اعمال رَسولان 12:19 - کتاب مقدس به زبان مازندرانی - گویش شرقی

¹⁹ هیرودیس دَستور هِدا همه جا، پِطرُسِ دِمبال بَگِردِن؛ و وَختی وه ره پی دا نکاردِنه سربازونِ جِم بازجویی هاکارده و وِشونِ بَکوشتِنِ حکمِ هِدا. بعد پِطرُس یَهودیهِ جِم قیصریهِ شَهر بُورده و چَن وَخت اونجه بَمونِسه.

گیله ماز

¹⁹ هیرودیس دَستور هَدَه هَمِه جا پِطرُسِ دُمّال بَگِردَن. وَ وَختِی اونِه پیدا نَکوردَن سَربازان جی بازجویی هَکردِه و اوشانِ بَکوشتَن حکمِ هَدَه. ایما پِطرس یَهودیِه جی به شهرِ قیصَریِه بَشَه و چَن وَخت اوجِه بُمانِسّه.

کتاب مقدس به زبان مازندرانی - گویش غربی

¹⁹ هیرودیس دَستور هادا هَمه جا پِطرُسی دِمال بَگِردِن. و وختی وِرِه نَنگیتِنِه سَربازِنی جا بازجویی هاکِردِه و وِشونی بَکوشتَنی حِکمِ هادا. اَزما پِطرس یَهودیِه ای جا قیصَریِه ای شهری سِه بوردِه و چَن وَخت اوجِه بَمونِسِه.

اعمال رَسولان 12:19 Iomraidhean Croise

اِنجیلِ مَتّی 2:1

عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه

اِنجیلِ مَتّی 2:13

بَعد از اینکه عالمینِ ستاره شناس بوردِنه خِداوَندِ یِتا از فرِشته ها، خو دِله یوسِفِ ظاهر بَییه و بااوته: «پِرِس، وَچِه و وه مارِ بَیر و هَمین اِمشو مِصر فِرار هاکان و تا وَختی که تِ ره نااوتِمه اونجه بَمون، چوون هیرودیس نِنّه وَچِه ره پی دا هاکانه و وه ره بَکوشه.»

اِنجیلِ مَتّی 2:16

وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،

اعمال رَسولان 12:18

وَختی صِواحی بَییه، سربازونِ میون بَلبَشو بَییه، چوون نَدونسِنه پِطرُسِ سَر چی بییَمو.

اعمال رَسولان 12:4

هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.

اعمال رَسولان 12:6

یِتا شو قبل از اون روزی که هیرودیس قَصد داشته پِطرُسِ محاکمه هاکانه، وه دِتا زَنجیلِ هِمراه دَوِسه بییه و دِتا سربازِ میون بَخواته بییه، و نگهوونون هم زِندونِ درِ وَر کشیک دانه.

اعمال رَسولان 16:27

زندونبون بیدار بَییه، وَختی زِندونِ واز بَییه دَرِ بَدیئه، شَمشیر بَکِشیه تا شه ره بَکوشه، چوون خیال کارده زندونی ها فِرار هاکاردِنه.

اعمال رَسولان 21:8

فِردائه اون روز، اونجه جِم بوردیمی و قیصریهِ شَهر بییَمومی. مُبَشر فیلیپُس سِره بوردیمی که یِتا از اون هَفت نَفِری بییه که خِدمِتِ وِسه انتخاب بَییه بییه و وه پَلی بَمونِسیمی.

اعمال رَسولان 25:13

بعد از این که چَن روز بُگذِشته، آگْریپاسِ پادشاه و بِرنیکی، فِستوسِ خِش آمِدگوییِ وِسه، قیصریهِ شَهر بییَمونه.

اعمال رَسولان 27:42

سربازون خواسِنه زندونیونِ بَکوشِن نَکِنه کِسی شِنا هاکانه و دَر بوره.

اعمال رَسولان 8:40

ولی فیلیپُس شه ره اَشدودِ مَنطقهِ دِله پی دا هاکارده. وه تِمومِ اون مَنطقهِ شهرهائه دِله گِردِسه و انجیل خَوِرِ خِشِ دائه، تا قیصریهِ شَهر بَرِسیه.