اعمال رَسولان 14:20 - کتاب مقدس به زبان مازندرانی - گویش شرقی

²⁰ ولی وَختی شاگِردون وه دور جَمع بَینه، پولُس بِلِند بَییه و شَهر بَردَگِردِسه. فِردائه اون روز، وه و بَرنابا دِربِهِ شَهرِ سَمت راه دَکِتِنه.

گیله ماز

²⁰ وَلی وَختِی شاگِردان اونِه دُور جَم هَبان، پولس وَرِسَه و به شَهرِ وَگرِسِّه. فَردَئی، اون و بَرنابا دِربِه یه شهرِ سَمت رادَکِتَن.

کتاب مقدس به زبان مازندرانی - گویش غربی

²⁰ ولی وختی شاگِردِن وی دُور جَم بَوِنِه، پولس پِرِسا و شَهری سِه دَگِرِسِه. فَردای هون روز، وی و بَرنابا دِربِه ای شهری سِه راه دَکِتِنِه.

اعمال رَسولان 14:20 Iomraidhean Croise

اعمال رَسولان 11:26

و وَختی وه ره پی دا هاکارده، وه ره اَنطاکیه بیارده. وِشون اونجه یَک سالِ تِموم، کلیسائه آدِمونِ هِمراه جَمع بونِسِنه و یِتا گَتِ جَمیَّتِ تَعلیم دانه. اَنطاکیهِ دِله بییه که اَوِّلین کَش عیسیِ شاگِردونِ «مَسیحی» بااوتِنه.

اعمال رَسولان 11:29

پَس شاگِردون تَصمیم بَییتِنه هر کِدوم، شه تِوانِ اِندا، یَهودیهِ بِرارونِ وِسه کُمِک بَفرِسِن.

اعمال رَسولان 12:17

پِطرُس شه دَسِ هِمراه اشاره هاکارده که ساکت بوئِن و تَعریف هاکارده که چی طی خِداوند وه ره زِندونِ جِم بیرون بیارده. بعد بااوته: «یَعقوب و بَقیه بِرارونِ این جَریانِ جِم باخَوِر هاکانین.» بعد یه جا دییه بُورده.

اعمال رَسولان 14:22

اون شهرهائه دِله شاگردونِ جانِ قِوَّت هِدانه، وِشونِ تَشویق کاردنه شه ایمونِ دِله بَمونِن و نصیحت کاردِنه که «وِنه خَله مِصیبت ها ره تِحَمُّل هاکانیم تا خِدائه پادشاهی دِله بُوریم.»

اعمال رَسولان 14:28

بعد شاگردونِ هِمراه خَله زِمون اونجه بمونِسِنه.

اعمال رَسولان 14:6

پولوس و برنابا این جَریانِ جِم خَوِردار بَینه، لِستْره و دِربِه که لیکائونیهِ شهرائه جِم بییه، و اونِ دورِ اَطراف مَنطقه فِرار هاکاردِنه

اعمال رَسولان 16:1

پولُس اَوِّل دِربِه و بعد لِستْرهِ شَهر بُورده. اونجه یِتا شاگِرد که وه اسمِ تیموتائوس بییه زندگی کارده که وه مار یَهودی و ایموندار بییه، ولی وه پییِر یونانی بییه.

اعمال رَسولان 16:40

وِشون بعد از این که زِندونِ جِم بیرون بوردِنه، لیدیهِ سِره بُوردِنه. اونجه، بِرارونِ بَدینه و وِشونِ تَشویق هاکاردِنه. بعد اونجه جِم بوردِنه.

اعمال رَسولان 20:1

وَختی بلوا تِموم بَییه، پولُس، شاگردونِ شه پَلی صدا هاکارده و بعد از این که وِشونِ تَشویق هاکارده، وِشونِ هِمراه خِداحافظی هاکارده و مقدونیهِ مَنطقه سمت راه دَکِته.

دوّمین نامه قرنتیانِ وَسین 6:9

اَمه هِمراه بی نام و نِشون هائه واری رِفتار بونه، با این حال اِما ره اِشناسِنِنه؛ اَمه هِمراه مِرده هائه واری رِفتار بونه، با این حال هارِشین هَمتی زِندِمی؛ اَمه هِمراه جوری رِفتار بونه که اِنگار مجازاتِ دِله دَرِمبی، با این حال هَمتی اِما ره نَکوشتِنه؛