اعمال رَسولان 16:16 - کتاب مقدس به زبان مازندرانی - گویش شرقی

¹⁶ اَت کَش اون محلّی که هَمِش دِعا کاردیمی، شیمی، یِتا کُلفِتِ بَربَخُردیمی که غیبگوِ روح داشته و فالگیریِ هِمراه شه اَربابونِ خَله سُود رِسِندیه.

گیله ماز

¹⁶ یِبار به اون محلی که هَمَش دُعا کانه بِیم شونِه بِیم، ایتا کُلفَتِ بَر بخاردِیم که غیبگویی روحِ داشتِه و فالگیری یه هَمرهَ خودِشِه اَربابانِ خِیلی سود رَساندِنِه با.

کتاب مقدس به زبان مازندرانی - گویش غربی

¹⁶ یَکَش هون محلی گه هَمِش دِعا کِردِمی شیوِمی، یَتِه کِلفَتِ وَر بَخاردِمی گه غیبگویی روحِ داشتِه و فالگیری ای هَمرا شی اَربابِنِ خِیلی سود رَسانیِه.

اعمال رَسولان 16:16 Iomraidhean Croise

اعمال رَسولان 16:13

مِقدَّسِ شنبه روز شَهرِ جِم بیرون بییَمومی و یِتا رودخانهِ وَر بُوردیمی، این اِنتِظارِ هِمراه که اونجه یِتا جا دِعائه وِسه دَره. پَس هِنیشتیمی و زَن هایی که اونجه جَمع بَییه بینهِ هِمراه گَب بَزومی.

اعمال رَسولان 16:18

وه خَله روزا این طی کارده. سرآخِر پولُسِ صبر ‌سَر بییَمو و بَردَگِردِسه اون روحِ بااوته: «به اسمِ عیسیِ مَسیح تِ ره دَستور دِمبه این کیجائه جِم بیرون بِئی!» هَمون لَحظه، روح وه جِم بیرون بییَمو.

اعمال رَسولان 16:19

ولی اون کُلفِتِ اربابون وَختی بَدینه وِشونِ کسب و کاسبی به باد بورده، پولُس و سیلاسِ بییتِنه و وِشونِ سَرکَش هاکاردِنه و شَهرِ میدونِ دِله رَئیسونِ پَلی بَوِردِنه.

اعمال رَسولان 19:24

یِتا نِقره‌کار که وه اِسم دیمیتریوس بییه و آرتمیس مَعبِدِ جِم نِقره ای کارا ساته و این راهِ جِم خَله درآمد صنعتگرونِ عاید هاکارده بییه،

غَلاطیان 5:20

بِت‌پرسی و جادوگری؛ دِشمِنی، جَنگ و دَعوا، حَسودی، غیظ، زیاده خواهی، تفرقه، دَسه دَسه هاکاردِن،

اول تیموتائوس 6:10

چوون پولدوسی هر جور بَدیِ ریشه هَسه و همین پولِ حرصِ که بعضیا ایمونِ جِم دور بَینه، و شه ره خَله دردائه گرفتار هاکاردِنه.

دوم تیموتائوس 3:8

هَمون‌ طی که یَنّیس و یَمْبْریس موسیِ هِمراه مخالفت هاکاردِنه، این مردها هم که وِشونِ فکر خِرابِ و وِشونِ ایمون رَدِّ، حَییقَتِ هِمراه مخالفت کاندِنه.

پطرسی دِوّمین نامِه 2:3

و شه طِمَعِ راهِ دِله، دِراغی گَب هائه هِمراه، شِما ره غارِت کاندِنه. وِشونِ محکومیت که قبلتر تعیین بَییه بییه، بیکار نَنیشته و وِشونِ نابودی نَخواته!