اعمال رَسولان 16:15 - کتاب مقدس به زبان مازندرانی - گویش شرقی

¹⁵ وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

گیله ماز

¹⁵ وَختِی لیدیه خودِشِه خانِوادِه یه هَمرهَ غسلِ تَعمید هَیتِه، خِیلی اِصرار هَکردِه و اَمَرِه باگوتِه: «اَگِه باوَر دارِین که خداوَندِ ایمان بیاردِم، بییَین و می سِرِه یه دِلِه بمانین.» سَرآخَر اونِه خواسِّه یه تَسلیم هَبَیم.

کتاب مقدس به زبان مازندرانی - گویش غربی

¹⁵ وختی لیدیه شی خِنِوادِه ای هَمرا غِسلِ تَعمید بَیتِه، خِیلی اِصرار هاکِردِه و اَمارِه بُتِه: «اگه باوَر دارِنی گه خِداوَندِ ایمون بیاردِمِه، بیئین و می خِنِه ای دِلِه بَمونین.» سَرآخَر وی خواسِّه ای تَسلیم بَوِمی.

اعمال رَسولان 16:15 Iomraidhean Croise

اِنجیلِ مَتّی 10:41

هَر کی پیغَمبِرِ اینِ خاطِری که پِیغَمبِرِ قَبول هاکانه، یِتا پیغَمبِرِ اَجرِ به دَس یارنه و هَر کی یِتا صالِحِ آدِمِ اینِ خاطِری که صالِحِ قَبول هاکانه یِتا صالِحِ اَجرِ گِرنه.

اِنجیلِ مَتّی 3:6

و شه گِناهونِ اِعتراف کاردِنه و اُردنِ رودخانه دِله وه جِم غسلِ تَعمید گِتِنه.

لوقا 14:23

بعد وه اَرباب بااوته: ”شاه راه و کورِ راههایی که شَهرِ جِم بیرون دَرِنه، بور و اِصرارِ هِمراه مَردِمِ مِ دَعوتیِ دِله بیار تا مِ سِره پِر بَووه .

لوقا 24:29

وِشون خَله اصرار هاکاردِنه و بااوتِنه: «اَمه هِمراه بَمون، چوون روز دَره تِموم بونه و نزیکِ شو بَووه.» پَس عیسی دِله بُورده تا وِشونِ پَلی بَمونه.

اعمال رَسولان 11:14

وه تِ وِسه یِتا پِیغوم یارنه که اونِ خاطِری تِ و تِ خانِواده نِجات گِرنِنی.“

اعمال رَسولان 16:31

وِشون جِواب هِدانه: «عیسی مَسیحِ خِداوندِ ایمون بیار که تِ و تِ خانِواده نِجات گِرنِنی.»

اعمال رَسولان 16:33

هَمون مووقه از شو، زندونبون وِشونِ بیرون بیارده، وِشونِ زخما ره بَشُسه، و دَرجا وه و تِمومِ وه خانِواده تَعمید بییتِنه.

اعمال رَسولان 16:34

وه وِشونِ شه سِره بَوِرده و وِشونِ وِسه سِفره پهن هاکارده. وه و تِمومِ وه خانِواده اینِ جِم که خِدا ره ایمون بیارده بینه خَله خِشال بینه.

اعمال رَسولان 18:8

ولی عبادتگاه رئیس کْریسپوس، تِمومِ شه خانوادهِ هِمراه خِداوندِ ایمون بیاردِنه. همین طی هم قُرِنتُسِ اَهالیِ جِم خَیلیا وَختی پیغومِ بِشنُسِنه، ایمون بیاردِنه و غسل تَعمید بَییتِنه.

اعمال رَسولان 8:12

ولی وَختی مَردِم فیلیپُسِ پیغومِ هِمراه، که خِدائه پادشاهیِ خَوِرِ خِش و عیسی مَسیحِ اِسمِ خَوِری بییه ره ایمون بیاردِنه، همه، چه مَردی و چه زِنا، غسل تَعمید بَییتِنه.

اعمال رَسولان 8:38

پَس خواجه دَستور هِدا ارابه ره دارِن، و فیلیپُس و خواجه‌، هر دِتا اوه دِله بُوردِنه و فیلیپُس وه ره تَعمید هِدا.

رومی ایشون 16:23

گایوس که مِ جِم و تِمومِ اینجهِ کلیسائه آدِمونِ جِم مِهمون نِوازی هاکارده، شِمه وِسه سِلام رِسِندِنه. اِراستوس که شَهرِ خزونه‌دارِ، و اَمه بِرار کوآرتوس شِمه وِسه سِلام رِسِندِنِنه.

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

دوّمین نامه قرنتیانِ وَسین 5:14

چوون مَسیحِ مِحَبَّت اِما ره کنترل کانده، چوون بَفِهمِسیمی: که یه نَفِر همهِ وِسه بَمِرده، پَس همه بَمِردِنه.

غَلاطیان 6:10

پَس تا فرصت دارمی، تِمومِ مَردِمِ خواری هاکانیم، مخصوصاً اونایی که مَسیحِ ایمون دارنِنه.

اِفِسُسیان 1:1

پولُسِ طَرِف جِم که خِدائه خواسِ هِمراه، مَسیحْ عیسیِ رَسولِ، مِقدَّسینی ره که اَفِسُسِ شَهرِ دِله دَرِنه، اونایی که مَسیحْ عیسیِ دِله وِفادارِنه:

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیمون 1:17

پَس اگه مِ ره شه رَفِق دوندی، وه ره هَمون‌ طی قبول هاکان که مِ ره قبول هاکاردی.

نامِه مَسیحینی عبرانی نِژادی سِه 13:2

از این که نسبت به غریبه ها مهمون نِواز بوئین غافل نَبوئین، چوون این کارِ هِمراه، بَعضیا بی اینکه بَدونِن، فرشته هائه جِم پذیرایی هاکاردِنه.

اول پِطرُس 5:12

سیلاسِ طریق که وه ره یِتا وِفادارِ بِرار دومبه، شِمه وِسه خِلاصه بَنوِشتمه تا شِما ره سفارش هاکانِم و شِما ره اِعلام هاکانِم که خِدائه حَییقی فِیض اینِ. اونِ دِله پابرجا بَمونین.

دوم یوحنا 1:10

اگه کِسی شِمه پَلی بِیّه و این تعلیمِ نیاره، وه ره شه سِره راه نَدین و وه ره خِش بییَموئی، نارین؛

سوّم یوحنا 1:5

ای عزیز، تِ تِمومِ کارائه دِله بِرارونِ وِسه، شه اَمانتِ سِراغ دِنی، بخصوص اینکه تِ پَلی غریبِنه.

سوّم یوحنا 1:8

پَس اِما وِنه این طی آدِمونِ واری ره کَمِک هاکانیم تا بَتونیم وِشونِ هِمراه، حَییقتِ وِسه هَمکار بوئیم.