اعمال رَسولان 13:13 - کتاب مقدس به زبان مازندرانی - گویش شرقی

¹³ پولُس و وه هَمراهون دریائه راهِ جِم، از پافوس، پِرجه بوردِنه که پامفیلیهِ مَنطقهِ دِله بییه. ولی اونجه یوحنائه معروف به مرقس وِشونِ جِم سیوا بَییه و اورشَلیم بَردَگِردِسه.

گیله ماز

¹³ پولس و اونِه هَمراهان دَریای راهِ جی، پافوس جی به پِرجِه بَشَن که پامفیلیِه منطقه یه دِلِه با. وَلی اوجِه یوحنای معروف به مَرقُس اوشانِ جی سیفا هَبا وبه اورشَلیمِ وَگرِسِّه.

کتاب مقدس به زبان مازندرانی - گویش غربی

¹³ پولس و وی هَمراهِن دَریایی راهی جا، از پافوس پِرجِه ای سِه بوردِنِه گه پامفیلیِه ای مَنطقِه ای دِلِه وِه. ولی اوجِه یوحنای معروف به مَرقُس وِشونی جا سیوا بَوِه و اورشَلیمی سِه دَگِرِسِه.

اعمال رَسولان 13:13 Iomraidhean Croise

اعمال رَسولان 12:12

وَختی پِطرُس اینِ بِفَهمِسه، مریِم، یوحنائه مَعروف به مَرقُسِ مارِ سِره بُورده. اونجه خَله مَردِم جَمع بَییه بینه و دَینه دِعا کاردِنه.

اعمال رَسولان 15:36

بعد از چَن وَخت، پولُس، بَرنابا ره بااوته: «اون شهرهایی که خِداوندِ کِلامِ اونجه اِعلام هاکاردیمی، بَردَگِردیم و بِرارونِ سَر بَزِنیم تا بَوینیم چه وَضعی دارنِنه.»

اعمال رَسولان 15:38

ولی پولُس صِلاح نَدیئه کِسی که پامفیلیهِ دِله وِشونِ تینا بییِشته و شه هَمکاری ره اِدامه نِدائه ره شه هِمراه بَوِره.

اعمال رَسولان 2:10

فْریجیه و پامفیلیه و مِصر و لیبیِ اون قسمت ها که قیرَوانِ وِسه بییه و رومی زائِرون

اعمال رَسولان 27:13

پَس وَختی یِواش یِواش جنوبِ وا دَکِته، وِشون گِمون هاکاردِنه شه مقصد بَرِسینه؛ لَنگرِ بَکِشینه و کرِتِ راسه، دریالوِ نَزیکی پیش بُوردِنه.

اعمال رَسولان 27:5

بعد از اینکه کیلیکیه و پامفیلیهِ دریالوِ جِم بُگذِشتیمی، میرائه بندرِ دِله، که لیکیهِ مَنطقهِ دِله بییه پیاده بَیمی.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

دوم تیموتائوس 4:11

فِقَط لوقا مِ هِمراه دَره. مَرقُسِ بَیر و شه هِمراه بیار، چوون وه مِ خِدمِتِ وِسه خَله به کار اِنه.