اعمال رَسولان 15:4 - کتاب مقدس به زبان مازندرانی - گویش شرقی

⁴ وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

گیله ماز

⁴ وَختِی به اورشَلیم بَرِسیَن، کلیسا و رَسولان و مشایخ اوشانِ پیشواز بومَن. پولُس و بَرنابا هر اونچه خدا اوشانِ دَس هَمرهَ هَکُرده با رِه، اوشانِه باگوتِن.

کتاب مقدس به زبان مازندرانی - گویش غربی

⁴ وختی اورشَلیم بَرِسینِه، کلیسا و رَسولِن و مشایخ وِشونی پِشواز بیمونِه. پولُس و بَرنابا هر اونچی خِدا وِشونی دَسی هَمرا هاکِرد وِه رِه، وِشونِه بُتِنِه.

اعمال رَسولان 15:4 Iomraidhean Croise

اِنجیلِ مَتّی 10:40

«هر کی شِما ره قَبول هاکانه، مِ ره قَبول هاکارده و هر کی مِ ره قَبول هاکانه مِ بَفرِسیه ره قَبول هاکارده.

اعمال رَسولان 11:30

پَس این طی هاکاردِنه و اون پول هایی که جَمع هاکارده بینه ره بَرنابا و شائولِ هِدانه تا مَشایِخِ دَس بَرِسونِن.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 15:12

بعد تِمومِ اونایی که اونجه جَمع بینه ساکت بَینه و بَرنابا و پولُسِ گَبِ گوش هِدانه. وِشون، نشونه ها و معجزاتی ره که خِدا‌ وِشونِ دَسِ هِمراه غیرِ یَهودیونِ میون هاکارده بییه ره گاتِنه.

اعمال رَسولان 15:2

پَس وَختی پولُس و برنابا خَله وِشونِ هِمراه مِخالِفت و بَحث هاکاردِنه، این طی قِرار بییِشتِنه که اون دِ تا، چَن نَفِرِ دییهِ هِمراه که وِشونِ جِم بینه اورشَلیم بورِن و این قضیه ره رَسولون و مشایخِ هِمراه در میون بییِلِّن.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 15:6

پَس رَسولون و مشایخ جَمع بَینه تا این قضیه ره بررسی هاکانِن.

اعمال رَسولان 16:4

وِشون وَختی از شَهری یِتا دییه شَهر شینه، اون قانوناییِ که رَسولون و مشایخ، اورشَلیمِ دِله بااوته بینه ره مَردِمِ گاتِنه تا اونا ره رعایت هاکانِن.

اعمال رَسولان 18:27

وَختی آپولُس قَصد هاکارده اَخائیهِ مَنطقه بوره، بِرارون وه ره تَشویق هاکاردِنه و شاگردونِ وِسه بَنوِشتِنه وه ره ‌گرمیِ هِمراه قبول هاکانِن. وَختی آپولُس اونجه بَرِسیه، اونایی که فیضِ جِم ایمون بیارده بینه ره خَله کُمِک هاکارده.

اعمال رَسولان 21:17

وَختی اورشَلیم بَرِسیمی، بِرارون ‌خِشالیِ هِمراه اَمه پیشواز بییَمونه.

اعمال رَسولان 21:19

پولُس وِشونِ سِلام هاکارده و اون چی که خِدا وه خِدمِتِ هِمراه، غیریَهودیونِ دِله هاکارده بییه ره یِتا یِتا توضیح هِدا.

رومی ایشون 15:18

چوون جِرأت نَکامبه هیچیِ جِم گَب بَزِنِم، اِلّا اونچی که مَسیح مِ طریق اِنجام هِدا تا غیرِ یَهودیونِ، ایمونِ مطیع هاکانِم، شه گَب ها و کارهائه طَریقِ جِم

رومی ایشون 15:7

پَس هَمون‌طی که مَسیح شِما ره گرمیِ هِمراه قبول هاکارده، شِما هم هَمدییه ره گرمیِ هِمراه قبول هاکانین تا خِدا جِلال بَیره.

اوّلین نامِه قُرنتیانی سِه 15:10

ولی اونی که اَلان ویندِنی هَسِمه خِدائه فیضِ خاطِریِ، و وه فِیض مِ وِسه بی‌فایده نَییه. برعکس، مِن، تِمومِ وِشونِ جِم، سَخت‌تِر کار هاکاردِمه، ولی نا مِن، بلکه خِدائه فیضِ خاطِریِ که مِ هِمراه دَره.

دوّمین نامه قرنتیانِ وَسین 5:19

یعنی ، خِدا مَسیحِ دِله دِنیا ره شه هِمراه آشتی دائه و مَردِمِ تقصیراتِ، وِشونِ حِساب نییِشته، و آشتیِ پِیغومِ اِما ره بِسپارِسه.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

دوم یوحنا 1:10

اگه کِسی شِمه پَلی بِیّه و این تعلیمِ نیاره، وه ره شه سِره راه نَدین و وه ره خِش بییَموئی، نارین؛