اعمال رَسولان 14:15 - کتاب مقدس به زبان مازندرانی - گویش شرقی

¹⁵ «ای مَردِم، چه این طی کاندینی؟ اِما هم شِمه واری، آدِمِمی. اِما خَوِرِ خِشِ شِما ره دِمبی تا این بیخودی کارائه جِم دَس بَکِشین و زنده خِدا ره ایمون بیارین که آسِمون و زِمین و دریا و اونچی که اونائه دِله دَره ره خَلق هاکارده.

گیله ماز

¹⁵ «اِی مَردم، چِرا اینجور کانین؟ اَما هَم ایتا شِیمی مِثان، آدَمِیم. اَما خَبَرِ خوشِ شِمِرِه دَنیم تا این بیخِدِ کارانِ جی دَس بَکِشین و زندِه خَدا رِه ایمان بیارین که آسِمان و زَمین و دریا و اونچه که اوشانِ دِلِه دَرِه رِه، خَلق هَکردِه.

کتاب مقدس به زبان مازندرانی - گویش غربی

¹⁵ «اِی مَردِن، چه هَینجور کِنِنی؟ اَما هَم هِتی شِمِه تَرا، آدَمِمی. اَما خَوَرِخِشِ شِمارِ دِمی تا هَین بیخِدِ کاری جا دَس بَکِشین و زینِّه خِدارِه ایمون بیارین گه آسِمون و زَمین و دریا و اونچی گه اونانی دِلِه دَرِه رِه، خَلق هاکِردِه.

اعمال رَسولان 14:15 Iomraidhean Croise

اِنجیلِ مَتّی 16:16

شمعونِ پِطرس جِواب هِدا: «تِ مَسیحِ موعودی، زنده خِدائه ریکائی.»

اِنجیلِ یوحنا 5:26

چوون همون‌طی که پییِر شه دِله زندگی دارنه، هَمون طیَم ریکا ره هم عَطا هاکارده تا شه دِله زندگی داره،

اِنجیلِ یوحنا 7:18

اونی که شه جِم گانه، شه جِلالِ دِمبال دَره، ولی اونی که شه فرسندهِ جِلالِ خوانه، راس گانه و وه دِله هیچ دِرویی دَنیه.

اعمال رَسولان 10:26

ولی پِطرُس وه ره بِلِند هاکارده و بااوته: «پِرِس؛ مِن هم یِتا آدِمِمه.»

اعمال رَسولان 13:32

«اِسا اِما این خَوِرِ خِشِ شِما ره دِمبی که خِدا اونچی که اَمه پییِرونِ وَعده هِدا بییه ره،

اعمال رَسولان 14:21

وِشون اون شَهرِ دِله هم خَوِرِ خِشِ اِعلام هاکاردِنه و خَیلیا ره عیسیِ شاگرد هاکاردِنه. بعد به لِستْره و قونیه و اَنطاکیه بَردَگِردِسِنه.

اعمال رَسولان 14:7

و اونجه خِدائه خَوِرِ خِشِ اِعلام هاکاردِنه.

اعمال رَسولان 16:30

بعد، پولُس و سیلاسِ بیرون بیارده و بَپِرسیه: «آقایون، چی هاکانِم تا نِجات بَیرِم؟»

اعمال رَسولان 27:10

«آقایون، ویمبه که پِرخَطِرِ سَفِری دارمی و نا فِقَط کَشتی و وه بارِ ضَرِر زَنده، بلکه اَمه جانِ هم صَدمه زَنده.»

اعمال رَسولان 27:21

از اونجه که خَله وَخت بییه که غِذا نَخُرده بینه، پولُس وِشونِ میون اِیست هاکارده و بااوته: «آقایون، شِما مِ گَبا ره وِنه قَبول کاردینی و کْرِتِ جِم بیرون نییَمونی تا اَنده ضرر و زیان نَویندِسینی.

اعمال رَسولان 27:25

پَس ای مَردا، شِمه دِل قرص بوئه، چوون مِن ایمون دارمه، هَمون طی که خِدا مِ ره بااوته، بونه.

