اعمال رَسولان 13:14 - کتاب مقدس به زبان مازندرانی - گویش شرقی

¹⁴ ولی وِشون پِرجهِ جِم رَد بَینه و اَنطاکیهِ پیسیدیهِ مَنطقه بَرِسینه. مِقدَّسِ شَنبهِ روز، عِبادَتگاهِ دِله بییَمونه و هِنیشتِنه.

گیله ماز

¹⁴ وَلی اوشان پِرجِه یه جی رَد هَبان وبه اَنطاکیۀ پیسیدیه منطقه بَرِسین. مُقَدَّس شَنبِه روز، عبادتگاهِ دِلِه بومَن و بنیشتَن.

کتاب مقدس به زبان مازندرانی - گویش غربی

¹⁴ ولی وِشون پِرجِه ای جا رَد بَوِنِه و اَنطاکیه پیسیدیه ای مَنطقِه ای سِه بَرِسینِه. مِقَدّسِ شَنبِه روز، عبادتگاهی دِلِه بیمونِه و هِنیشتِنِه.

اعمال رَسولان 13:14 Iomraidhean Croise

لوقا 4:16

وَختی عیسی ناصره، اون شهری که وه دِله گَت بَییه بییه بَرِسیه، طبقِ شه عادِت مِقدَّسِ شنبه روز، عِبادَتگاهِ دِله بُورده و بِلِند بَییه تا خِدائه کِلامِ بَخونه.

اعمال رَسولان 13:42

وَختی پولُس و بَرنابا عِبادَتگاهِ جِم بیرون شینه، مَردِم وِشونِ جِم خواهش هاکاردِنه که شنبه بعدی هم این جَریانِ خَوِری وِشونِ وِسه گَب بَزِنِن.

اعمال رَسولان 13:44

شنبه بعدی، حِدوداً، تِمومِ شَهرِ مَردِم جَمع بَینه تا خِداوندِ کِلامِ بشنُئِن.

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

اعمال رَسولان 13:5

وَختی سَلامیسِ شَهرِ دِله بُوردِنه، یَهودیونِ عبادتگاه هائه دِله خِدائه کِلامِ اِعلام هاکاردِنه. اونا یوحنائه معروف به مَرقُس هم شه هِمراه بَوِردِنه تا وِشونِ کُمِک هاکانه.

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 16:13

مِقدَّسِ شنبه روز شَهرِ جِم بیرون بییَمومی و یِتا رودخانهِ وَر بُوردیمی، این اِنتِظارِ هِمراه که اونجه یِتا جا دِعائه وِسه دَره. پَس هِنیشتیمی و زَن هایی که اونجه جَمع بَییه بینهِ هِمراه گَب بَزومی.

اعمال رَسولان 17:2

پولُس طبقِ شه عادت عبادتگاه بُورده، وه سه تا مِقدَّسِ شنبه، وِشونِ هِمراه مِقَدَّسِ نوِشته هائه جِم، بحث کارده

اعمال رَسولان 18:4

پولُس هر مِقدَّسِ شَنبه، عِبادَتگاهِ دِله یَهودیون و یونانیونِ هِمراه بَحث کارده و تَقِلّا کارده وِشونِ قانع هاکانه.

اعمال رَسولان 19:8

بَعد پولُس یَهودیونِ عبادتگاه بُورده، اونجه سه ماه جِرأتِ هِمراه گَب زوئه و خِدائه پادشاهیِ خَوِری بَحث کارده و وِشونِ قانع کارده.

اعمال رَسولان 9:20

وه دَرجا یَهودیونِ عبادتگاه هائه دِله بُورده و این پیغومِ که عیسی، خدائه ریکا هَسه ره شروع هاکارده.

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.