اعمال رَسولان 10:17 - کتاب مقدس به زبان مازندرانی - گویش شرقی

¹⁷ پِطرُس هَمون حال که تَعجِّبِ هِمراه، رویائه مَعنی ره فکر کارده، اونایی که کُرنِلیوس بَفرِسیه بییه، شَمعونِ سِره ره پی دا هاکاردِنه و سِرهِ دَرِ پَلی اِیست هاکاردِنه.

گیله ماز

¹⁷ پطرس هَمون حال که تَعَجِبِ هَمرهَ رویای معنی فِکر دَبا، اوشانیکه کُرنِلیوس روانه هَکوردِه با شَمعونِ سِرِه رِه پیدا هَکوردَن و سِرِه یه دَرِ وَر بَرِسییَن.

کتاب مقدس به زبان مازندرانی - گویش غربی

¹⁷ پطرس هَمون حال گه تَجِّبی هَمرا رویائی معنی رِه فِکر کِردِه، اونانیگه کُرنِلیوس بَرِسانی وِه شَمعونی خِنِه رِه بَنگیتِنِه و خِنِه ای دَری وَر هِرِسانِه.

اعمال رَسولان 10:17 Iomraidhean Croise

اِنجیلِ یوحنا 13:12

بعد از اون که عیسی وِشونِ لینگِ بَشُسه، شه قَوا ره دَپوشیه و اَی دِواره شومِ سِفرهِ سَر هِنیشته، بعد وِشونِ بااوته: «بِفَهمِسِنی شِمه هِمراه چی هاکاردِمه؟

اعمال رَسولان 10:3

یِتا روز حدود ساعت سه بعد از ظِهر، رویا دِله واضح بَدیئه که خِدائه یِتا فرشته وه پَلی بییَمو و بااوته: «کُرنِلیوس!»

اعمال رَسولان 2:12

پَس همه حیرون و سَرگردون هَمدییه ره گاتِنه: «این اتّفاقِ مَعنی چیه؟»

اعمال رَسولان 25:20

مِن که نَدونِسِمه چی طی وِنه این طی قضیه ره رسیدگی هاکارد، وه جِم بَپِرسیمه خوانه اورشَلیم بُوره تا اونجه این اتهامائه وِسه محاکمه بَووه.

اعمال رَسولان 5:24

وَختی مَعبدِ نگهوونونِ فَرمونده و گَت گَتِ کاهِنون این خَوِرِ بِشنُسِنه هاج و واج بَمونِسنه، فِکرِ دِله بُوردِنه که «این کارِ عاقبت چی بونه؟»

اعمال رَسولان 9:10

دمشقِ دِله عیسیِ شاگِرد که وه اسم حَنانیا بییه زندگی کارده. خِداوند یِتا رویائه دِله وه ره بااوته: «حَنانیا!» جِواب هِدا: «بَفِرمی ای خِداوند.»

اعمال رَسولان 9:43

پِطرُس هم خَله روزا یافائه دِله یِتا دَبّاغِ پَلی که وه اسم شمعون بییه بَمونِسه.

اول پِطرُس 1:11

وِشون تَقِلّا کاردِنه بِفَهمِن مووقه ای که مَسیحِ روح، وِشونِ دِله، مَسیحِ رَنج ها و جِلال هایی جِم که بعد از اون اِنه، پیشگویی هاکارده، کیِ و چه مووقه ره نِشون دائه.