اعمال رَسولان 11:27 - کتاب مقدس به زبان مازندرانی - گویش شرقی

²⁷ اون روزا چَن تا پِیغَمبِر اورشَلیمِ جِم اَنطاکیه بییَمونه.

گیله ماز

²⁷ اون روزان چَن تا پیغمبر اورشَلیمِ جی به اَنطاکیه بومَن.

کتاب مقدس به زبان مازندرانی - گویش غربی

²⁷ هون روزا چَن تا پِیغَمبر اورشَلیمی جا اَنطاکیه ای سِه بیمونِه.

اعمال رَسولان 11:27 Iomraidhean Croise

اِنجیلِ مَتّی 23:34

چوون که مِن پِیغَمبِرون و حَکیمون و مَلِّمونِ شِمه وِسه فِرِسِندِمبه، ولی شِما بَعضیا ره کُشِنِنی و مَصلوب کاندینی، بَعضیا ره هم شه عبادتگاه هائه دِله شِلّاق زَندِنی و شَهر به شَهر شونِنی و وِشونِ عِذاب دِنِنی.

لوقا 11:49

اینِ وِسه خِدائه حِکمت گانه ”مِن وِشونِ وسه پِیغَمبِرون و رسولونِ فِرِسِندِمبه. ولی وِشون بعضیا ره کُشِنِنه و بعضیا ره شکنجه دِنِنه.“

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 11:22

وَختی این خَوِر اورشَلیمِ کلیسا بَرِسیه، برنابا ره اَنطاکیه بَفرِسینه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 14:26

آتّالیائه جِم کَشتیِ هِمراه، اَنطاکیه بَردَگِردِسِنه، هَمون‌جه که ایموندارون پولُس و بَرنابا ره خِدائه فیضِ دَس بِسپارِسه بینه تا اون کاری ره هاکانِن که اَلان اونِ اِنجام هِدا بینه.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 15:30

پَس وِشون راهی بَینه، اَنطاکیهِ شَهر بُوردِنه. اونجه کلیسائه آدِمونِ جَمع هاکاردِنه، نامه ره بَرِسِندینه.

اعمال رَسولان 15:32

یَهودا و سیلاس هم که پِیغَمبِر بینه، یَته خله گَب هائه هِمراه، بِرارونِ تَشویق هاکاردِنه و قِوَّت هِدانه.

اعمال رَسولان 18:22

وَختی قیصریه دِله کَشتیِ جِم جِر بییَمو، بورده و کلیسائه مَردِمِ مِلاقات هاکارده بعد اَنطاکیهِ سَمت راه دَکِته.

اعمال رَسولان 2:17

«‌”خدا گانه: آخِرین روزائه دِله، شه روحِ، تِمومِ مَردِمِ وِسه شَندِمبه. شِمه ریکائون و کیجائون نَبِوّت کاندنه، شِمه جِوونون رؤیا و شِمه پیرون خو ویندِنه.

اعمال رَسولان 21:4

شاگردونِ اونجه پی دا هاکاردیمی، هَفت روز وِشونِ پَلی بَمونِسیمی. وِشون خِدائه روحِ هدایتِ هِمراه، پولُسِ بااوتِنه اورشَلیم نَشوئه.

اعمال رَسولان 21:9

فیلیپُس چهار تا اَذِبِ کیجا داشته که نَبِوّت کاردِنه.

اعمال رَسولان 6:5

اونچی که رسولون بااوتِنه همه نَظِر خوار بییَمو و این آدِمونِ انتخاب هاکاردِنه: اِستیفان، مَردی که روح‌القُدُس و ایمونِ جِم پِر بییه، فیلیپُس، پْروخُروس، نیکانُر، تیمُن، پارمِناس و نیکُلائوس که اَنطاکیهِ دِله یَهودی بَییه بییه.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

اوّلین نامِه قُرنتیانی سِه 12:28

خِدا کلیسائه دِله، اَوِّل رَسولون، دِوّم پِیغَمبِرون، سوّم مَلِّمون؛ بعد معجِزاتِ قِدرَت، بعد شِفا هِدائِنِ عطایا و کُمِک و مدیریت و جورواجورِ زِوون ها، گَب بَزوئِنِ وِسه تعیین هاکارده.

اوّلین نامِه قُرنتیانی سِه 14:32

اَنبیاء روح، اَنبیاءِ جِم اِطاعت کانده.

غَلاطیان 2:11

ولی وَختی که کیفا اَنطاکیه بییَمو، وه روب رو اِیست هاکاردِمه، چوون وه حَق بییه.

اِفِسُسیان 4:11

و وه بییه که رَسولون هِدا، پِیغَمبِرون، مِواشِرون، چَپونون و مَلِّمون هِدا،