اعمال رَسولان 11:16 - کتاب مقدس به زبان مازندرانی - گویش شرقی

¹⁶ بعد خِداوندِ گَبِ شه یاد بیاردِمه که بااوته بییه: ”یحیی اوهِ هِمراه غسلِ تَعمید دائه ولی شِما روح القدُسِ هِمراه تَعمید گِرنِنی.“

گیله ماز

¹⁶ ایما خُداوند گَبِ می یاد بیاردم که باگوته با: ”یحیی اُویه هَمرهَ غسلِ تعمید دَنِه با وَلی شما روح القُدُسِ هَمرهَ تعمید گیرِنین.“

کتاب مقدس به زبان مازندرانی - گویش غربی

¹⁶ اَزما خِداوندی گَبِ شی یاد بیاردِمِه گه بُت وِه: ”یحیی اُوئی هَمرا غِسلِ تعمید داوِه ولی شِما روح القُدُسی هَمرا تعمید گیرِنی.“

اعمال رَسولان 11:16 Iomraidhean Croise

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

اِنجیلِ مَتّی 3:6

و شه گِناهونِ اِعتراف کاردِنه و اُردنِ رودخانه دِله وه جِم غسلِ تَعمید گِتِنه.

مَرقُس 1:8

مِن شِما ره اوهِ هِمراه تَعمید هِدامه، ولی وه شِما ره روح‌القُدسِ هِمراه تَعمید دِنه.»

لوقا 24:8

اون وَخت زَن ها وه گَبِ ‌یاد بیاردِنه.

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

اِنجیلِ یوحنا 1:26

یحیی وِشونِ جِواب بااوته: «مِن اوهِ هِمراه تَعمید دِمبه، ولی شِمه میون یه نَفِر اِیست هاکارده که شِما وه ره نِشناسِنِنی،

اِنجیلِ یوحنا 1:33

مِن شه هم وه ره نِشناسیمه، ولی هَمون که مِ ره بَفرِسیه تا اوهِ هِمراه تَعمید هادِم، مِ ره بااوته: ”هر وَخت بَدیئی خِدائه روح یه نَفِرِ سَر جِر بییَمو و بَمونِسه، این همونیِ که روح‌القدسِ هِمراه تَعمید دِنه.“

اِنجیلِ یوحنا 14:26

ولی اون پِشتیبون، یعنی روح‌القُدُس، که پییِر وه ره مِ اسمِ هِمراه رِسِندِنه، وه همه چی ره شِما ره یاد دِنه و هر چیِ که مِن شِما ره بااوتِمه ره شِمه یاد یارنه.

اِنجیلِ یوحنا 16:4

ولی اینا ره شِما ره بااوتِمه تا وَختی وه مووقه بَرِسیه، شه یاد بیارین که شِما ره بااوته بیمه. این چیا ره اَوِّل شِما ره نااوتِمه، چوون شه، شِمه هِمراه دَیمه.

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 20:35

همه جوره شِما ره سِراغ هِدامه که وِنه این طی سَخت کار هاکانیم تا بَتونیم ضَعیفونِ دَسِ بَیریم، و عیسیِ خداوندِ گَبِ شه یاد داریم که چی طی شه بااوته: ”هِدائِن، بَییتِنِ جِم بِهترِ»

اوّلین نامِه قُرنتیانی سِه 12:13

چوون اِما هَمه، چه یَهود و چه یونانی، چه نوکِر و چه آزاد، یِتا روحِ دِله غِسلِ تَعمید بَییتیمی تا یه تَن بوئیم؛ و اِما هَمه یِتا روحِ جِم بَنوشانی بَیمی.

پطرسی دِوّمین نامِه 3:1

ای عزیزون، این دِوّمین نامه ئه که دَره شِمه وِسه نِویسِمبه. هر دِتا نامه ره این نیّتِ هِمراه شِمه وِسه بَنوِشتِمه تا شِمه یاد بیارِم و شِمه پاکِ فکرا ره شوق بیارِم،