اعمال رَسولان 15:28 - کتاب مقدس به زبان مازندرانی - گویش شرقی

²⁸ اِما و روح القُدُس، این طی صِلاح بَدیمی که باری شِمه دوشِ سَر نییِلیم، به جِز اینا که ضرورینه

گیله ماز

²⁸ اَما و روح القُدُس اینجور صَلاح بَدییَیم که باری شِیمی دوشِ سَر نَنیم، بِجُز ایشان که ضَروریَن

کتاب مقدس به زبان مازندرانی - گویش غربی

²⁸ اَما و روح القُدُس هَینجور صَلاح بَئیمی گه باری شِمِه دوشی سَر نِلیم، بِجِز هَینِن گه ضَرورینِه

اعمال رَسولان 15:28 Iomraidhean Croise

اِنجیلِ مَتّی 11:30

چوون مِ یوغ آسون و مِ بار سَبِکِ.»

اِنجیلِ مَتّی 23:4

وِشون دینِ اَحکامِ یِتا سنگین بارِ واریِ که نَبونه وه ره جابه جا هاکاردِن، مَردِمِ دوش اییِلنِنه، ولی شه حاضر نینِه حَتّی یِتا اَنگوس هم بارِ بِن بییِلِّن.

اِنجیلِ یوحنا 16:13

ولی وَختی حَییقِتِ روح بِیّه، شِما ره، به تِمومِ حَییقِت رهبری کانده؛ چوون وه شه جِم گَب نَزِنده، بلکه اونچی اِشنُنه ره گانه و شِما ره آینده جِم با خَوِر کانده.

اعمال رَسولان 15:19

«پَس مِ نَظِر اینِ، اونایی که، غیر یَهودیونِ جِم خِدائه سَمت بَرگِردِنِنه ره زَحمِت نَدیم.

اعمال رَسولان 15:25

پَس اِما یَک دِل این طی صِلاح بَدیمی که مردایی ره اِنتخاب هاکانیم و وِشونِ شه عزیزون، بَرنابا و پولُسِ هِمراه، شِمه پَلی بَفرِسیم،

اعمال رَسولان 15:8

و خِدایی که دلِ جِم خَوِر دارنه، وِشونِ وِسه شِهادت هِدا و روح القُدُسِ وِشونِ هِدا، هَمون طی که اِما ره هِدا.

اعمال رَسولان 16:4

وِشون وَختی از شَهری یِتا دییه شَهر شینه، اون قانوناییِ که رَسولون و مشایخ، اورشَلیمِ دِله بااوته بینه ره مَردِمِ گاتِنه تا اونا ره رعایت هاکانِن.

اعمال رَسولان 5:32

و اِما این جَریانِ شاهِدیمی، هَمون طی که روح‌القدس هم شاهِدِ، هَمون روحی که خِدا وه ره شه مُطیعون بِبَخشیه.»

اوّلین نامِه قُرنتیانی سِه 14:37

اگه یه نَفِر شه ره پِیغَمبِر یا آدِمی که خِدائه روحِ دارنه، دونده، وه وِنه تایید هاکانه که اونچی شِمه وِسه نِویسِمبه، یِتا حِکم، خِداوندِ جِم هَسه.

اوّلین نامِه قُرنتیانی سِه 7:25

و ولی اَذِب هائه خَوِری، خِداوندِ جِم حِکمی نِدارمه؛ ولی به عنوان کِسی که خِداوندِ رَحمِتِ طریق قابل اعتمادِ، شه گَبِ زَمبه.

اوّلین نامِه قُرنتیانی سِه 7:40

با این وجود، مِن فکر کامبه، اگه شی نَکِنه، خِشبختَرِ؛ و گمون کامبه که مِنِم خِدائه روحِ دارمه!

اوّل تِسالونیکیان 4:8

پَس، هر کی اینِ رَد هاکانه، آدِمی ره رَد نَکانده بلکه خِدایی ره رَد هاکارده که شه مِقدَّسِ روحِ شِما ره دِنه.

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.

یوحنایِ مکاشفه 2:24

ولی شِما بَقیه، تیاتیرائه دِله، شِما که این تعلیمِ نَچِسبِسِنی و ‌اون چی که بعضیا گانِنه ’شیطانِ عمیقِ رازا ره‘ یاد نَییتینی، شِما ره گامبه که، شِمه دوش سَر ویشتر از این بار نییِلمه.