اعمال رَسولان 10:8 - کتاب مقدس به زبان مازندرانی - گویش شرقی

⁸ کُرنِلیوس تِموم جَریانِ وِشونِ بااوته و وِشونِ یافا بَفرِسیه.

گیله ماز

⁸ کُرنِلیوس تمام جَریانِ اوشانِه باگوتِه و اوشانِه یافایِ سمت روانه هَکوردِه.

کتاب مقدس به زبان مازندرانی - گویش غربی

⁸ کُرنِلیوس دِشتِه جَریانِ وِشونِه بُتِه و وِشونِه یافایی سِه بَرِسانیِه.

اعمال رَسولان 10:8 Iomraidhean Croise

اعمال رَسولان 10:17

پِطرُس هَمون حال که تَعجِّبِ هِمراه، رویائه مَعنی ره فکر کارده، اونایی که کُرنِلیوس بَفرِسیه بییه، شَمعونِ سِره ره پی دا هاکاردِنه و سِرهِ دَرِ پَلی اِیست هاکاردِنه.

اعمال رَسولان 10:33

پَس دَرجا تِ دِمبال بَفرِسیمه و تِ هم لِطف هاکاردی و بییَموئی. اِسا اِما همه خِدائه پَلی حاضِریمی تا هر چی خِداوند تِ ره دستور هِدا، بِشنُئیم.»

اعمال رَسولان 10:7

وَختی فرشته‌ای که وه هِمراه گَب زوئه وه وَرِ جِم بورده، کُرنِلیوس دِتا از شه خادِمون و یِتا از شه سپاهیونِ سربازِ که وِفادارِ مَردی بییه ره شه پَلی صدا هاکارده

اعمال رَسولان 26:19

«پَس اون مووقه، ای آگْریپاسِ پادشاه، مِن آسِمونی رؤیائه جِم که مِ وِسه بییَمو سَرپیچی نَکاردِمه.

اعمال رَسولان 9:36

یافائه شَهرِ دِله یِتا شاگِرد که وه اسم طابیتا بییه زِندِگی کارده. یونانیونِ زِوون طابیتا ره دورکاس گاتِنه که وه مَعنی شوکا هَسه. این زنا شه ره خوارِ کارِ وَقف هاکارده بییه و فقیرونِ دَسِ گته.

اعمال رَسولان 9:38

چوون لُدَّه، یافائه نَزیکی بییه، وَختی شاگِردون بِفَهمِسِنه پِطرُس لُدَّه دِله دَره، دِ نَفِرِ وه پَلی بَفرِسینه و بااوتِنه: خواهش کامبی «دَرجا اَمه پَلی بِرو.»

اعمال رَسولان 9:42

این خَوِر تِمومِ یافائه دِله دَپیته و خَیلیا خِداوندِ ایمون بیاردِنه.

اعمال رَسولان 9:43

پِطرُس هم خَله روزا یافائه دِله یِتا دَبّاغِ پَلی که وه اسم شمعون بییه بَمونِسه.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،