اعمال رَسولان 15:36 - کتاب مقدس به زبان مازندرانی - گویش شرقی

³⁶ بعد از چَن وَخت، پولُس، بَرنابا ره بااوته: «اون شهرهایی که خِداوندِ کِلامِ اونجه اِعلام هاکاردیمی، بَردَگِردیم و بِرارونِ سَر بَزِنیم تا بَوینیم چه وَضعی دارنِنه.»

گیله ماز

³⁶ بعدِ چَن وَخت، پولُس، بَرنابا رِه باگوتِه: «اون شهرانِ دِلِه که خداوند کَلامِ اوجِه اعلام هَکُردِیم، وَگِردیم و اَداشانِ جی دیدَن هَکنیم تا بَینیم چه وَضعی دارِن.»

کتاب مقدس به زبان مازندرانی - گویش غربی

³⁶ بعد از چَن وَخت، پولُس، بَرنابا رِه بُتِه: «هون شهرایی سِه گه خِداوندی کَلامِ اوجِه اعلام هاکِردِمی، دَگِردیم و بِرارِنِ سَر بَزِنیم تا بَوینیم چی وَضعی دارِنِه.»

اعمال رَسولان 15:36 Iomraidhean Croise

اِنجیلِ مَتّی 25:36

بِرِنه بیمه، مِ تَنِ لِواس دَکاردینی، مَریض بیمِه، مِ عَیادِت بییَمونی. زِندونِ دِله دَیمه، مِ مِلاقات بییَمونی. “

اِنجیلِ مَتّی 25:43

غریب بیمِه، مِ ره جا نِدانی، بِرِنه بیمِه، مِ تَن لِواس نَکاردینی. مریض و زِندونی بیمه، مِ مِلاقات نییَمونی.“

اعمال رَسولان 13:12

وَختی فَرموندار این جَریانِ بَدیئه، ایمون بیارده، چوون تعلیمی که خِداوندِ خَوِری دانهِ جِم بِهت هاکارده بییه.

اعمال رَسولان 13:4

این طی، اون دِتا که روح القُدُسِ طَرِفِ جِم بَفرِسی بَییه بینه، سِلوکیهِ بندر بُوردِنه و اونجه جِم کَشتیِ هِمراه قبرس بَرِسینه.

اعمال رَسولان 13:51

وِشون هم اون شَهرِ خاکِ شه لینگائه جِم، بَتِکاندینه و قونیهِ شَهر بُوردِنه.

اعمال رَسولان 14:1

پولُس و بَرنابا قونیهِ شَهرِ دِله هم، یَهودِ عِبادَتگاهِ دِله بُوردِنه و جوری گَب بَزونه که یَته خَله یَهودیون و یونانیون، ایمون بیاردِنه.

اعمال رَسولان 14:21

وِشون اون شَهرِ دِله هم خَوِرِ خِشِ اِعلام هاکاردِنه و خَیلیا ره عیسیِ شاگرد هاکاردِنه. بعد به لِستْره و قونیه و اَنطاکیه بَردَگِردِسِنه.

اعمال رَسولان 14:6

پولوس و برنابا این جَریانِ جِم خَوِردار بَینه، لِستْره و دِربِه که لیکائونیهِ شهرائه جِم بییه، و اونِ دورِ اَطراف مَنطقه فِرار هاکاردِنه

اعمال رَسولان 7:23

«وَختی موسی چهل ساله بَییه، وه دِل دَکِته که شه بِرارون، یَعقوبِ نَسلِ سَمت بوره و وِشونِ اوضاع ره بَوینه.

رومی ایشون 1:11

چوون شِمه بَدیئِنِ وِسه ذوق دارمه تا روحانی عطایا، شِمه ایمونِ تقویتِ وِسه شِما ره هادِم-

دوّمین نامه قرنتیانِ وَسین 11:28

علاوه بر اینا، تِمومِ کلیساهائه نِگرونیِ بارِ، که مِ دوشِ سَر سنگینی کانده.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.

دوم تیموتائوس 1:4

وَختی تِ اَسری ها ره شه یاد یارمه، آرزو کامبه تِ ره بَوینِم تا خِشالیِ جِم پِر بَووِم.