اعمال رَسولان 12:10 - کتاب مقدس به زبان مازندرانی - گویش شرقی

¹⁰ وِشون اَوِّلین و دِوّمین نگهوونونِ جِم بُگذِشتِنه و آهنی دَروازهِ پَلی بَرِسینه که شَهرِ سَمت واز بونِسه. دروازه خود به خود وِشونِ وِسه واز بَییه. وِشون بیرون بُوردِنه و هَمون طی که دَینه راه شینه، یِدَفه فرشته غِیب بَییه.

گیله ماز

¹⁰ اوشان اَوَّلین و دوّمین نِگَهبانان جی بُگذشتِن و آهینی دَروازۀ یه وَر بَرِسیَن که شَهرِ سَمت واز بونِه با. دَروازِه خُد به خُد اوشانِ وَسین واز هَبا. اوشان دِرگا بَشَن و هَمونجور که دَبان را شونه بان یدَفِه فِرِشتِه غِیب هَبا.

کتاب مقدس به زبان مازندرانی - گویش غربی

¹⁰ وِشون اَوَّلین و دِوّمین نِگَهوونِنی جا بِگذِشتِنِه و آهَنی دَروازه ای وَر بَرِسینِه گه شَهری سَمت وا وونِسِه. دَروازِه خِد به خِد وِشونی سِه وا بَوِه. وِشون دیرگا بوردِنِه و هَمونجور گه دِ راه شیوِنِه یَدَفِه فِرِشتِه غِیب بَوِه.

اعمال رَسولان 12:10 Iomraidhean Croise

اِنجیلِ یوحنا 20:19

هَمون روز نِماشون، که هفته اَوِّلین روز بییه، شاگِردون دور هم جَمع بینه و یَهودیونِ تَرسِ جِم درا ره قفل هاکارده بینه، عیسی بییَمو و وِشونِ میون، اِیست هاکارده و بااوته: «سِلام بر شِما!»

اِنجیلِ یوحنا 20:26

هشت روزِ دییه عیسیِ شاگِردون اَی دِواره سِره دِله دَینه و توما وِشونِ هِمراه دَییه. با وجودِ اینکه درا قفل بینه، عیسی بییَمو و وِشونِ میون اِیست هاکارده و بااوته: «سِلام بر شِما!»

اعمال رَسولان 12:4

هیرودیس بَعد از اینکه پِطرسِ دسگیر هاکارده، وه ره زِندونِ دِله دِم هِدا و چهار تا دَسۀ چهارتایی سربازِ وه نگهوونیِ وِسه بییِشته. و خواسه بعد از پِسَخِ عید، وه ره مَردِمِ پَلی محاکمه هاکانه.

اعمال رَسولان 16:26

که یِدَفه یِتا گَتِ زِمین‌لرزه‌ دَکِته، جوری که زِندونِ پِی، ‌لَرزه دَکِته و دَرجا زِندونِ دَرها واز بَییه و تِمومِ زنجیل ها واز بَینه.

اعمال رَسولان 5:19

ولی شو، خِداوندِ یِتا فرشته زِندونِ دَرا ره واز هاکارده و وِشونِ بیرون بیارده

یوحنایِ مکاشفه 3:7

«فیلادِلفیهِ کلیسائه فِرشتهِ وِسه بَنویس: «اون که قدّوسِ، اون که حَقِّ، اون که داوودِ کلیتِ دارنه، اون که واز کانده و هیچ کِس نَتونده دَوِنده، و اون که وَندِنه و هیچ کس نَتونده واز هاکانه، این طی گانه: