اعمال رَسولان 12:3 - کتاب مقدس به زبان مازندرانی - گویش شرقی

³ و وَختی بَدیئه که یَهودیون این کارِ جِم خِشال بَینه، پِطرُسِ هم دسگیر هاکارده، این کار فطیرِ عیدِ مووقه اِتّفاق دَکِته.

گیله ماز

³ وَ وَختِی بَدییِه که یَهودیِان این کارِ جی خوشحال هَبان، پِطرس رِه هَم دَسگیر هَکردِه. این کارعید فطیرِ موقِه اِتِّفاق دَکِتِه.

کتاب مقدس به زبان مازندرانی - گویش غربی

³ و وختی بَئیِه گه یَهودیِن هَین کاری جا خِشال بَوِنِه، پِطرسِ هَم هَماسیِه. هَین کار فطیری عیدی موقِه اِتِّفاق دَکِتِه.

اعمال رَسولان 12:3 Iomraidhean Croise

اِنجیلِ مَتّی 26:17

فطیرِ عیدِ اَوِّلین روز، شاگِردون عیسی پَلی بییَمونه و بَپِرسینه: «کِجه خوانی تِ وِسه تَهَیّه بَوینیم تا پِسَخِ شومِ اونجه بَخوری؟

اِنجیلِ یوحنا 12:43

چوون مَردِمِ تَعریف و تَمجیدِ، خِدائه تَعریف و تَمجیدِ جِم ویشتر دوس داشتنه.

اِنجیلِ یوحنا 19:11

عیسی بااوته: «اگه خِدا، این اِختیارِ تِ ره نِدا بییه تِ هیچ اِختیاری مِ سَر نِداشتی؛ اینِ وِسه، اونی که مِ ره تِ تَحویل هِدا، وه گِناه ویشتَرِ.»

اِنجیلِ یوحنا 21:18

حییقَتاً، تِ ره گامبه، وَختی که جِوون تَر بیئی شه کَمِر وَسّی و هر جا خواسی شیئی؛ ولی وَختی پیر بَووی شه دسا ره واز کاندی و یه نَفِر دییه تِ کَمِرِ وَندِنه و تِ ره جایی که نِخوانی بُوری وَرنه.»

اعمال رَسولان 12:4

هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.

اعمال رَسولان 2:14

بعد پِطرُس اون یازده رَسولِ هِمراه بِلِند بَییه و شه صِدا ره بِلِند هاکارده، وِشونِ بااوته: «ای یَهودیون و ای اورشَلیمِ مَردِم، اینِ بِفَهمین و اونچی گامبه ره دِقَّتِ هِمراه گوش هادین!

اعمال رَسولان 20:6

ولی اِما بعد از فَطیرِ عید، کَشتیِ هِمراه، فیلیپیِ شَهرِ جِم راهی بَیمی و بَعدِ پِنج روز، تْروآس دِله وِشونِ مِلحَق بَیمی و هَفت روز اونجه بَمونِسیمی.

اعمال رَسولان 24:27

دِ سال دییه، پورکیوس فِستوس، فِلیکْسِ جانشین بَییه. ولی فِلیکْس، اینِ وِسه که یَهودیونِ سَر مِنّت بییِلّه، پولُسِ هَمون طی زِندونِ دِله داشته.

اعمال رَسولان 25:9

فِستوس که خواسه یَهودیونِ سَر مِنَّت بییِلّه، پولُسِ بااوته: «خوانی اورشَلیم بُوری تا اونجه این اِتهامائه وِسه مِ پَلی محاکمه بَووی؟»

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

غَلاطیان 1:10

اِسا یعنی مِن مَردِمِ تأییدِ دِمبال دَرِمبه یا خِدائه تأییدِ دِمبال؟ یا تَقِلّا کامبه مَردِمِ راضی هاکانِم؟ اگه هَمتی مَردِمِ راضی هاکاردِنه دِمبال دَیمه، مَسیحِ نوکِر نَبیمه.

اوّل تِسالونیکیان 2:4

بلکه هَمون طی که خِدا اِما ره تأیید هاکارده تا اِنجیلِ کارِ اِنجام هادیم، پَس اَمه گَب بَزوئِن آدِمونِ راضی هاکاردِنِ وِسه نییه، بلکه خِدائه راضی هاکاردِنِ وِسه هَسه، که اَمه دلها ره آزمود کانده.