اعمال رَسولان 11:18 - کتاب مقدس به زبان مازندرانی - گویش شرقی

¹⁸ وَختی وِشون این گَب ها ره بِشنُسِنه، ساکت بَینه و خِدا ره جِلال هِدانه و بااوتِنه: «پَس خِدا غیر یَهودیونِ هم فِرصت هِدا تا وِشون هَم شه گِناهونِ جِم تووبه هاکانِن و اَبَدی زندگی ره به دَس بیارِن!»

گیله ماز

¹⁸ وَختِی اوشان این گَبا رِه بِشنَوِسَّن، ساکِت هَبان و خَدا رِه جلال هَدَن و باگوتَن: «پس خدا غیر یَهودیِان رِه هم فُرصت هَدَه تا اوشان هَم خودِشانِه گناهانِ جی توبه هَکُنَن و اَبدی زِندگی رِه بِدَس بیارِن!»

کتاب مقدس به زبان مازندرانی - گویش غربی

¹⁸ وختی وِشون هَین گَبارِه بِشنُسِنِه، ساکِت بَوِنِه و خِدارِه جلال هادانِه و بُتِنِه: «پس خِدا غیرِیَهودیِنَم فِرصت هادا تا وِشون هَم شی گِناهِنی جا توبه هاکِنَن و اَبَدی زِندگی رِه بِدَس بیارِن!»

اعمال رَسولان 11:18 Iomraidhean Croise

اِنجیلِ مَتّی 9:8

مَردِم وَختی این مُعجِزه ره بَدینه بَتِرسینه و خِدا ره شِکر هاکاردِنه که این طی قِدرَتی آدِمونِ هِدا.

اعمال رَسولان 11:1

رَسولون و بِرارون تِمومِ یَهودیهِ مَنطقهِ دِله بِشنُسِنه که غیریهودیون هم خِدائه کِلامِ قبول هاکاردِنه.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 20:21

هم یَهودیون و هم یونانیونِ اِعلام هاکاردِمه که وِنه تووبهِ هِمراه خِدائه سَمت بَردَگِردِن و اَمه خِداوند عیسیِ مَسیحِ ایمون بیارِن.

اعمال رَسولان 21:20

وِشون وَختی بِشنُسِنه، خِدا ره حمد و ثناء بااوتِنه. بعد پولُسِ بااوتِنه: «ای بِرار، هَمون طی که ویندی هزارون یَهودی ایمون بیاردِنه و همه شَریعتِ وِسه غیرت دارنِنه.

اعمال رَسولان 3:19

پَس توبه هاکانین و خِدائه سَمت بَردَگِردین تا شِمه گِناهون پاک بَووه و خِداوندِ حِضور جِم شِمه وِسه وختایی بِیّه که شِما ره تازگی هاده،

اعمال رَسولان 3:26

وَختی که خِدا شه خادم عیسی ره انتخاب هاکارده، اَوِّل وه ره شِمه پَلی بَفرِسیه تا هر کِدوم از شِما ره شِمه گِناهونِ راه هائه جِم بَردِگاردِنه و شِما ره بَرکَت هاده.»

اعمال رَسولان 5:31

و وه ره شه راسِ دَسِ وَر بالا بَوِرده، رَهبِر و نجات‌دَهِنده هاکارده تا یَهودِ مَردِم توبه هاکانِن و وِشونِ گِناهون بیامرزی بَووه.

رومی ایشون 9:30

پَس چی باریم؟ غیرِ یهودیونی که صالحیِ دِمبال دَنی بینه، اونِ به‌دَس بیاردِنه، یعنی اون صالحی ره که ایمونِ راهِ جِم به دَس اِنه؛

دوّمین نامه قرنتیانِ وَسین 3:18

و اِما همه که بی‌نقابِ دیمِ هِمراه، خِداوندِ جِلالِ، یِتا آینهِ واری ویمبی، هَمون عکسِ واری، یِتا جِلالِ جِم، به یِتا دییه جِلال که ویشتر بونه، عوض بومبی؛ و این خِداوندِ جِم شروع بونه که روحِ.

دوّمین نامه قرنتیانِ وَسین 7:10

چوون غُصّه ای که خِدائه وِسه بوئه، تووبهِ باعث بونه، که نِجاتِ خَتم بونه و پشیمونی نِدارنه. ولی غُصّه ای که دِنیائه وِسه هَسه، مَرگِ خَتم بونه.

غَلاطیان 1:24

و وِشون مِ خاطِری خِدا ره جِلال دانه.