اعمال رَسولان 10:22 - کتاب مقدس به زبان مازندرانی - گویش شرقی

²² وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

گیله ماز

²² اوشان باگوتِن: «کُرنِلیوس فَرماندِه اَمَرِه روانه هَکوردِه. اون آدَمِی دُرسکار و خُداترسِ و تمام ِیهود قوم اونِه خُوبی رِه گونِن. اون ایتا مُقَدَّسِ فِرِشتِه یه جی دَستور بِیتِه که تی دُمّال بَرِسانِه و تِرِه خودِشِه سِرِه دَعوَت هَکونِه و تی گَبِ بِشنُئِه.»

کتاب مقدس به زبان مازندرانی - گویش غربی

²² وِشون بُتِنِه: «اَمارِه رومی فَرموندِه کُرنِلیوس بَرِسانیِه. وی دِرِسکار و خِداترسِ آدَمِ و دِشتِه یهودی قوم وی خِبی رِه گِنِنِه. وی یَتِه مِقَدّسِ فِرِشتِه ای جا دَستور بَیتِه گه تی دِمال بَرِسانِه و تِرِه شی خِنِه دَعوَت هاکِنِه و تی گَبِ بِشنُئِه.»

اعمال رَسولان 10:22 Iomraidhean Croise

اِنجیلِ مَتّی 1:19

از اونجه که یوسِف صالحِ مَردی ای بییه و نِخواسه مریِمِ، مَردِمِ پیش رِسوا هاکانه، تَصمیم بَییتِه یَواشِکی وه جِم سیوا بَووه.

اِنجیلِ مَتّی 2:12

چوون خوِ دِله وِشونِ گوشزَد بَییه بییه كه هیرودیسِ پَلی بَرنَگِردِن، یِتا دییهِ راهِ جِم شه زادگاه بَردَگِردِسِنه.

مَرقُس 6:20

چوون هیرودیس یحییِ جِم تَرسیه، چوون که دونِسه یحیی صالح و مِقدَّسِ مَردیه، اینِ وِسه بییه که وه جِم محافظت کارده. هر وَخت یحییِ گَبِ اِشنُسه، خَله پریشون بونِسه. ولی هَمتی هم خِشالیِ هِمراه وه گَب ها ره گوش دائه.

مَرقُس 8:38

چوون هر کی این زِناکار و گِناهکارِ نَسلِ دِله مِ جِم و مِ گَبائه جِم عار داره، اِنسانِ ریکا هم وَختی که شه آسِمونی پییِرِ جِلالِ دِله، مِقدَّسِ فرشته هائه هِمراه بِیِّه، اون آدِمِ جِم عار داره.»

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

لوقا 23:50

اونجه یِتا مَردی دَییه که وه اسم یوسِف بییه، یوسِف رامهِ جِم بییه، یِتا از یَهودیونِ شهرا، وه مَردی خوار و صالح بییه. یوسِف با اینکه شورائه عضو بییه،

لوقا 9:26

چوون هر کی مِ جِم و مِ گَبِ جِم عار داره، اِنسانِ ریکا وَختی شه جِلال و شه پییِرِ جِلالِ دِله، مِقدَّسِ فرشته هائه هِمراه بِّیه، وه جِم عار دارنه.

اِنجیلِ یوحنا 13:20

حییقَتاً، شِما ره گامبه، هر کی مِ بَفرِسیه ره قَبول هاکانه، مِ ره قَبول هاکارده، و هر کی مِ ره قَبول هاکانه، مِ بَفرِسیه ره قَبول هاکارده.»

اِنجیلِ یوحنا 17:20

«مِن فِقَط وِشونِ وسه دَرخواس نَکامبه، بلکه اونایی وِسه هم که وِشونِ پِیغومِ طریق، مِ ره ایمون یارنِنه،

اِنجیلِ یوحنا 17:8

چوون کِلامی ره که مِ ره هِدایی، وِشونِ هِدامه، و وِشون اونِ قَبول هاکاردِنه و حَییقَتاً بِفَهمِسِنه که تِ طَرِفِ جِم بییَمومه، و باور هاکاردِنه که تِ مِ ره بَفرِسی ای.

اِنجیلِ یوحنا 5:24

حَییقَتاً، شِما ره گامبه، هر کی مِ کِلامِ بِشنُئه و اونیِ که مِ ره بَفرِسیه ره ایمون بیاره، اَبدی زندگی دارنه و داوِری نَوونه، بلکه مَرگِ جِم زندگی ره منتقل بَییه.

اِنجیلِ یوحنا 6:63

خِدائه روحِ که زنده کانده؛ تَن فایده‌ای نِدارنه. گَب هایی که مِن شِما ره بَزومه، روح و زندگیه.

