اعمال رَسولان 13:28 - کتاب مقدس به زبان مازندرانی - گویش شرقی

²⁸ با اینکه وِشون هیچ دَلیلی، وه بَکوشتِنِ وِسه پی دا نکاردِنه، پیلاتُسِ جِم بَخواسِنه وه ره اِعدام هاکانه.

گیله ماز

²⁸ هر چَن اوشان هیچ دَلیلِی اونِه بَکوشتن وَسین پیدا نَکوردَن، پیلاتُسِ جی بِخَسَّن اونِه اعدام هَکونِه.

کتاب مقدس به زبان مازندرانی - گویش غربی

²⁸ با هَینگه وِشون هیچ دَلیلی وی بَکوشتنی سِه نَنگیتِنِه، پیلاتُسی جا بَخوایسِنِه وِرِه اعدام هاکِنِه.

اعمال رَسولان 13:28 Iomraidhean Croise

اِنجیلِ مَتّی 27:19

هَمون مووقه که پیلاتُس داوِریِ تَختِ سَر نیشته بییه، وه زِنا وه ره پِیغوم بَفرِسیه و بااوته: «وه صالحِ مَردیِ، وه هِمراه کاری نِدار، مِن دیشو خُویی وه خَوِری بَدیمه که مِ ره خَله بَرِنجونیه»

اِنجیلِ یوحنا 18:38

پیلاتُس بَپِرسیه: «حَییقت چیه؟» وَختی اینِ بااوته، اَی دِواره بیرون یَهودیونِ پَلی بُورده و وِشونِ بااوته: «مِن هیچ دلیلی وه مَحکوم هاکاردِنِ وِسه پی دا نَکاردِمه.

اِنجیلِ یوحنا 19:4

پیلاتُس اَت کَش دییه بیرون بُورده و وِشونِ بااوته: «هارِشین؛ اَلان وه ره شِمه پَلی بیرون یارمه تا بَدونین که مِن هیچ جرمی وه مَحکوم هاکاردِنِ وِسه پی دا نَکاردِمه.»