اعمال رَسولان 12:4 - کتاب مقدس به زبان مازندرانی - گویش شرقی

⁴ هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.

گیله ماز

⁴ هیرودیس بعدِ پِطرُسِ دَسگیر هَکُردَن، اونِه زندان میَن تُووادَه و چهار تا دَسِّه یه چهارتایی سَرباز اونِه نِگَهبانی یه وَسین بَنَه. وَ خَسِّه بعدِ عید پِسَخ، اونِه مَردُمِ وَر مُحاکِمِه هَکونِه.

کتاب مقدس به زبان مازندرانی - گویش غربی

⁴ هیرودیس بعد از هَینگه پِطرُسِ هَماسیِه، وِرِه زیندونی دِلِه دیم بَدا و چار تا دَسِه ی چارتایی سَربازِ وی نِگَهوونی ای سِه بِشتِه. و خوایسِه بعد از پِسَخی عید، وِرِه مَردِنی وَر مِحاکِمِه هاکِنِه.

اعمال رَسولان 12:4 Iomraidhean Croise

اِنجیلِ مَتّی 24:9

«اون مووقه شِما ره دِشمِنونِ تَسلیم کاندِنه تا شِکَنجِه بِن دَووین و شِما ره کُشِنِنه. مِ اسمِ خاطِری تِمومِ قوما شِمه جِم بیزار بونِنه.

اِنجیلِ مَتّی 26:5

ولی گاتِنه: «نا عیدیِ روز، نَکِنِه مَردِم شورِش هاکانِن.

مَرقُس 14:1

دِ روز، پِسَخ و فَطیرِ عیدِ بَمونِسه بییه. مَعبِدِ گَت گَتِ کاهِنون و توراتِ مَلِّمون یِتا راهِ دِمبال دَیینه که عیسی ره کَلِکِ هِمراه بَیرِن و بَکوشِن،

لوقا 21:12

«ولی قبل از این اِتّفاق، شِما ره گِرنِنه، اذیّت کاندِنه، و محاکمهِ وِسه عبادتگاه هائه دِله وَرنِنه و زِندون هائه دِله دِم دِنِنه، و مِ اسمِ خاطِری، شِما ره پادشاهون و فرموندارون پَلی وَرنِنه

لوقا 22:33

پِطرس وه ره جِواب هِدا: «اِی آقا، مِن حاضِرِمه تِ هِمراه، هَم زِندونِ دِله دَکِفِم و هَم بَمیرِم.»

اِنجیلِ یوحنا 19:23

وَختی سَربازون عیسی ره مَصلوب هاکاردِنه، وه جِمه ره بَییتنه، چهار قِسمت رَسِد هاکاردِنه و هر کِدوم یِتا قِسمِتِ بَییتِنه. وَختی وه قَوا ره بَرِسینه، بَدینه یِسَره هَسه و دَرز نِدارنه.

اِنجیلِ یوحنا 21:18

حییقَتاً، تِ ره گامبه، وَختی که جِوون تَر بیئی شه کَمِر وَسّی و هر جا خواسی شیئی؛ ولی وَختی پیر بَووی شه دسا ره واز کاندی و یه نَفِر دییه تِ کَمِرِ وَندِنه و تِ ره جایی که نِخوانی بُوری وَرنه.»

اعمال رَسولان 12:3

و وَختی بَدیئه که یَهودیون این کارِ جِم خِشال بَینه، پِطرُسِ هم دسگیر هاکارده، این کار فطیرِ عیدِ مووقه اِتّفاق دَکِته.

اعمال رَسولان 12:5

پَس پِطرُسِ زِندونِ دِله داشتِنه، ولی کلیسا یه سَره وه وِسه خِدائه پَلی دِعا کارده.

اعمال رَسولان 4:28

تا اونچی که تِ دَس و اِراده قبلتر معین هاکارده بییه ره به جا بیارِن.

اعمال رَسولان 4:3

پَس وِشونِ بییتِنه و چوون نِماشون بییه، تا فِردا وِشونِ زِندونِ دِله داشتِنه.

اعمال رَسولان 5:18

و رَسولونِ بَییتِنه و زِندونِ دِله که همه جورِ آدِم وه دِله دَییه، دِم هِدانه.

اعمال رَسولان 8:3

ولی سولُس تِمومِ شه غیظِ هِمراه کلیسا ره حمله کارده و سِره سِره گِردِسه، زَن ها و مَردا ره بیرون کَشییه و زِندونِ دِله دِم دائه.