اعمال رَسولان 10:31 - کتاب مقدس به زبان مازندرانی - گویش شرقی

³¹ و بااوته: ”کُرنِلیوس، تِ دِعا مِستِجاب بَییه و صَدِقه هایی که دائی ره خِدا شه یاد بیارده.

گیله ماز

³¹ و باگوتِه: ”کُرنِلیوس، تی دُعا مستَجاب هَبا و صَدَقِه هایی که دَنِه بِیی رِه خدا خودِشِه یاد بیاردِه.

کتاب مقدس به زبان مازندرانی - گویش غربی

³¹ و بُتِه: ”کُرنِلیوس، تی دِعا مِستَجاب بَوِه و صَدَقِه هایی گه داوِه ای رِه خِدا شی یاد بیاردِه.

اعمال رَسولان 10:31 Iomraidhean Croise

لوقا 1:13

ولی فرشته وه ره بااوته: «ای زَکِریا، نَتِرس! تِ دِعا مِستَجاب بَییه. تِ زِنا اِلیزابِت تِ وِسه یِتا ریکا دِنیا یارنه که تِ وه اِسمِ یحیی اییِلنی.

اعمال رَسولان 10:30

کُرنِلیوس جِواب هِدا: «چهار روز قبل هَمین مووقه، ساعت سه بَعد از ظِهر شه سِره دِله دَیمه دِعا کاردِمه که یِدَفه یِتا مَردی که یِتا نورانی جِمه داشته مِ پَلی ظاهر بَییه

اعمال رَسولان 10:32

اِسا چَن نَفِرِ یافا بَفرِس و شَمعونِ مَعروف به پِطرُسِ اینجه بیار. وه شَمعونِ دَبّاغِ پَلی که وه سِره دریالو هَسه مهمونه.“

اعمال رَسولان 10:4

کُرنِلیوس تَرسِ هِمراه وه ره هارِشیه و بااوته: «چی خوانی باری آقا؟» فرشته بااوته: «تِ دعاها و صدقه‌ها، یِتا ذِکرِ هدیهِ واری خِدائه پَلی بَرِسیه.

فیلیپیان 4:18

شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.

یوحنایِ مکاشفه 5:8

وَختی که طومارِ بَییته، اون چهارتا زنده مخلوق و اون بیست و چهارتا پیر وَرهِ روب رو، بِنهِ سَر دَکِتِنه. هر کِدوم از وِشون، یِتا سازِ چَنگ شه دَس داشتِنه و پیاله هایی طِلائه جِم داشتِنه، که بُخورِ جِم پِر بییه که هَمون مقدّسینِ دِعاها هَسه.