اعمال رَسولان 4:24

وَختی اینِ بِشنُسِنه، یَک صِدا خِدائه حِضور دِعا هاکاردِنه و بااوتِنه: «ای خداوندی که همه چیِ حاکمی، اِی خِدایی که آسِمون و زِمین و دریا و اونچی اونائه دِله دَره ره خَلق هاکاردی،

اعمال رَسولان 7:26

فردائه اون روز، دِ نَفِرِ بَدیئه که هَمدییهِ هِمراه دَعوا کاردِنه، این نیَّتِ هِمراه که وِشونِ آشتی‌ هاده، بااوته: ”ای مَردا، شِما بِرارِنی، چه هَمدییه ره بَدی کاندینی؟“

اوّلین نامِه قُرنتیانی سِه 8:4

پَس، بِتهائه پیشکَش بَییه خِراکِ بَخُردِنِ خَوِری، دومبی که این دِنیائه دِله «بِت هیچِ،» و «اِلّا یِتا خِدا، خِدائه دییه ای دَنیه.»

اِفِسُسیان 4:17

اِسا اینِ گامبه و اَی هم خِداوندِ دِله گامبه که دییه شِمه رِفتار نَوِسه، اون مَردِمی واری که خِدا ره نِشناسِنِنه، بوئه که شه بی خودی فکرائه دِله رِفتار کاندِنه.

اوّل تِسالونیکیان 1:9

چوون وِشون شه از این که چی طی شِما گرمِیِ هِمراه اَمه پیشواز بییَمونی، گَب زَندِنه و این که چی طی بِتهائه جِم دَس بَکِشینی و خِدائه سمت بَردَگِردِسینی تا زنده و حییقی خِدا ره خِدمِت هاکانین

اول تیموتائوس 3:15

تا اگه مِ بییَموئِن عَقِب دَکِته، بَدونی که خِدائه خانوادهِ میون که زِنده خِدائه کلیسا و حَییقَتِ سِتون و پِی هَسه، چی طی وِنه رِفتار هاکارد.

نامِه مَسیحینی عبرانی نِژادی سِه 3:12

بِرارون، شِمه حواس دَووه، نَکِنه که شِمه جِم کِسی شَرور و بی‌ایمونِ دِل داره که شِما ره زنده خِدائه جِم دور هاکانه.

یعقوبِ نامه 5:17

اِیلیائه پِیغَمبِر یِتا آدِم، اَمه واری بییه، ولی وَختی تِمومِ شه وجودِ هِمراه دِعا هاکارده که وارش نَییه، سه سال و نیم زِمینِ سَر وارش نییَمو؛

یوحنایِ مکاشفه 14:7

و وه یِتا بِلِندِ صِدائه هِمراه بااوته: «خِدائه جِم بَتِرسین و وه ره جِلال هادین، چوون که وه داوِریِ ساعت بَرِسیه. وه ره پرسِش هاکانین. وه که آسِمون و زِمین و دریا و چشمه‌هائه اوه ره خَلق هاکارده.»

یوحنایِ مکاشفه 19:10

بعد وه لینگ دَکِتِمه تا وه ره پَرَسِش هاکانِم. ولی وه مِ ره بااوته: «این طی نَکِن! چوون مِن هم تِ واری و تِ بِرارونِ واری که عیسیِ شِهادتِ قایم بَچِسبِسِنه، هم خِدمِتِمه. خِدا ره پَرَسِش هاکان! چوون عیسیِ شِهادت، نبِوّتِ روحِ.»

یوحنایِ مکاشفه 19:19

و اون وحشی جانور و زِمینِ پاشاهونِ بَدیمه که شه لشگرهائه هِمراه جَمع بَییه بینه تا وه علیه که اسبِ سَر نیشته و وه لشگرِ علیه جَنگ هاکانِن.

یوحنایِ مکاشفه 22:9

ولی اون مِ ره بااوته: « این طی نَکِن! مِنِم تِ و تِ بِرارونِ واری، یعنی پِیغَمبِرون، و اونایی که این کتابِ کِلامِ به جا یارنِنه، هم خِدمتِمه. خِدا ره پَرَسِش هاکان.»

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»