سوّم یوحنا 1:10 - کتاب مقدس به زبان مازندرانی - گویش شرقی

¹⁰ پَس اگه مِن بِیِّم، کارایی که وه کانده ره رسیدگی کامبه، چوون غَرِضِ هِمراه اَمه علیه گانه و اینِ هم قانع نَییه، بِرارونِ هم قبول نَکانده؛ و وه، بِرارونی هَم که خوانِنه وِشونِ قبول هاکانِنه ئه دَمِ گِرنه و کلیسائه جِم بیرون کانده.

گیله ماز

¹⁰ پَس اگه مَن بییَم، کارایی که اون کانه رِه رسیدگی کانَم، چون غَرَضِ هَمرَه اَمی بَدی رِه گونِه، به این هَم قانع نَبا، اَداشان رِه هَم قبول نُکانه؛ وَ اون اَداشانی هَم که خَنِن اوشانه قَبول هَکُنَنِ جُلوهِ گیرنِه و کلیسای جی دِرگا کانه.

کتاب مقدس به زبان مازندرانی - گویش غربی

¹⁰ پَس اگه مِن بیئِم، کارایی گه وی کِنِّه رِه رسیدگی کِمِّه، چون غَرَضی هَمرا اَمِه علِیه گِنِه، هَینِ هَم قانع نَوِه، بِرارِنِ هَم قَبول نَکِنِّه؛ و وی بِرارِنی هَم گه خواینِنِه وِشونِه قَبول هاکِنِنی دَمِ گیرنِه و کلیسایی جا دیرگا کِنِّه.

سوّم یوحنا 1:10 Iomraidhean Croise

لوقا 6:22

«خِش به حال شِما، اون مووقه که مَردِم، اِنسانِ ریکائه اِسمِ خاطِری، شِمه جِم بیزار بَووِن و شِما ره شه جَمعِ جِم بیرون هاکانِن و فحش هادِن و تِهمت بَزِنِن.

اِنجیلِ یوحنا 9:22

اون مَردیِ پییِرمار یَهودیونِ تَرسِ جِم این چیا ره بااوتِنه. چوون یَهودیون قَبلِاً هَمَدَس بَییه بینه هر کی اِقرار هاکانه که عیسی هَمون مَسیحِ موعود، وه ره عِبادَتگاهِ جِم بیرون هاکانِن.

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

دوّمین نامه قرنتیانِ وَسین 13:2

مِن شه دِوّمین دیدارِ دِله که اونجه دَیمه، کِسایی ره که قبلاً گِناه هاکارده بینه، و بَقیه ره هم هِشدار هِدامه که اگه اَلان هم که اونجه دَنیمه، اَی هم هِشدار دِمبه که اَت کَش دییه شِمه پَلی بِیِّم، وِشونِ رحم نَکامبه.

غَلاطیان 6:10

پَس تا فرصت دارمی، تِمومِ مَردِمِ خواری هاکانیم، مخصوصاً اونایی که مَسیحِ ایمون دارنِنه.

اول تیموتائوس 5:13

به علاوه، وِشون تَنبلی ره یاد گِرنِنه، این سِره اون سِره شونِنه؛ نا فِقَط تنبلی، بلکه تِتِک بتِک گر و فضولِ بونِنه، و اون چیایی که نَوِسه بارِنِ گانِنه.

دوم یوحنا 1:10

اگه کِسی شِمه پَلی بِیّه و این تعلیمِ نیاره، وه ره شه سِره راه نَدین و وه ره خِش بییَموئی، نارین؛

دوم یوحنا 1:12

هر چَن خَله چیا دارمه که شِمه وِسه بَنِویسِم، ولی نِخوامبه مِرَکَّب و کاغذِ هِمراه بوئه. بلکه امید دارمه شِمه پَلی بِیِّم و رو در رو گَب بَزِنیم تا اَمه خِشالی کامل بَووه.

سوّم یوحنا 1:3

چوون خِشال بَیمه اون مووقه که بِرارون بَییَمونه و تِ وِفاداری که حییقتِ دِله زندگی کاندی ره گِواهی هِدانه.

سوّم یوحنا 1:5

ای عزیز، تِ تِمومِ کارائه دِله بِرارونِ وِسه، شه اَمانتِ سِراغ دِنی، بخصوص اینکه تِ پَلی غریبِنه.