اعمال رَسولان 15:29 - کتاب مقدس به زبان مازندرانی - گویش شرقی

²⁹ بت هائه قِروونی خِراک و خون و خفه بَییه حیوونونِ گوشت و زِنائه جِم دوری هاکانین. اگه اینائه جِم دوری هاکانین، خوارِنی. سِلامت بوئین»

گیله ماز

²⁹ بُتِشانه قربانی خُراک و خون و خَفِه هَبا حیوانان گوشت و زَنایه جی دوری هَکُنین. اَگه ایشانِ جی دوری هَکُنین، خَجیرِ کارِ کانید. سلامت هَبین.»

کتاب مقدس به زبان مازندرانی - گویش غربی

²⁹ بِتیشونی قِروونی خِراک و خون و خَفِه بَوِه حیوونِنی گوشت و زِنایی جا دوری هاکِنین. اگه هَینِنی جا دوری هاکِنین، خِبِنی. سلامت ووئین.»

اعمال رَسولان 15:29 Iomraidhean Croise

لوقا 9:61

یه نَفِرِ دییه بااوته: «ای آقا، مِن تِ هِمراه اِمبه، ولی اِجازه هاده اَوِّل شه خانِوادهِ هِمراه خِداحافظی هاکانِم.»

اعمال رَسولان 15:20

ولی وِنه یِتا نامهِ دِله وِشونِ جِم بِخوائم که بِت‌هائه قِروونی خِراک، زِنا، خفه بَییهِ حیوونونِ گوشت و خونِ جِم دوری هاکانِن.

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 21:25

ولی غیریَهودی ایموندارونِ خَوِری، اِما شه حِکمِ یِتا نامهِ دِله وِشونِ بَرِسوندیمی و بااوتیمی که وِنه بِتهائه تَقدیم بَییه خِراکِ جِم، خونِ جِم، خفه بَییه حیوونِ گوشتِ جِم و زِنائه جِم دوری هاکانِن.»

اعمال رَسولان 23:30

بَعد وَختی خَوِردار بَیمه وه علیه نَخشه بَکِشینه، دَرجا وه ره شِمه پَلی بَفرِسیمه. وه شاکیونِ هم دَستور هِدامه تا شکایتیِ که وه جِم دارنِنه ره شِمه پَلی بیارِن.»

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

دوّمین نامه قرنتیانِ وَسین 13:11

سرآخِر، ای بِرارون، خِشال بوئین. شِمه فکر این بوئه که اَی دِواره جان بَیرین و هَمدییه ره تَسِلّی هادین، هَمدییه هِمراه هم نَظِر بوئین؛ صِلح و سِلامتیِ دِله زندگی هاکانین؛ که خِدائه مِحَبَّت و صِلح و سِلامتی شِمه هِمراه موندِنه.

اول تیموتائوس 5:22

اینِ وِسه که یه نَفِرِ خِدمِتِ تعیین هاکانی، عجله نَکِن و بَقیهِ گِناهونِ دِله شَریک نَواش، شه ره پاک دار.

یعقوبِ نامه 1:27

پاک و بی‌لکّهِ دینداری، اَمه پییِر، خِدائه نَظر، اینِ که یتیمون و بیوه‌زن هائه دَسِ مِصیبتِ مووقه بَیریم و شه ره این فاسدِ دِنیائه جِم دور داریم.

اوّل یوحنا 5:21

ای کِچیکِ وَچون، شه ره بِتهائه جِم حِفظ هاکانین.

یهودائه نامه 1:24

اِسا اونی که تونده شِما ره دَکِتِنِ جِم حِفظ هاکانه و شه جِلالِ حِضورِ دِله بی‌عیب و گَتِ خِشالیِ جِم پِر هاکانه،

یوحنایِ مکاشفه 2:14

«ولی مِن اَت کم شکایت تِ جِم دارمه: اونجه بعضیا ره دارنی که بَلعامِ تعلیمِ بَچِسبِسِنه؛ همونی که بالاقِ یاد هِدا که اِسرائیلِ قومِ جِلو سنگی بوئه که دَکِتِنِ باعث بونه، تا اون غِذایی که بِتها ره پیشکَش بونه ره بَخُرِن و بی عفتی هاکانِن.

یوحنایِ مکاشفه 2:20

ولی این شکایتِ تِ جِم دارمه، اون زِنا که وه اسم ایزابلِ و شه ره نبیه دونده ره آسون گِرنی. وه که مِ نوکِرونِ تَعلیم دِنه و از راه به دَر کانده تا بی عفتی هاکانِن و اون غِذاهائه جِم که بِتهائه پیشکش بَییه بَخُرِن.