اعمال رَسولان 16:14 - کتاب مقدس به زبان مازندرانی - گویش شرقی

¹⁴ وِشونِ میون یِتا خداپَرِسِ زِنا، تیاتیرائه شَهرِ جِم دَییه که اَمه گَب ها ره گوش دائه. وه اسم لیدیه بییه و اَرغِوونی پارچه‌ که خَله گِرون بییه ره روته. خِداوند وه دلِ واز هاکارده تا پولُسِ پِیغومِ گوش هاده.

گیله ماز

¹⁴ اوشانِ دِلِه ایتا خداپَرسِ زِنا تیاتیرا یه شَهرِ جی دَبا که اَمِی گَبِ گوش دَنِه با. اونِه اِسم لیدیه با و اَرغوانی پارچه که خیلی گِران با رِه روشِنِه با. خُداوَند اونِه دِلِ واز هَکردِه تا پولُسِ پِیغامِ گوش هَدِه.

کتاب مقدس به زبان مازندرانی - گویش غربی

¹⁴ وِشونی میِن یَتِه خِداپَرسِ زَنا تیاتیرایی شَهری جا دَوِه گه اَمِه گَبِ گوش داوِه. وی اِسم لیدیه وِه و اَرغونی پارچه گه خِیلی گِرون وِه رِه روتِه. خِداوَند وی دِلِ وا هاکِردِه تا پولُسی پِیغِمِ گوش هادِه.

اعمال رَسولان 16:14 Iomraidhean Croise

لوقا 24:45

بعد، وِشونِ فِکرِ واز هاکارده تا بَتونِن مِقدَّسِ نوشته ها ره بِفَهمِن.

اِنجیلِ یوحنا 12:20

اونائه دِله که عیدِ عبادتِ وِسه، اورشَلیم بییَمو بینه، بَعضی یونانی بینه.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 11:21

خِداوندِ دَس هم وِشونِ هِمراه دَییه و خَیلیا ایمون بیاردِنه و خِداوندِ مِلحَق بَینه.

اعمال رَسولان 13:43

بَعدِ از اینکه جَمیِّت، عِبادَتگاهِ جِم بوردِنه، یَته خَله یَهودیون و اون خداپَرِسِ مَردِم که یَهودی بَییه بینه، پولُس و بَرنابائه دِمبال راه دَکِتِنه. پولُس و بَرنابا این دَسهِ هِمراه گَب بَزونه و وِشونِ تَشویق کاردنه که خِدائه فِیضِ دِله اِدامه هادِن.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 16:40

وِشون بعد از این که زِندونِ جِم بیرون بوردِنه، لیدیهِ سِره بُوردِنه. اونجه، بِرارونِ بَدینه و وِشونِ تَشویق هاکاردِنه. بعد اونجه جِم بوردِنه.

اعمال رَسولان 18:7

بعد عِبادَتگاهِ جِم بیرون بورده و تیتوس یوستوسِ سِره بورده، که خداپَرِسِ آدِمی بییه و عِبادَتگاهِ پَلی سِره داشته.

اعمال رَسولان 8:27

پَس فیلیپُس بِلِند بَییه و راه دَکِته، اونجه یِتا خواجه‌ مَردی دَییه که حَبشهِ جِم بییه. وه یِتا از حَبشهِ مَلکهِ درباریون بییه که وه اسم «کَنداکِه» بییه و مَلکهِ خَزونه‌داری وه دَس دَییه. وه اورشَلیم بییَمو بییه تا خِدا ره پَرسش هاکانه.

رومی ایشون 9:16

پَس، آدِمیِ خواسه یا وه تَقِلّا ره ربطی نِدارنه، بلکه خِدایی ره مربوطه که رَحم کانده.

فیلیپیان 2:13

چوون خِدائه که شِمه دِله، شه راضی بییَنِ وِسه کار کانده، هم ارادهِ دِله هم عمِلِ دِله.

یوحنایِ مکاشفه 1:11

که گاته: «اونچی که ویندی ره یِتا کتابِ دِله بَنویس و این هفتا کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیه و لائودیکیهِ وِسه بَفرِس.»

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.

یوحنایِ مکاشفه 3:7

«فیلادِلفیهِ کلیسائه فِرشتهِ وِسه بَنویس: «اون که قدّوسِ، اون که حَقِّ، اون که داوودِ کلیتِ دارنه، اون که واز کانده و هیچ کِس نَتونده دَوِنده، و اون که وَندِنه و هیچ کس نَتونده واز هاکانه، این طی گانه: