اعمال رَسولان 13:51 - کتاب مقدس به زبان مازندرانی - گویش شرقی

⁵¹ وِشون هم اون شَهرِ خاکِ شه لینگائه جِم، بَتِکاندینه و قونیهِ شَهر بُوردِنه.

گیله ماز

⁵¹ اوشان هَم اون شَهرِ خاکِ خودِشانِه لِنگِ جی بِتِکاندِن و به شَهرِ قونیه بَشَن.

کتاب مقدس به زبان مازندرانی - گویش غربی

⁵¹ وِشون هَم هون شَهری خاکِ شی لینگی جا هِلاکِنّینِه و قونیه ای شَهری سِه بوردِنِه.

اعمال رَسولان 13:51 Iomraidhean Croise

اِنجیلِ مَتّی 10:14

اَگه هر کی شِما ره قَبول نَکارده و اونچی گانِنی ره گوش نِدائه، وَختی که اون سِره یا اون شَهرِ جِم شونِنی، اونِ گردِ خاکِ شه لینگِ جِم بَتِکونین.

مَرقُس 6:11

و اگه جایی شِما ره قَبول نَکاردِنه، یا شِمه گَبِ گوش نِدانه، وَختی اونجه جِم شونِنی شه لینگِ گردِ خاکِ بَتِکونین، تا علیه وِشون یِتا شِهادت بوئه که خِدا وِشونِ مجازات کانده.»

لوقا 10:11

”حَتّی اِما شِمه شَهرِ گردِ خاکِ که اَمه لینگِ سَر نیشته ره، شِمه علیه تکون دِمبی. ولی اینِ بَدونین که خِدائه پادشاهی نزیکِ.“

لوقا 9:5

اگه مَردِم شِما ره قبول نَکاردِنه، وَختی وِشونِ شَهرِ جِم شونِنی، شه لینگِ گردِ خاک بَتِکونین تا وِشونِ وِسه گِواهی ای بوئه که خِدا نسبت به وِشون غَضِب دارنه.»

اعمال رَسولان 14:1

پولُس و بَرنابا قونیهِ شَهرِ دِله هم، یَهودِ عِبادَتگاهِ دِله بُوردِنه و جوری گَب بَزونه که یَته خَله یَهودیون و یونانیون، ایمون بیاردِنه.

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 14:21

وِشون اون شَهرِ دِله هم خَوِرِ خِشِ اِعلام هاکاردِنه و خَیلیا ره عیسیِ شاگرد هاکاردِنه. بعد به لِستْره و قونیه و اَنطاکیه بَردَگِردِسِنه.

اعمال رَسولان 16:2

لِستْره و قونیهِ دلهِ، بِرارون وه خواری ره گاتِنه.

اعمال رَسولان 18:6

ولی وَختی یَهودیون، پولُسِ هِمراه مِخالفت هاکاردِنه و عیسی ره ناسِزا بااوتِنه، پولُس اون شَهرِ گردِ خاکِ شه لِواسِ جِم بَتِکاندیه و وِشونِ بااوته: «شِمه خون شه شِمه گَردِن دَووه! مِن تقصیرکار نیمه. از این بعد، غیریهودیونِ پَلی شومبه.»

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.