اعمال رَسولان 13:29 - کتاب مقدس به زبان مازندرانی - گویش شرقی

²⁹ و وَختی تِموم اونچی ره که وه خَوِری بَنوِشته بَییه بییه ره اِنجام هِدانه، وه ره صلیبِ جِم جِر بیاردِنه، مَقبَره دِله بییِشتِنه.

گیله ماز

²⁹ وَ وَختِی تمام اونچه که اونِه باره بَنویشته هَبا با رِه، اَنجام هَدَن، اونِه صَلیب جی جیر بیاردِن، مقَبره یه دِلِه بَنَن.

کتاب مقدس به زبان مازندرانی - گویش غربی

²⁹ و وختی دِشتِه اونچی گه وی خَوَری بَنوِشت بَوِه وِه رِه، اَنجام هادانِه، وِرِه صَلیبی جا جِر بیاردِنِه، مقَبره ای دِلِه بِشتِنِه.

اعمال رَسولان 13:29 Iomraidhean Croise

مَرقُس 15:42

نماشونِ مووقه بَرِسیه، و از اونجه که اون روز ’تهیّه‘ روز بییه، روزی که یَهودیون شه ره عیدِ روزِ وِسه آماده کاردنه یعنی یِتا روز قبل از مِقدَّسِ شنبه.

لوقا 23:50

اونجه یِتا مَردی دَییه که وه اسم یوسِف بییه، یوسِف رامهِ جِم بییه، یِتا از یَهودیونِ شهرا، وه مَردی خوار و صالح بییه. یوسِف با اینکه شورائه عضو بییه،

لوقا 23:53

بعد عیسیِ جَسِدِ جِر بیارده و اونِ کَتونِ کَفِنِ دِله دَپیته و یِتا مَقبره‌ِ دِله که صخرهِ دِله بَتِراشی بییه، بییِشته که تا اون مووقه هیچ کَسِ اونِ دِله نییِشته بینه.

لوقا 24:44

بعد وِشونِ بااوته: «این هَمونِ که وَختی شِمه هِمراه دَیمه، گاتِمه؛ اِسا تِموم اونچی موسیِ تورات و پِیغَمبِرونِ کِتاب و مزامیرِ دِله مِ خَوِری بَنوشت بَییه هَسه، وِنه اِنجام بَرِسه.»

اِنجیلِ یوحنا 19:28

بَعد از اون عیسی که دونِسه دییه همه چی تِموم بَییه، اونِ وِسه که مِقدَّسِ نوِشته اِنجام بَرِسه، بااوته: «مِ ره تِشنائه.»

اِنجیلِ یوحنا 19:30

وَختی عیسی تِرش بَییه شِرابِ بَچِشیه، بااوته: «تِموم بَییه.» بعد شه سَرِ جِر بیارده و شه روحِ تَسلیم هاکارده.

اعمال رَسولان 13:27

چوون اورشَلیمِ مَردِم و وِشونِ گَت گَتِ، عیسی ره نِشناسینه و پیغمبِرونِ بااوته ها ره که هر مِقدَّسِ شنبه وِشونِ وِسه بَخوندِسه بونِسه ره نِفَهمِسِنه. وِشون وه مَحکوم هاکاردِنِ هِمراه پِیغَمبِرونِ بااوته ها ره به انجام بَرِسانینه.

اعمال رَسولان 2:23

این عیسی طِبق خِدائه اِراده و نَخشه، شِمه تَسلیم بَییه و شِما کافِرونِ دَس وه ره صلیب بَکِشینی و بَکوشتینی.

اعمال رَسولان 26:22

ولی تا اَمروز، خِدا مِ ره کُمِک هاکارده و اَلان اینجه اِیست هاکاردِمه و همهِ وِسه، از گَت تا کِچیک، شِهادت دِمبه. اونچی گامبه هیچی نییه به جِز اونچی پیغمبِرون و موسیِ پِیغَمبِر بااوتِنه که وِنه اِتّفاق دَکِفه:

اعمال رَسولان 4:28

تا اونچی که تِ دَس و اِراده قبلتر معین هاکارده بییه ره به جا بیارِن.

اعمال رَسولان 5:30

اَمه پییِرونِ خِدا، هَمون عیسی که شِما صلیبِ بَکِشینی و بَکوشتینی ره مِرده هائه جِم زنده هاکارده

اوّلین نامِه قُرنتیانی سِه 15:4

و اینکه دَفن بَییه، و اینکه سِوّمین روزِ دِله مِرده هائه جِم زِنده بَییه هَمون طی که مِقدَّسِ نوشته هائه دِله بیَمو،