اعمال رَسولان 11:1 - کتاب مقدس به زبان مازندرانی - گویش شرقی

¹ رَسولون و بِرارون تِمومِ یَهودیهِ مَنطقهِ دِله بِشنُسِنه که غیریهودیون هم خِدائه کِلامِ قبول هاکاردِنه.

گیله ماز

¹ رَسولان و اَداشان، تمام یَهودیِه منطقه یه دِلِه بِشنَوِسَّن که غیر یَهودیِان هم خُدای کَلامِ قَبول هَکُردَن.

کتاب مقدس به زبان مازندرانی - گویش غربی

¹ رَسولِن و بِرارِن، دِشتِه یَهودیِه ای مَنطقِه ای دِلِه بِشنُسِنِه گه غیرِیَهودیِن هَم خِدایی کَلامِ قَبول هاکِردِنِه.

اعمال رَسولان 11:1 Iomraidhean Croise

اِنجیلِ مَتّی 2:1

عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه

اِنجیلِ مَتّی 8:11

شِما ره گامبه كه خَیلیا شَرق و غَربِ جِم اِنِنه و آسمونِ پادشاهیِ دِله اِبراهیم و اِسحاق و یَعقوبِ هِمراه یِتا سِفرهِ سَر نیشِنِنه.

مَرقُس 16:5

وَختی مَقبره دِله بُوردِنه، بدینه یِتا جِوونِ مَردی اِسبه جمهِ هِمراه، راسِ طَرِف نیشته. زَن ها وه بَدیئِنِ جِم هَراسون بَینه.

لوقا 2:32

نُوری که، حَییقتِ دییه قومهائه وِسه دیار کانده و تِ قوم، اِسرائیلِ سربِلِندی باعث بونه.»

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 11:29

پَس شاگِردون تَصمیم بَییتِنه هر کِدوم، شه تِوانِ اِندا، یَهودیهِ بِرارونِ وِسه کُمِک بَفرِسِن.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 28:15

اونجهِ بِرارون بِشنُسه بینه که راه دِله دَرِمبی، پَس تا آپیوس و «سه مِیخِانهِ» بازارِ دِله بییَمونه تا اَمه پیشواز بِیّن. پولُس وَختی وِشونِ بَدیئه، خِدا ره شکر هاکارده و وه دِل قِوَّت بَییته.