اعمال رَسولان 12:15 - کتاب مقدس به زبان مازندرانی - گویش شرقی

¹⁵ اون کُلفِتِ بااوتِنه: «خِل بَئی» ولی وَختی اون کُلفِتِ اِصرارِ بَدینه، بااوتِنه: «لابد وه فرشته ئه.»

گیله ماز

¹⁵ اون کُلفَتِ باگوتِن: «خُل هَبَیی.» وَلی وَختِی اون کُلفَت اصرارِ بَدییَن، باگوتِه: «لابِد اونِه فِرِشتِئِه.»

کتاب مقدس به زبان مازندرانی - گویش غربی

¹⁵ هون کِلفَتِ بُتِنِه: «خِل بَوِه ای.» ولی وختی هون کِلفَتی اصرارِ بَئینِه، بُتِنِه: «لابِد وی فِرِشتِئِه.»

اعمال رَسولان 12:15 Iomraidhean Croise

اِنجیلِ مَتّی 18:10

«هیچ وَخت این کِچیکِ وَچونِ کِچیک نِشمارین. چوون شِما ره گامبه وِشونِ فِرِشته ها، آسِمونِ دِله هَمِش مِ آسِمونی پییِرِ دیمِ ویندِنه.

مَرقُس 16:11

ولی وِشون وَختی بِشنُسِنه که عیسی زنده بَییه و مریِم وه ره بَدیئه، باوِر نَکاردِنه.

مَرقُس 16:14

وَختی که اون یازده شاگرد سِفرهِ سَر نیشته بینه، عیسی وِشونِ ظاهر بَییه، عیسی وِشونِ، بی‌ایمونی و سَنگ دِلیِ وِسه سَراکو هاکارده، چوون وِشونِ گَبِ، که وه ره بَعد از زنده بَیِّن بَدی بینه ره باوِر نَکاردِنه.

لوقا 22:59

یه ساعت بُگذِشته و یه نَفِر دییه وه ره بَدیئه و اصرارِ هِمراه بااوته: «یقیناً این مَردی وه هِمراه دَییه، چوون وه هم جَلیلیِ.»

لوقا 24:11

ولی رسولون فکر هاکاردِنه زَن ها خیالاتی بَینه و وِشونِ گَبِ باوِر نَکاردِنه.

اعمال رَسولان 12:16

هَمون مووقه، پِطرُس یه سَره در زوئه. سَر آخِر، وَختی درِ واز هاکاردِنه و وه ره بدینه خَله تَعجِّب هاکاردِنه.

اعمال رَسولان 26:24

وَختی پولُس این گَب هائه هِمراه شه جِم دفاع کارده، فِستوس داد بَزو: «پولُس، تِ شه عَقلِ از دَس هِدایی! زیادیِ علم، تِ ره خِل هاکارده.»