سوّم یوحنا 1:6 - کتاب مقدس به زبان مازندرانی - گویش شرقی

⁶ وِشون هم کلیسائه پَلی تِ مِحبَّتِ گِواهی هِدانه؛ پَس خوب کاری کاندی اگه وِشونِ اون طی که خِدائه شَئنِ، سَفِرِ وِسه راهی هاکانی.

گیله ماز

⁶ ایشان هَم کلیسایِ ورجه تی مُحبتِ گُواهی هَدَئن؛ پَس خوُب کاری کانی اَگه ایشان رِه اونجوریکه خُدایِ شَأنِ، سفر وَسین راهی هَکُنی.

کتاب مقدس به زبان مازندرانی - گویش غربی

⁶ وِشون هَم کلیسایی وَر تی مِحبتِ گِواهی هادانِه؛ پَس خِب کاری کِنّی اگه وِشونِه اونجور گه خِدایی شَأنِ، سفری سِه راهی هاکِنی.

سوّم یوحنا 1:6 Iomraidhean Croise

اعمال رَسولان 15:29

بت هائه قِروونی خِراک و خون و خفه بَییه حیوونونِ گوشت و زِنائه جِم دوری هاکانین. اگه اینائه جِم دوری هاکانین، خوارِنی. سِلامت بوئین»

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

دوّمین نامه قرنتیانِ وَسین 1:16

مِن خواسِمه که شه راهِ سَر به مقدونیه شِما ره بَوینِم و مقدونیهِ جِم اَی هم شِمه پَلی بَردَگِردِم تا مِ ره یَهودیهِ مَنطقه راهی هاکانین.

فیلیپیان 4:14

با این وجود، لطف هاکاردینی که مِ زحمِت هائه دِله شَریک بَینی.

کولُسیان 1:10

تا شِمه رِفتار، خِداوندِ لایق بوئه، و بَتونین وه ره کاملاً خِشال هاکانین: هر خوارِ کارِ دِله ثمر بیارین و خِدائه بِشناسییَنِ دِله رشد هاکانین

اوّل تِسالونیکیان 2:12

اِما هر کِدوم از شِما ره یِتا یِتا تَشویق هاکاردیمی و تَسلّی هِدامی و سفارش هاکاردیمی تا اون طی که خِدائه لایقِ زندگی هاکانین که شِما ره شه پادشاهی و جِلالِ وِسه دَعوِت کانده.

تیتوس 3:13

تا اونجه که توندی، وکیل زیناس و آپولُسِ اون سَفِرِ دِله که دارنِنه کُمِک هاکان، تِ حِواس دَووه، کمِ کسری نِدارِن

اول پِطرُس 2:20

چوون شِمه وِسه چه فایده ای دارنه وَختی که شِما گِناه کاندینی و تنبیه بونِنی و تِحَمّل کاندینی؟ ولی اگه خواری هاکانین و وه عَوِض رَنج بَوینین و تِحَمّل هاکانین، این کار یِتا کاریِ که خِدائه نَظِر فیضِ جِم پِرِ.

سوّم یوحنا 1:12

همه دیمیتریوسِ خَوِری خوار گِواهی دِنِنه، حَتَّی خِدِ حَییقت. اِما هَم این طی گِواهی دِمبی و دوندی که اَمه گِواهی راسِ.