِدائه نوکِرون هَسیمی.

اِفِسُسیان 3:1

اینِ وِسه مِن، پولُس، که شِما غیرِیَهودیونِ خاطِری، مَسیحْ عیسیِ زندونیمه -

اِفِسُسیان 4:1

پَس مِن که خِداوندِ خاطِری زِندونِ دِله دَرِمبه، خواهش کامبه که شِمه رِفتار، اون دعوتی که شِمه جِم بَییه ئه، لایق بوئه.

دوم تیموتائوس 2:9

اینِ وِسه ئه که یِتا جنایتکارِ واری زنجیلِ دِله دَرِمبه و دَره عِذاب کَشِمبه. ولی خِدائه کِلام زَنجیلِ دِله دَنییه.

فیلیمون 1:9

با این وجود، مِحَبَّتِ خاطِری صِلاح دومبه تِ جِم خواهش هاکانِم. مِن، پولُس که یِتا پیرمَردیمه و اَلان هم مَسیحْ عیسیِ زندونیمه،

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.

یوحنایِ مکاشفه 2:10

اون عِذاب هائه جِم که خَله زود کَشِنی، نَتِرس. هارِش، اِبلیس خَله زود شِمه جِم بَعضیا ره زِندونِ دِله دِم دِنه تا آزمود بَووین و ده روز عِذاب بَکِشین. تا مَرگ وِفادار بَمون، که مِن زندگیِ تاجِ تِ ره دِمبه.