اِنجیلِ یوحنا 6:68

شَمعونِ پِطرُس جِواب هِدا: «آقا، کِنه پَلی بُوریم؟ اَبدی زندگیِ کِلام، تِ پَلی دَره.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 10:21

پِطرُس جِر بُورده و وِشونِ بااوته: «مِن همونِتامه که وه دِمبال گِردِنِنی. چی وِسه بییَمونی؟»

اعمال رَسولان 10:30

کُرنِلیوس جِواب هِدا: «چهار روز قبل هَمین مووقه، ساعت سه بَعد از ظِهر شه سِره دِله دَیمه دِعا کاردِمه که یِدَفه یِتا مَردی که یِتا نورانی جِمه داشته مِ پَلی ظاهر بَییه

اعمال رَسولان 10:33

پَس دَرجا تِ دِمبال بَفرِسیمه و تِ هم لِطف هاکاردی و بییَموئی. اِسا اِما همه خِدائه پَلی حاضِریمی تا هر چی خِداوند تِ ره دستور هِدا، بِشنُئیم.»

اعمال رَسولان 10:6

وه یِتا دَبّاغِ پَلی که وه اسم شَمعونِ و وه سِره دریالو هَسه، مهمونه.»

اعمال رَسولان 11:14

وه تِ وِسه یِتا پِیغوم یارنه که اونِ خاطِری تِ و تِ خانِواده نِجات گِرنِنی.“

اعمال رَسولان 22:12

«دَمشق دِله، یِتا دیندارِ مَردی که وه اسم حَنانیا بییه و شَریعتِ اِنجام هِدائِنِ دِله غیرت داشته، زندگی کارده، وه تِمومِ یَهودیونِ دِله، خِشنوم بییه.

اعمال رَسولان 24:15

و مِن هم وِشونِ واری خِدا ره امید دارمه و اعتقاد دارمه، خوارِ آدِمون و بَدِ آدِمونِ وِسه زنده بَیِّنی در کارِ، دِرِس این آدِمونِ واری که قبول دارنِنه.

اعمال رَسولان 6:3

ای بِرارون، اینِ وِسه، شه میون هَفت نَفِر که خِش نومِنه و خِدائه روح و حِکمتِ جِم پِرِنه ره انتخاب هاکانین تا وِشونِ این کارِ سَر بییِلیم

رومی ایشون 1:17

چوون انجیلِ دِله، اون صالحی ای که خِدائه جِم هَسه دیار بونه، که اَوِّل تا آخِر ایمونِ سَر پابرجائه. هَمون طی که حَبَقوقِ کِتابِ دِله بَنوِشته بَییه: «صالح آدِمون ایمونِ هِمراه زندگی کاندِنه.»

دوّمین نامه قرنتیانِ وَسین 5:18

اینا همه خِدائه جِم هَسه که مَسیحِ طریق اِما ره شه هِمراه آشتی هِدا و آشتیِ خدمِتِ اِما ره بِسپارِسه.

اول تیموتائوس 3:7

به علاوه، وه وِنه اون مَردمی میون که کلیسائه بیرون دَرِنه هم، خِشنوم بوئه تا رِسوا نَووه و اِبلیسِ تَله نَکِفه.

نامِه مَسیحینی عبرانی نِژادی سِه 10:38

ولی مِ صالح آدِم ایمونِ هِمراه زندگی کانده. و اگه مِ جِم شه دیمِ بَردِگاردِنه، مِ جان اون آدِمِ جِم راضی نَبونه.»

نامِه مَسیحینی عبرانی نِژادی سِه 11:2

چوون ایمونِ خاطِری بییه که قدیمی مَردِمِ خَوِری، خواریِ هِمراه تَعریف تمجید هاکاردِنه.

نامِه مَسیحینی عبرانی نِژادی سِه 12:23

و اَوِّلین بِزا بَییهِ هائه مجلسِ دِله که وِشونِ اِسم آسمونِ دِله بَنوِشته بَییه و خِدایی که همه کَسِ داوِرِ، و صالحونِ روحهایی که کامل بَینه،

پطرسی دِوّمین نامِه 3:2

تا اون کِلامی که مِقدَّسِ پِیغَمبِرون، جلوتر بااوتِنه و خِداوند و اَمه نجات‌دهندهِ حِکمِ، که رَسولونِ طریق شِما ره هِدا ره شه یاد بیارین.

سوّم یوحنا 1:12

همه دیمیتریوسِ خَوِری خوار گِواهی دِنِنه، حَتَّی خِدِ حَییقت. اِما هَم این طی گِواهی دِمبی و دوندی که اَمه گِواهی راسِ.

یوحنایِ مکاشفه 14:10

وه هم خِدائه غَضِبِ شِرابِ جِم خوارنه اون شرابی که پِر‌ملات و خالصِ، خِدائه غَضِبِ پیالهِ دِله دَشِندی بَییه. وه، مِقَدَّسِ فرشته هائه جلو و وَرهِ جلو، تش و گوگِردِ هِمراه عِذاب کَشِنه.