اعمال رَسولان 14:5 - کتاب مقدس به زبان مازندرانی - گویش شرقی

⁵ وَختی غیرِ یَهودیون و یَهودیون، شه گَت گَتِ هِمراه تَصمیم بَییتِنه که پولُس و بَرنابا ره آزار هادِن و سَنگسار هاکانِن،

گیله ماز

⁵ وختی غیرِ یَهودیِان و یَهودیِان خودِشانِه گَتِه شانِ هَمرهَ تَصمیم بِیتَن که پولس و برنابا رِه اَذیَت هَکُنَن و سَنگسار هَکُنَن،

کتاب مقدس به زبان مازندرانی - گویش غربی

⁵ وختی غیرِیَهودیِن و یَهودیِن شی گَت گَتِه ای هَمرا تَصمیم بَیتِنِه گه پولس و برنابا رِه اَذیَت هاکِنِن و سَنگسار هاکِنِن،

اعمال رَسولان 14:5 Iomraidhean Croise

اِنجیلِ مَتّی 5:44

ولی مِن شِما ره گامبه شه دِشمِنونِ دوس دارین و اونایی که شِما ره ظِلم رِسِندِنه، وِشونِ وِسه دِعائه خِیر هاکانین.

لوقا 6:28

هر کی شِما ره نَفرین کانده وِشونِ وِسه دعائه بَرکَت هاکانین، و هر کی شِما ره آزار دِنه وه وِسه دِعائه خیر هاکانین.

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 14:2

ولی یهودیونی که ایمون نیارده بینه، غیرِ یَهودیونِ تَحریک هاکاردِنه و وِشونِ فِکرِ، بِرارونِ علیه، مَسموم هاکاردِنه.

اعمال رَسولان 14:4

اون شَهرِ مَردِم دِ دَسه بَینه؛ یه دَسه، یَهودیونِ طَرِفدار بینه و یه دَسه، رَسولونِ طَرِفدار.

اعمال رَسولان 17:5

ولی یَهودیون حَسودی هاکاردِنه و چَن تا شَریرِ آدِمونِ، بازارِ جِم، جَمع هاکاردِنه، اَت دسه لاتِ لوت راه دینگونه و شَهرِ دِله بَلوا هاکاردِنه. وِشون پولُس و سیلاسِ پی دا هاکاردِنِ وِسه یاسونِ سِره هجوم بَوِردِنه تا وِشونِ جَمیِّتِ دلهِ جِم بیرون بیارِن.

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

اوّل تِسالونیکیان 2:14

چوون ای بِرارون، شِما خِدائه کلیساها که یَهودیهِ مَنطقهِ دِله مَسیحْ عیسیِ دِله دَرِنهِ جِم، سَرمَخش بَییتینی: چوون شِما هم شه هموطنونِ جِم، هَمون عِذاب ها ره بَدینی که وِشون یَهودیونِ جِم بَدینه،

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.