اعمال رَسولان 10:2 - کتاب مقدس به زبان مازندرانی - گویش شرقی

² کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

گیله ماز

² کُرنِلیوس ایتا دیندارِ مَردای با و تمام اونِه خانِواده خُدا تَرس بان. کُرنِلیوس دَس و دِل بازی یه هَمرهَ فَقیرانِ صَدَقِه دَنِه با و هَمیشه خُدای پِیش دُعا کانِه با.

کتاب مقدس به زبان مازندرانی - گویش غربی

² کُرنِلیوس یَتِه دیندارِ مَردی وِه و دِشتِه وی خِنِواده خِدایی جا تَرسینِه. کُرنِلیوس دَس و دِل بازی ای هَمرا فَقیرِنه صَدَقِه داوِه و هَمِش خِدایی پِش دِعا کِردِه.

اعمال رَسولان 10:2 Iomraidhean Croise

اِنجیلِ مَتّی 25:17

و هَمین طی اون مَردی که شه چِهل سالِ دَسمِزِ اِندا بَییته بییه، شه اَربابِ پولِ دِ برابر هاکارده.

لوقا 18:1

عیسی شه شاگردونِ وسه مَثِلی بیارده تا وِشونِ سِراغ هاده که وِنه هَمِش دِعا هاکانِن و هیچ وَخت دلسرد نَووِن.

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

اعمال رَسولان 10:22

وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

اعمال رَسولان 10:31

و بااوته: ”کُرنِلیوس، تِ دِعا مِستِجاب بَییه و صَدِقه هایی که دائی ره خِدا شه یاد بیارده.

اعمال رَسولان 10:35

بلکه هر قومِ جِم، هر کی که خِدائه جِم بَتِرسه و اونچی که دِرِسِ ره انجام هاده، خِدا وه ره قبول کانده.

اعمال رَسولان 10:4

کُرنِلیوس تَرسِ هِمراه وه ره هارِشیه و بااوته: «چی خوانی باری آقا؟» فرشته بااوته: «تِ دعاها و صدقه‌ها، یِتا ذِکرِ هدیهِ واری خِدائه پَلی بَرِسیه.

اعمال رَسولان 10:7

وَختی فرشته‌ای که وه هِمراه گَب زوئه وه وَرِ جِم بورده، کُرنِلیوس دِتا از شه خادِمون و یِتا از شه سپاهیونِ سربازِ که وِفادارِ مَردی بییه ره شه پَلی صدا هاکارده

اعمال رَسولان 11:14

وه تِ وِسه یِتا پِیغوم یارنه که اونِ خاطِری تِ و تِ خانِواده نِجات گِرنِنی.“

اعمال رَسولان 13:16

پولُس اِیست هاکارده و دَسِ هِمراه اشاره هاکارده، بااوته: «ای یهودی مَردِم و شِما اِی خِداترسون، گوش هادین!

اعمال رَسولان 13:26

«ای بِرارون، ای ابراهیمِ وَچونِ نَسل، و ای خِداترسونی که شِمه میون دَرِنه! این نِجاتِ پِیغوم، اَمه وسه بَفرِسی بَییه.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 18:8

ولی عبادتگاه رئیس کْریسپوس، تِمومِ شه خانوادهِ هِمراه خِداوندِ ایمون بیاردِنه. همین طی هم قُرِنتُسِ اَهالیِ جِم خَیلیا وَختی پیغومِ بِشنُسِنه، ایمون بیاردِنه و غسل تَعمید بَییتِنه.

اعمال رَسولان 2:5

اون روزا، دیندارِ یَهودیون، آسِمونِ بِنِ تِمومِ مملکت هائه جِم، اورشَلیمِ شَهرِ دِله دَیینه.

اعمال رَسولان 22:12

«دَمشق دِله، یِتا دیندارِ مَردی که وه اسم حَنانیا بییه و شَریعتِ اِنجام هِدائِنِ دِله غیرت داشته، زندگی کارده، وه تِمومِ یَهودیونِ دِله، خِشنوم بییه.

اعمال رَسولان 8:2

ولی چَن تا خِداشِناسِ مَردی استیفانِ جنازه ره دَفن هاکاردِنه و وه وسه گَتِ عزاداری بَییتِنه.

اعمال رَسولان 9:11

خِداوند وه ره بااوته: «پِرِس و یِتا کوچه که وه اسم ”راسِ“ بور و یهودائه سِره دِله سولُسِ تارسوسیِ سِراغِ بَیر. وه دَره دِعا کانده

اعمال رَسولان 9:31

این طی کلیسا تِمومِ یهودیه و جلیل و سامِره دِله آرامش بَییته و قِوَّت گِته. وِشون خِداوندِ تَرسِ دِله زندگی کاردِنه و روح‌القُدُسِ تشویقِ هِمراه وِشونِ تعداد ویشتر بونِسه.

اعمال رَسولان 9:36

یافائه شَهرِ دِله یِتا شاگِرد که وه اسم طابیتا بییه زِندِگی کارده. یونانیونِ زِوون طابیتا ره دورکاس گاتِنه که وه مَعنی شوکا هَسه. این زنا شه ره خوارِ کارِ وَقف هاکارده بییه و فقیرونِ دَسِ گته.

کولُسیان 4:2

هَمِش دِعائه دِله استوار بوئین و دِعائه دِله شِکر هاکاردِنِ هِمراه، شِمه حِواس جَمع بوئه.

اوّل تِسالونیکیان 5:17

یه سَرِ دِعا هاکانین؛

یعقوبِ نامه 1:5

اگه کِسی شِمه میون حِکمِت نِدارنه، اونِ خِدائه جِم بِخوائه، هَمون خِدایی که بدون سَراکو و دَس دِلوازیِ هِمراه همه ره بَخشِنه، و وه ره دنه.

یوحنایِ مکاشفه 15:4

ای خِداوند،کیِ که تِ جِم نَتِرسه و تِ اسمِ، جِلال نَده؟ چوون فِقَط تِ قدّوسی. تِمومِ مِلّت ها اِنِنه و تِ ره پرسِش کاندِنه چوون که تِ عادلانه کارا دیار بَییه.»