اعمال رَسولان 1:8 - کتاب مقدس به زبان مازندرانی - گویش شرقی

⁸ ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

گیله ماز

⁸ وَلی وَختِی روح القُدُس شِیمی سَر نازِل هَبو، قُوَّت گیرنین و اورشلیمِ شهرِ دِلِه و تمام یهودیه و سامِره یه منطقه و دنیایِ دورترین نُخطه یه جی، می شاهِدان بونین.»

کتاب مقدس به زبان مازندرانی - گویش غربی

⁸ ولی وختی روح القُدُس شِمِه سَر نازِل بَوو، قِوَّت گیرِنی و اورشلیمی شهری دِلِه و دِشتِه یهودیه و سامِره ای مَنطقِه و دِنیایی دورترین نِخطه ای جا، می شاهِدِن وونِنی.»

اعمال رَسولان 1:8 Iomraidhean Croise

اِنجیلِ مَتّی 24:14

سَر آخِر وَختی پادشاهیِ خَوِرِ خِش، تِمومِ دِنیائه آدِمون گوش بَرِسه و تِمومِ قوم ها اونِ جِم خَوِر دار بَوِون، اون وَخت دِنیا به آخِر رِسِنِه.

اِنجیلِ مَتّی 28:19

پَس بُورین و تِمومِ قومِ شاگِرد بَسازین و وِشونِ به اسمِ پییِر، و ریکا و روح القدس غسلِ تَعمید هادین

مَرقُس 16:15

بعد وِشونِ بااوته: «تِمومِ دِنیائه دِله بُورین و انجیلِ تِمومِ مَردِمِ وِسه اِعلام هاکانین.

لوقا 1:35

فرشته جِواب هِدا: «روح‌القدس تِ ره نازل بونه و خِدائه مِتعال قِوَّت، تِ سَر سایه دِم دِنه. اینِ وِسه، اون وَچه، مِقدّس و خِدائه ریکا بااوته بونه.

لوقا 10:19

اِسا شِما ره اقتدار دِمبه که مَرها و عَقرِبها ره شه لینگِ بِن لِه هاکانین و دِشمِنِ تِمومِ قِوَّتِ از بین بَوِرین، هیچی شِما ره آسیب نَرِسِندِنه.

لوقا 24:29

وِشون خَله اصرار هاکاردِنه و بااوتِنه: «اَمه هِمراه بَمون، چوون روز دَره تِموم بونه و نزیکِ شو بَووه.» پَس عیسی دِله بُورده تا وِشونِ پَلی بَمونه.

اِنجیلِ یوحنا 15:27

و شِما هم شِهادت دِنِنی، چوون از اَوِّل مِ هِمراه دَینی.

اعمال رَسولان 1:22

یعنی یحییِ تعمیدِ مووقه تا روزی که عیسی ره اَمه وَرِ جِم بالا بَوِردِنه، یِتا از این آدِمون وِنه اَمه هِمراه، عیسیِ زنده بَیِّنِ شاهد بَووه.»

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 13:31

خَله روزا عیسی شه ره اونایی وِسه که وه هِمراه جَلیلِ جِم اورشَلیم بییَمو بینه، ظاهر هاکارده که اَلانِم وِشون، قومِ وِسه وه شاهِدونِنه.

اعمال رَسولان 2:32

خِدا همین عیسی ره زنده هاکارده و اِما همه هم شاهِدیمی.

اعمال رَسولان 22:15

چوون تِ تِمومِ مَردِمِ پَلی، وه شاهد بونی و اونچی که بَدیئی و بِشنُسی ره شِهادت دِنی.

اعمال رَسولان 3:15

شِما زندگیِ سرچشمه ره بَکوشتینی، ولی خِدا وه ره مِرده هائه جِم زِنده هاکارده و اِما اینِ شاهِدیمی.

اعمال رَسولان 4:33

رَسولون عیسیِ خِداوندِ زِنده بَیِّن خَوِری قِوَّتِ هِمراه شِهادت دانه و خِدائه گَتِ فِیض، تِمومِ وِشونِ سَر دَییه.

اعمال رَسولان 5:32

و اِما این جَریانِ شاهِدیمی، هَمون طی که روح‌القدس هم شاهِدِ، هَمون روحی که خِدا وه ره شه مُطیعون بِبَخشیه.»

اعمال رَسولان 6:8

استیفان، فِیض و قِوَّتِ جِم پِر بییه و قومِ دِله خَله عجیبِ کارا و معجزات کارده.

اعمال رَسولان 8:1

سولُس اِستیفانِ بَکوشتِنِ هِمراه موافق بییه. از اون روز به بعد، یِتا گَتِ آزار اذیّت اورشَلیمِ کلیسائه علیه شِروع بَییه، جوری که به جِز رَسولون، همه، یهودیه و سامِرهِ مَنطقهِ سَمت پَخش و پِلا بَینه.

رومی ایشون 10:18

ولی پِرسِمبه: مگه نِشنُسِنه؟ البته که بِشنُسِنه، چوون: «وِشونِ صِدا تِمومِ زِمینِ دِله دَپیته، و وِشون کِلام، دِنیائه این سَر تا اون سَر بَرِسیه.»

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

کولُسیان 1:23

اگه راس راسی شِما ایمونِ دِله، محکم و پابرجا بوئین و اون انجیلِ امیدِ جِم تِکون نَخُرین، هَمون انجیل که آسمونِ بِنِ تِمومِ خلقتِ وِسه اِعلام بَییه، و مِن، پولُس، اونِ نوکِر بَیمه.