اعمال رَسولان 10:45 - کتاب مقدس به زبان مازندرانی - گویش شرقی

⁴⁵ اون ایموندارونی که اَهلِ خَتنه جِم بینه یعنی اونایی که اِصالتاً یَهودی بینه‌ و پِطرُسِ هِمراه بییَمو بینه، وَختی بَدینه روح القدس حَتّی غیریهودیونِ وِسه هم بییَمو، مات و مَبهوت بَمونِسِنه.

گیله ماز

⁴⁵ اون ایماندارانی که اَهل خَتنِه بان یَعنی اوشانی که اِصالَتاً یَهودی بان و پِطرسِ هَمرهَ بوما بان، وَختِی بَدییَن روح القُدُس حتّی غیر یَهودیِان سَر هم بوما، مات و مَبهوت بُمانِسَّن.

کتاب مقدس به زبان مازندرانی - گویش غربی

⁴⁵ هون ایموندارِنی گه اَهل خَتنِه ای جا وِنِه یَعنی اونایی گه اَصلَتاً یَهودی وِنِه و پِطرسی هَمرا بیمو وِنِه، وختی بَئینِه روح القُدُس حتّی غیرِیَهودیِنی سِه هَم بیمو، مات و مَبهوت بَمونِسِنِه.

اعمال رَسولان 10:45 Iomraidhean Croise

اعمال رَسولان 10:23

پَس پِطرُس وِشونِ سِرهِ دِله بَوِرده تا وه مِهمون بوئِن. فِردائه اون روز پِطرُس بِلِند بَییه و وِشونِ هِمراه راه دَکِته. چَن تا یافائه شَهرِ بِرارون هم وه هِمراه بُوردِنه.

اعمال رَسولان 11:2

پَس وَختی پِطرُس اورشَلیمِ شَهر بَردَگِردِسه، اون گروهی که خَتنه بَیِّنِ طَرِفدار بینه، ایراد بَییتِنه و بااوتِنه:

اعمال رَسولان 11:3

«تِ ختنه‌نَییه هائه سِره دِله بوردی و وِشونِ هِمراه غِذا بَخُردی»

اعمال رَسولان 2:33

عیسی خِدائه راسِ دَسِ وَر بالا بُورده و آسِمونی پییِرِ جِم، روح‌القُدُسِ موعودِ بَییته و دَشِندیه، اینِ که اَلان ویندینی و اِشنُنِنی ره.

اعمال رَسولان 2:38

پِطرُس وِشونِ بااوته: «توبه هاکانین و هر کِدوم از شِما، عیسیِ مَسیحِ اسمِ هِمراه، شه گناهونِ آمِرزِشِ وسه غسلِ تَعمید بَیرین و روح‌القُدُسِ عطا ره گِرنِنی.

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

غَلاطیان 2:15

اِما یَهودی‌زادومی و «گِناهکارِ غیریَهودی» نیمی

اِفِسُسیان 2:11

پَس شه یاد بیارین که یه وَختی شِما غیریهودیونِ ’خَتنه نَییه‘ گاتِنی و شه ره’خَتنه بَییه‘ دونِسِنی- اِسا اون که، وِشونِ خَتنه، یِتا جسمانی کارِ که آدِمِ دَس اِنجام بَییه -