اعمال رَسولان 14:28 - کتاب مقدس به زبان مازندرانی - گویش شرقی

²⁸ بعد شاگردونِ هِمراه خَله زِمون اونجه بمونِسِنه.

گیله ماز

²⁸ ایما شاگِردانِ هَمرهَ خِیلی زَمان اوجِه بُمانِسَّن.

کتاب مقدس به زبان مازندرانی - گویش غربی

²⁸ اَزما شاگِردِنی هَمرا خِیلی زِمِن اوجِه بَمونِسِنه.

اعمال رَسولان 14:28 Iomraidhean Croise

اعمال رَسولان 11:26

و وَختی وه ره پی دا هاکارده، وه ره اَنطاکیه بیارده. وِشون اونجه یَک سالِ تِموم، کلیسائه آدِمونِ هِمراه جَمع بونِسِنه و یِتا گَتِ جَمیَّتِ تَعلیم دانه. اَنطاکیهِ دِله بییه که اَوِّلین کَش عیسیِ شاگِردونِ «مَسیحی» بااوتِنه.

اعمال رَسولان 14:20

ولی وَختی شاگِردون وه دور جَمع بَینه، پولُس بِلِند بَییه و شَهر بَردَگِردِسه. فِردائه اون روز، وه و بَرنابا دِربِهِ شَهرِ سَمت راه دَکِتِنه.

اعمال رَسولان 14:22

اون شهرهائه دِله شاگردونِ جانِ قِوَّت هِدانه، وِشونِ تَشویق کاردنه شه ایمونِ دِله بَمونِن و نصیحت کاردِنه که «وِنه خَله مِصیبت ها ره تِحَمُّل هاکانیم تا خِدائه پادشاهی دِله بُوریم.»

اعمال رَسولان 15:35

وِشون دییه ایموندارونِ هِمراه خِداوندِ کِلامِ تَعلیم دانه و اِعلام کاردِنه.