اعمال رَسولان 11:19 - کتاب مقدس به زبان مازندرانی - گویش شرقی

¹⁹ اون ایموندارونی که بعد از استیفانِ آزار اذیت پخش و پِلا بَییه بینه، تا فینیقیه و قبرس و اَنطاکیهِ سَمت سَفِر هاکاردِنه. وِشون فِقَط خِدائه کِلامِ یَهودیونِ اِعلام کاردِنه و بَس.

گیله ماز

¹⁹ اون ایماندارانی که بعد از اِستیفانِ اَذیت و آزار پَخش و پَلا هَبا بان، تا فینیقیه و قبرس و اَنطاکیه یه سَمت سَفر هَکُردَن. اوشان فقط خُدای کلامِ یَهودیان اِعلام کانِه بان و بَس.

کتاب مقدس به زبان مازندرانی - گویش غربی

¹⁹ هون ایموندارِنی گه بعد از اِستیفانی اذیت و آزار پَخش و پَلا بَوِه وِنِه، تا فینیقیه و قبرس و اَنطاکیه ای سَمت سَفر هاکِردِنِه. وِشون فقط خِدایی کلامِ یَهودیِنِ اِعلام کِردِنِه و وَس.

اعمال رَسولان 11:19 Iomraidhean Croise

اِنجیلِ مَتّی 10:6

بلکه اِسرائیلِ قومِ گووم بَییه گُسفِنائه پَلی بُورین

اِنجیلِ یوحنا 7:35

پَس یَهودیون هَمدییه ره گاتِنه: «این مَردی کَجه خوانه بُوره که اِما نَتومبی وه ره پی دا هاکانیم؟ خوانه یَهودیونِ پَلی که یونانِ دِله پخشِ پِلانه بوره و یونانیونِ تَعلیم هاده؟

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 11:22

وَختی این خَوِر اورشَلیمِ کلیسا بَرِسیه، برنابا ره اَنطاکیه بَفرِسینه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 13:4

این طی، اون دِتا که روح القُدُسِ طَرِفِ جِم بَفرِسی بَییه بینه، سِلوکیهِ بندر بُوردِنه و اونجه جِم کَشتیِ هِمراه قبرس بَرِسینه.

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

اعمال رَسولان 14:26

آتّالیائه جِم کَشتیِ هِمراه، اَنطاکیه بَردَگِردِسِنه، هَمون‌جه که ایموندارون پولُس و بَرنابا ره خِدائه فیضِ دَس بِسپارِسه بینه تا اون کاری ره هاکانِن که اَلان اونِ اِنجام هِدا بینه.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 15:30

پَس وِشون راهی بَینه، اَنطاکیهِ شَهر بُوردِنه. اونجه کلیسائه آدِمونِ جَمع هاکاردِنه، نامه ره بَرِسِندینه.

اعمال رَسولان 15:35

وِشون دییه ایموندارونِ هِمراه خِداوندِ کِلامِ تَعلیم دانه و اِعلام کاردِنه.

اعمال رَسولان 15:39

اونجه پولُس و بَرنابائه میون بَدجور اِختلاف دَکِته که هَمدییه جِم سیوا بَینه. برنابا، مَرقُسِ بَییته و دریائه راهِ جِم قِبرس بوردِنه؛

اعمال رَسولان 18:22

وَختی قیصریه دِله کَشتیِ جِم جِر بییَمو، بورده و کلیسائه مَردِمِ مِلاقات هاکارده بعد اَنطاکیهِ سَمت راه دَکِته.

اعمال رَسولان 21:16

شاگردونِ جِم بَعضیا که قیصریه زندگی کاردِنه هم اَمه هِمراه بییَمونه و اِما ره مِناسونِ سِره بَوِردِنه تا وه مِهمون بوئیم. مِناسون، اَهلِ قبرس و یِتا از قدیمی شاگِردون بییه.

اعمال رَسولان 21:2

اونجه یِتا کَشتی پی دا هاکاردیمی که دَییه فینیقیه شیه. اونِ سِوار بَیمی و راه دَکِتیمی.

اعمال رَسولان 3:26

وَختی که خِدا شه خادم عیسی ره انتخاب هاکارده، اَوِّل وه ره شِمه پَلی بَفرِسیه تا هر کِدوم از شِما ره شِمه گِناهونِ راه هائه جِم بَردِگاردِنه و شِما ره بَرکَت هاده.»

اعمال رَسولان 4:36

یوسِف هم که لاویِ قَبیلهِ جِم و قپرسی بییه و رَسولون وه ره برنابا یعنی ’تشویقِ ریکا‘ لَقب هِدا بینه،

اعمال رَسولان 6:5

اونچی که رسولون بااوتِنه همه نَظِر خوار بییَمو و این آدِمونِ انتخاب هاکاردِنه: اِستیفان، مَردی که روح‌القُدُس و ایمونِ جِم پِر بییه، فیلیپُس، پْروخُروس، نیکانُر، تیمُن، پارمِناس و نیکُلائوس که اَنطاکیهِ دِله یَهودی بَییه بییه.

غَلاطیان 2:11

ولی وَختی که کیفا اَنطاکیه بییَمو، وه روب رو اِیست هاکاردِمه، چوون وه حَق بییه.