اعمال رَسولان 12:12 - کتاب مقدس به زبان مازندرانی - گویش شرقی

¹² وَختی پِطرُس اینِ بِفَهمِسه، مریِم، یوحنائه مَعروف به مَرقُسِ مارِ سِره بُورده. اونجه خَله مَردِم جَمع بَییه بینه و دَینه دِعا کاردِنه.

گیله ماز

¹² وَختِی پِطرُس اینه بِفَهمِسِّه، مریم، یوحنای مَعروف بِه مَرقُسِ مآرِه سِرِه بَشَه. اوجِه خیلی مَردم جَم هَبا بان و دَبان دُعا هَکونَن.

کتاب مقدس به زبان مازندرانی - گویش غربی

¹² وختی پِطرُس هَینِه بِفَهمِسِه، مریم، یوحنای مَعروف به مَرقُسی ماری خِنِه بوردِه. اوجِه خِیلی مَردِن جَم بَوِه وِنِه و دِ دِعا کِردِنِه.

اعمال رَسولان 12:12 Iomraidhean Croise

اعمال رَسولان 12:25

وَختی بَرنابا و شائول شه مأموریتِ تِموم هاکاردِنه، اورشَلیمِ جِم بَردَگِردِسِنه و یوحنائه مَعروف به مَرقُسِ هَم شه هِمراه بیاردِنه.

اعمال رَسولان 12:5

پَس پِطرُسِ زِندونِ دِله داشتِنه، ولی کلیسا یه سَره وه وِسه خِدائه پَلی دِعا کارده.

اعمال رَسولان 13:13

پولُس و وه هَمراهون دریائه راهِ جِم، از پافوس، پِرجه بوردِنه که پامفیلیهِ مَنطقهِ دِله بییه. ولی اونجه یوحنائه معروف به مرقس وِشونِ جِم سیوا بَییه و اورشَلیم بَردَگِردِسه.

اعمال رَسولان 13:5

وَختی سَلامیسِ شَهرِ دِله بُوردِنه، یَهودیونِ عبادتگاه هائه دِله خِدائه کِلامِ اِعلام هاکاردِنه. اونا یوحنائه معروف به مَرقُس هم شه هِمراه بَوِردِنه تا وِشونِ کُمِک هاکانه.

اعمال رَسولان 16:40

وِشون بعد از این که زِندونِ جِم بیرون بوردِنه، لیدیهِ سِره بُوردِنه. اونجه، بِرارونِ بَدینه و وِشونِ تَشویق هاکاردِنه. بعد اونجه جِم بوردِنه.

اعمال رَسولان 4:23

پِطرُس و یوحنا بعد از اینکه آزاد بَینه شه رَفِقون پَلی بَردَگِردِسِنه و اونچی که گَت گَتِ کاهِنون و مَشایخ وِشونِ بااوته بینه ره خَوِر هِدانه.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

دوم تیموتائوس 4:11

فِقَط لوقا مِ هِمراه دَره. مَرقُسِ بَیر و شه هِمراه بیار، چوون وه مِ خِدمِتِ وِسه خَله به کار اِنه.

فیلیمون 1:24

همین طی مِ همکارون، مَرقُس، آریستارخوس، دیماس و لوقا تِ وِسه سِلام رِسِندِنِنه.

اول پِطرُس 5:13

خواخِری که بابِلِ دِله دَره، وه که شِمه واری انتخاب بَییه شِمه وِسه سِلام رِسِندِنه و همین طی مِ ریکا مَرقُس.